२ पत्रुस 1:19 - Sunuwar Bible

¹⁹ मिनु गोपुकीमी साइ ङा परमप्रभु यावे आ लोव़ पाइब आन पशो लोव़ मुल रिम्‍शो पा रुप्‍तक। गे यो परमप्रभु यावे आ साइ ङा लोव़ पाइब आन ब्रेक्‍शो लोव़ रुप्‍चा नु तुइक्‍चा कली छिङछिङमी ब्रशो बत्ती खोदेंशो पा होस पा बाक्‍कीन। मिनु नोले इन थुंमी सुक्‍कुर सोरुल खोदेंशो पा छेङछेङ दुम्‍नीनु, आन ब्रेक्‍शो नेल्‍ल रुप्‍नीनी। भजन संग्रह ११९:१०५

२ पत्रुस 1:19 ပူးပေါင်းရင်းမြစ်များ

भजन संग्रह 119:105

इन लोव़ आं खोइली कली छेङछेङ बाक्‍ब, आं लां तचा कली रांको खोदेंशो बाक्‍ब। २पत्रुस १:१९

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

यसैया 14:12

गे सुनी आ तौ, सुकुर सोरुल, दोपा सरीङ रे दोक्‍ङे? रागी रागी ङा मुर आन कली ग्राब, दोपा क्‍योरचा पुंइसीशा दोक्‍ङे?” देंनीम।

यसैया 41:26

सुमी ङोंइती रे आंइ कली तुइक्‍पदा? मेको गो तुइक्‍चा माल्‍नीकी। मिनु सुमी ङोंइती शेंदा? ‘मेको ठीक बाक्‍ब’ देंने चाप्‍नीकी। सुइमी मशेंदेम, सुइमी लोव़ मपामे। मिनु सुइमी इन पशो लोव़ मनेनेम।

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

यसैया 9:2

छिङछिङम गाक्‍बपुकीम ठेयब छेङछेङ ताइनीम। थम छिङछिङ ङा रागीम बाक्‍ब आन तार थम छेङछेङ दुम्‍ब।

मत्ती 4:16

ङोंइती छिङछिङम बाक्‍बपुकीमी मुल ठेयब छेङछेङ ताम्‍तेक्‍म। बेक्‍चा ङा रागी नु हिंशा बेक्‍चा ङा रागीम बाक्‍ब आन कली छेङछेङ दुम्‍त” दे ब्रेक्‍शो बाक्‍त। यसैया ८:२३; यसैया ९:१; यूहन्‍ना ८:१२

यूहन्‍ना 5:35

यूहन्‍ना छेङछेङ पा ब्रशो बत्ती खोदेंशो बाक्‍त। गे मेको आ हाम्‍सोमी ग्‍येरशा बाक्‍चा दाक्‍ताक्‍नी।

यूहन्‍ना 5:39

गे परमप्रभु यावे आ लोव़ शेंसीन सीन बाक्‍नीनी। मारदे हना मो पशोनु, ब्रोंइशा बाक्‍चा तांइसीब, दे मिम्‍नीनी। मिनु परमप्रभु यावे आ लोव़मी आं पर्बम ब्रेक्‍शो बाक्‍त। लूका २४:२७,४४; २तिमोथी ३:१५-१७

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

प्रेरित 15:29

मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

प्रेरित 17:11

बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

हिब्रू 2:2

परमप्रभु यावे आ स्‍वर्ग ङा गेय पाइबपुकीम तुइक्‍पाइश्‍शो लोव़ थमा दुम्‍त। मिनु सु सुमी मेको आन लोव़ मटीमे, मेकोपुकीमी सजाइ ताम्‍तेक्‍म। प्रेरित ७:५३; गलाती ३:१९

याकूब 2:8

परमप्रभु यावे आ राज्‍य ङा अरेशो लोव़म मार ब्रेक्‍शो बाक्‍ब देंशा हना “अरु आन कली आंम इन कली दाक्‍शो खोदेंशो पा दाक्‍तीन” दे ब्रेक्‍शो बाक्‍ब। मो पाइतीनी हना, गेपुकी रिम्‍शो पाइनीनी। लेवी १९:१८

१ पत्रुस 1:10

साइ ङोंइती परमप्रभु यावे आ लोव़ पाइबपुकीमी गे शिशी ताइब दुम्‍नीनी, दे लोव़ पशो बाक्‍तेक्‍म। मिनु पाप रे ब्रोंइतीके तुइक्‍चा कली शुश माल्‍शो बाक्‍तेक्‍म। लूका १०:२४

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

३ यूहन्‍ना 1:6

इ खिंमी जाक्‍शा बाक्‍शा, थमा सुइक्‍बपुकीमी “गायसमी थमा सुइक्‍ब आन कली शुश दाक्‍शा, खिंमी बाक्‍चा गेप्‍तु” दे आंइ ग्रुम्‍तीकेमी नेंपाइक्‍तेक्‍म। मिनु गे मोपा येसु ख्रीस्‍त कली थमा सुइक्‍ब आन कली खिंमी बाक्‍चा गेचा ला ममाइ, तन्‍न आन लची ना मेकोपुकीमी मार मार माल्‍नीमी, मेको नेल्‍ल परमप्रभु यावेमी खोदेंशो पा गेशा सोइक्‍ताक्‍नी हना, गे रिम्‍शो दुम्‍नीनी। तीतस ३:१३

प्रकाश 2:28

मिनु गोमी मेको सैतान कली ग्राब आन कली सुनी ङा सुक्‍कुर सोरुल गेनुङ।

प्रकाश 22:16

मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८