२ पत्रुस 1:2 - Sunuwar Bible

² परमप्रभु यावे नु प्रभु येसु कली तुइक्‍तीकेमी शिशी नु इन थुं नाइक्‍तीके बारना बारन लल।

२ पत्रुस 1:2 ပူးပေါင်းရင်းမြစ်များ

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

दानीएल 4:1

मिनु पिप नेबुकदनेसरमी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ६:२५

दानीएल 6:25

मिनु नोले पिप दारामी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ४:१

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

फिलिप्‍पी 3:8

थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९

२ पत्रुस 1:3

परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४

२ पत्रुस 1:5

मोपतीके गे इन थमा सुइक्‍तीके नु इन पशो गेय गारचा माल्‍ब। इन पशो गेय नु “परमप्रभु यावे आ दाक्‍शो मार बाक्‍मे?” दे तुइक्‍चा माल्‍नीनी। गलाती ५:६,२२

२ पत्रुस 1:8

गेपुकी मोदेंशो शुश पाइतीनी हना, इं प्रभु येसु ख्रीस्‍त कली तुइक्‍तीकेमी रिम्‍शो पा शुश फल सिश्‍शो खोदेंशो दुम्‍ब।

२ पत्रुस 2:20

मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।

यहूदा 1:2

परमप्रभु यावे आ दाक्‍तीके, थुं नाइक्‍तीके नु दाक्‍मुतीके गेपुकी नु शुश बाक्‍ल।

प्रकाश 1:4

गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६