२ राजा 9:2 - Sunuwar Bible

² मिनु मेक जाक्‍दीश्‍शा, निम्‍शी आ चच, येहो-शाफात आ तौ येहू कली मालो। मिनु मेको कली आ वारचपुकी रे फ्राशा, आगा ङा कोठाम लतो।

२ राजा 9:2 ပူးပေါင်းရင်းမြစ်များ

१ राजा 20:30

मिनु मेको आन दाते ङा लीशोपुकी अफेक ङा सहरम प्रोक्‍मा बाक्‍त। मिनु मेकेर ङा गारो ब्रेश्‍शा १७ हजार आन कली चिप्‍ता बाक्‍त। बेन-हादाद चहिं सहर ओव़शा, ख्रुइश्‍शा बाक्‍माक्‍त।

१ राजा 22:25

मिनु मीकायाम “गे आंमा आगा ङा कोठाम ख्रुइक्‍थ लवे नाक्‍त, तुइक्‍नेवे” दे मदा बाक्‍त।

२ राजा 9:11

मिनु येहू मेको नोले लडाइ पाइब आन ठेयब मुर आन बाक्‍तीक जाक्‍माक्‍त। मिनु मेकोपुकीम मेको कली “मार नेल्‍ल रिम्‍शोन बाक्‍बा? मेको आ निप्‍स ग्‍यशो मुर इ बाक्‍तीक मारदे जाक्‍म?” दे हिल्‍लो पामे बाक्‍त। मिनु येहूमी मेको आन कली “गे मेको मुर कली तुइक्‍नीनी। मिनु मेकोम मार देंबा, मेको यो तुइक्‍नीनी” दे माइक्‍मी बाक्‍त।

२ राजा 9:14

मोपतीके निम्‍शी आ चच येहो-शाफात आ तौ येहूम येहोराम कली मरिम्‍शो पचा गोवा बाक्‍त। मिनु येहोराम नु इस्राएली नेल्‍ले अराम ङा पिप हजाएल आ जोरी सत्रु दुम्‍शा रामोथ-गिलाद कली खाल पामे बाक्‍त।

२ राजा 9:20

मिनु मेको कोव़शा खाल पाइबमी “मेको लोव़ कुर‍बमी मेको आन कली ग्रुम्‍चा दा ग्रुम्‍तु, तन्‍न मेको यो लेश्‍शा मजा। मेरे बग्‍गी दोरपाइक्‍ब दा निम्‍शी आ चच येहू बाक्‍त। मारदे हना मेकोम निप्‍स ग्‍यशो मुरुमी दोरपाइश्‍शो खोदेंशो पा दोरपाइक्‍ब” देंमाक्‍त।

२ राजा 9:5

मिनु मेको मेक जाक्‍दीम्‍मेनु, येहू लडाइ पाइब आन ठेयब मुरपुकी नु ग्रुम्‍शा काथा बाक्‍शो थिम्‍मी बाक्‍त। मिनु मेकोम येहू कली “लडाइ पाइब आन ठेयब मुरपुकी, गो इन नु लोव़ का पचा माल्‍‍नुङ” देंमाक्‍त। मिनु येहूम “गो आंइ दाते ङा सु नु लोव़ पचा माल्‍नेवे?” देंमाक्‍त। मिनु मेकोम “इन नु” देंमाक्‍त।