२ पत्रुस 1:18 - Sunuwar Bible

¹⁸ गोपुकीमी मेको सेंदा सरीङ रे नेंतक। मारदे हना गोपुकी मेको नु परमप्रभु यावे आ डांडाम बाक्‍शो नकी।

२ पत्रुस 1:18 ပူးပေါင်းရင်းမြစ်များ

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

प्रस्‍थान 3:5

मिनु लेंशा “एक मपिवो। इ जुत्ता प्रुतो। मारदे हना इ राप्‍शा बाक्‍तीके आं बाक्‍तीके बाक्‍ब। उत्‍पत्ती २८:१७; यहोसु ५:१५

यसैया 11:9

आं डांडामी मारेइ श्‍येत नु खतम दुम्‍तीके मबाक्‍ब। मारदे हना दोदेंशो पा ब्‍वाक्‍कुम समुन्‍द्र ब्रीबा, मोदेंशो पा परमप्रभु यावे कली तुइक्‍तीकेम रागी नेल्‍ल ब्रीब।

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

जकरिया 8:3

परमप्रभु यावेमी “गो सियोनमी जाक्‍शा, यरूसलेम आ दातेमी बाक्‍नुङ। मिनु यरूसलेम थमा सुइक्‍चा पुंइसीब सहर दुम्‍ब। मिनु मुर नेल्‍ल आन परमप्रभु यावे आ डांडा आंम आ बाक्‍तीक डांडा दुम्‍ब” देंत। जकरिया १:१६; यसैया १:२१,२६; भजन संग्रह २:६

मत्ती 17:6

मोदेंशो नेंशा, शेंसीबपुकी हिंशा खुम्‍की पा बाम्‍मा बाक्‍त।

यहोसु 5:15

मिनु परमप्रभु यावे आ फौज आन कली चलेबमी यहोसु कली “इ लिक्‍शो जुत्ता प्रुतो। मारदे हना इ बाक्‍शो परमप्रभु यावे आ बाक्‍तीक बाक्‍ब” देंत। मिनु यहोसुमी मेको आ देंशो खोदेंशो पा आ जुत्ता प्रुइक्‍तु। प्रस्‍थान ३:५