२ पत्रुस 1:9 - Sunuwar Bible

⁹ सुम मोदेंशो मपाइबा, मेको ब्रा ब्रा पा ताइब बाक्‍ब। मेको मुर आ ङोंइती पशो पाप क्‍याम्‍शो बाक्‍ब, दे प्रेंशो बाक्‍ब। १यूहन्‍ना २:९,११

२ पत्रुस 1:9 ပူးပေါင်းရင်းမြစ်များ

लेवी 13:55

मेको मुरशो नोले चढ़ेबम मेको कली रिम्‍शो पा कोव़चा माल्‍ब। मिनु मेको बुंखी आ लुम्‍सीशो रङ मफांइसीशो बाक्‍त हना यो, मेको ग्रांग्रा दिशो बाक्‍ब। मेको बुंखी आ तार गे बाक्‍त हना यो, आगा गे बाक्‍त हना यो, मेको कली मीम चोचा माल्‍ब।

मर्कूस 10:21

येसुमी मेको आ कुल शिरशा कोव़शा, मेको कली दाक्‍शा “का चहिं मपवी। लशा, इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मिनु इ शोंप स्‍वर्गमी बाक्‍ब” देंमाक्‍त। मर्कूस ८:३४; मत्ती १०:३८

लूका 18:22

मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०

रोमी 6:11

मोपतीके गेपुकीमी यो आंम कली पाप आ पर्बम बेक्‍शो नु ख्रीस्‍त येसु आ पतीकेमी परमप्रभु यावे कली ब्रोंइनय, दे मिम्‍तीन। २कोरिन्‍थी ५:१५; १पत्रुस २:२४

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

एफिसी 5:26

मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

१ पत्रुस 3:21

ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

प्रकाश 3:17

मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८