२ पत्रुस 1:13 - Sunuwar Bible

¹³ गो ब्रोंइङा सम्‍म इन कली मिम्‍पाइक्‍चा रिम्‍शो बाक्‍ब, दे मिम्‍नुङ। २कोरिन्‍थी ५:१

२ पत्रुस 1:13 ပူးပေါင်းရင်းမြစ်များ

यसैया 38:12

आं बाक्‍तीक खिं, गोठ खोदेंशो पा, प्रेश्‍शा आं रे ङोन याक्‍ताक्‍म। तोव़ प्रोव़बमी वा तोल्‍शो खोदेंशो पा, गो आं ब्रोंइतीक नाक्‍त तोल्‍शो बाक्‍नुङ। गो तोव़ रे ख्रोइक्‍चा पुंइसाक्‍ङ। नाक्‍दो नाक्‍ती आं कली बेक्‍पाइक्‍नीनी” दे परमप्रभु कली लोव़ पाता।

हाग्‍गै 1:14

मिनु परमप्रभु यावेमी शाल्‍तीएल आ तौ, यहूदा रागीम हुकुम पाइब, जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब, यहोसु नु लीशो मुर आन थुं कली जोंब पोक्‍ताक्‍व। मिनु मेकोपुकीमी मुर नेल्‍ल आन परमप्रभु यावे, आ खिं सेल्‍चा गोम्‍तेक्‍म।

२ कोरिन्‍थी 5:8

गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। फिलिप्‍पी १:२३

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

फिलिप्‍पी 3:10

आं दाक्‍शो मार बाक्‍त देंशा हना, गो येसु ख्रीस्‍त कली तुइक्‍ने चबुल। आ सेंतीक सक्ति गो नु बाक्‍ल। दोपा श्‍येत जशा, साइक्‍चा पुंइसीशो बाक्‍मे, मोपा गो यो मोदेंशो दुम्‍ङल। रोमी ६:३-५; रोमी ८:१७; गलाती ६:१७

२ तिमोथी 1:6

मोपतीके गो इ कली आं गुइ इ तारी वोदुनु, परमप्रभु यावेमी इ कली मार मार गेवा, मेको लेंशा मी खोदेंशो पा ब्रपतो, दे फ्रुक्‍पाइक्‍नन। १तिमोथी ४:१४

हिब्रू 13:3

जेल्‍खानम चोक्‍चा पुंइसीशो आन कली काथा बाक्‍शो मिम्‍शा वारच पने। श्‍येत गेचा पुंइसीब आन कली तशा, आंम श्‍येत जशो खोदेंशो मिम्‍तीने। मत्ती २५:३६

२ पत्रुस 1:12

मोपतीके गो इन कली नेल्‍ल नाक्‍ती मोदेंशो मिम्‍पाइक्‍नुङ। गेपुकी मेको तुइश्‍शा नु थमा शेंतीके पाइब दुम्‍तीनी हना यो, गो इन कली मिम्‍पाइक्‍नुङ।

२ पत्रुस 1:14

इं प्रभु येसु ख्रीस्‍तमी “गे शुश नाक्‍त मलीनेवे” दे कोंइताक्‍यी। यूहन्‍ना २१:१८-१९

२ पत्रुस 3:1

आं दाक्‍शो लोक्‍बपुकी, गो इन कली चिठी निक्‍शी ब्रेक्‍ताक्‍ङ। गो एको चिठी निक्‍शीमी इन थुंमी मिम्‍पाइश्‍शा फ्रुक्‍पाइक्‍ता। २पत्रुस १:१३