२ पत्रुस 1:11 - Sunuwar Bible

¹¹ मिनु नोले पाप रे प्रोंइब इं प्रभु येसु ख्रीस्‍तमी इन कली आ गेना हना यो लीब राज्‍यमी रिम्‍शो पा ओव़चा गेब।

२ पत्रुस 1:11 ပူးပေါင်းရင်းမြစ်များ

भजन संग्रह 145:13

इन राज्‍य गेना हना यो लीब राज्‍य बाक्‍ब। इन सासन पतीके पाला पाला सम्‍म बाक्‍ब। परमप्रभु यावेमी आ देंशो नेल्‍ल पाइब। मिनु आ पशो मारेइ मारेइ शिशीम पाइब।

भजन संग्रह 36:8

मेकोपुकी इन खिं ङा जचा तूचामी रूनीम। गे मेको आन कली इन ग्‍येरतीकेमी ग्‍येरपाइक्‍नीनी।

ठेयब कुम्सो 5:1

ए आं समी, आं ग्‍युम्‍ली, गो आं फल फुल रूमी जाक्‍ती। गो आं ब्रोव़शो रिना पाइश्‍शो मूरे नु मस्‍ला खुप्‍ताक्‍ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्‍तीकेम दुक्‍शो खोदेंशो दुमीन।

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

यूहन्‍ना 10:10

खुइमी दा खुइ पथ, साइक्‍थ नु प्रेत्‍थ ला जाक्‍ब। गो चहिं भेडा आन कली ब्रोंइचा गेशा, ग्‍येरसीशा बाक्‍मल, दे जाक्‍ती” दे शेंताक्‍व।

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

१ कोरिन्‍थी 15:24

मिनु नोले रागी नुप्‍ची ना जाक्‍ब। मिनु मेकोमी नेल्‍ल सासन, नेल्‍ल अधिकार नु नेल्‍ल सक्ति खतम सेल्‍शा, आ आफ परमप्रभु यावे कली आ राज्‍य गेब। रोमी ८:३८

२ कोरिन्‍थी 5:1

इं रां, रागी ङा ताम्‍बु खोदेंशो बाक्‍ब। मेको जाम्‍शा लाइब बाक्‍त। मेको जाम्‍शा लत हना यो, परमप्रभु यावेमी इं कली नक बाक्‍तीके गेब। मेको खिं गुइम सेल्‍शो मबाक्‍ब। मेको गेना हना यो लीब स्‍वर्ग ङा खिं बाक्‍ब। २पत्रुस १:१४

एफिसी 3:20

गे नेल्‍ल आन क्‍येङा ठेयब सक्ति पाइश्‍शो बाक्‍नीनी। मोपतीके इन सक्ति रे आंइ पुंइशो नु मिम्‍शो क्‍येङा यो शुश गेने चाप्‍नीनी।

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 6:17

मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

२ पत्रुस 1:5

मोपतीके गे इन थमा सुइक्‍तीके नु इन पशो गेय गारचा माल्‍ब। इन पशो गेय नु “परमप्रभु यावे आ दाक्‍शो मार बाक्‍मे?” दे तुइक्‍चा माल्‍नीनी। गलाती ५:६,२२

२ पत्रुस 2:20

मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८

प्रकाश 5:10

मिनु गे मेको आन कली परमप्रभु यावे आ राज्‍य ङा पिप नु आ ङोंइती राप्‍ब सेल्‍तीनी। मिनु रागी नेल्‍ल कली सासन पाइब यो सेल्‍तीनी” दे कुम्‍सो पाम्‍तेक्‍म। प्रकाश १:६; प्रस्‍थान १९:६