२ राजा 9:14 - Sunuwar Bible

¹⁴ मोपतीके निम्‍शी आ चच येहो-शाफात आ तौ येहूम येहोराम कली मरिम्‍शो पचा गोवा बाक्‍त। मिनु येहोराम नु इस्राएली नेल्‍ले अराम ङा पिप हजाएल आ जोरी सत्रु दुम्‍शा रामोथ-गिलाद कली खाल पामे बाक्‍त।

२ राजा 9:14 ပူးပေါင်းရင်းမြစ်များ

१ राजा 15:27

मिनु इस्‍साकार आ खिं ङा मुर अहीयाह आ तौ बाशाम मेको कली मरिम्‍शो पचा गोवा बाक्‍त। मिनु बाशामी मेको कली गिब्बेथोन सहरम तुप्‍शा सदा बाक्‍त। मेको गिब्बेथोन सहर नादाब नु इस्राएली नेल्‍लेम पुम्‍शा वोइश्‍शो, पलिस्‍ती आन सहर बाक्‍माक्‍त। यहोसु १९:४४

१ राजा 16:16

मिनु बाक्‍तीक सेल्‍शा बाक्‍ब इस्राएलीपुकीमी जिम्री आ पशो नु पिप कली साइश्‍शो लोव़ नेंशा, मेको नाक्‍तीन मेकोपुकीमी आन बाक्‍तीक उइ लडाइ पाइब आन ठेयब मुर ओम्री कली इस्राएल ङा पिप सेल्‍मे बाक्‍त।

१ राजा 16:7

ङोंइती परमप्रभु यावेमी हानानी आ तौ, आ लोव़ पाइब येहू कली बाशा नु आ खिं ङा मुर आन पर्बम लोव़ पशो बाक्‍माक्‍त। मेकोमी परमप्रभु यावे आ ङोंइती मरिम्‍शो पा गाइक्‍पाइक्‍तीके, येरोबाम आ खिं ङा मुर खोदेंशो दुम्‍तीके नु येरोबाम नु आ खिं ङा मुर आन कली खतम पोक्‍तीके हानानी आ तौ, आ लोव़ पाइब येहू कली मोदेंशो लोव़ पशो बाक्‍माक्‍त।

१ राजा 16:9

मिनु मेको आ लडाइ पाइब बग्‍गी चलेब, आन भाग निक्‍शीमी भाग का ङा ठेयब मुर जिम्रीमी मेको कली मरिम्‍शो पचा गोवा बाक्‍त। मेना पिप एलाह तिरचा सहरम आ खिं ङा मारेइ मारेइ कोव़ब अरचा आ खिं तिरचा सहरम बाक्‍शा, तूशा दुक्‍शो बाक्‍माक्‍त।

१ राजा 22:3

मिनु इस्राएल ङा पिपमी आ गेय पाइब आन कली “गे नेल्‍लेम रामोथ-गिलाद इं के बाक्‍ब, दे तुइक्‍नीनी। मो हना यो गो मेको अराम ङा पिप रे लेश्‍शा ताक्‍चा कली मारेइ मपशो बाक्‍नय” देंमाक्‍त। यहोसु २१:३८

२ राजा 10:9

मिनु आ दीसा सुनी येहू लाङगा ग्रूमाक्‍त। मिनु मेकोम मेकेर राप्‍शा बाक्‍ब नेल्‍ल आन कली “गे दोस ताइब मननी। आंम होव़प कली मरिम्‍शो पा साइक्‍ब मुर दा गो नङ। तन्‍न एको नेल्‍ल आन कली चहिं सुम सदा?

२ राजा 12:21

मेको कली साइक्‍ब, योआश आ गेय पाइब शिमेआथ आ तौ योजाकार नु शोमेर आ तौ येहो-जाबाद बाक्‍सा बाक्‍त। मिनु योआश बेक्‍शा आ किकी पिप नु दाऊद आ सहरम थिम्‍चा पुंइसे बाक्‍त। मिनु मेको आ पा ङा आ तौ अमस्‍याह पिप दुम्‍माक्‍त। २राजा १४:१

२ राजा 15:30

मिनु एलाह आ तौ होशेआमी रेमाल्‍याह आ तौ पेकाह कली साइक्‍चा मला बाक्‍त। मिनु पेकाह कली तुप्‍शा सदा बाक्‍त। मिनु मेको आ पा ङा पिप दुम्‍माक्‍त। मेना यहूदामी उज्‍जीयाह आ तौ योथामम सासन पशो २० बर्स दुम्‍शो बाक्‍माक्‍त। २राजा १७:१; २राजा १५:२५

२ राजा 8:28

यहूदा ङा पिप अहाज्‍याह नु आहाब आ तौ इस्राएल ङा पिप येहोराम नु गारशा, अराम ङा पिप हजाएल नु लडाइ पचा कली रामोथ-गिलादम लमाक्‍त। तन्‍न अरामीपुकीम येहोराम कली गार सेल्‍मे बाक्‍त।

२ राजा 8:29

मिनु अराम ङा पिप हजाएल नु लडाइ पथ लमेनु, रामाहम गार दुम्‍शो रे साचा कली येहोराम येज्रेल सहरम लमाक्‍त। मिनु यहूदा ङा पिप येहोराम आ तौ अहाज्‍याह इस्राएल ङा पिप आहाब आ तौ येहोराम कली कोव़थ येज्रेल सहर लमाक्‍त। मारदे हना मेको कली गार दुम्‍शो बाक्‍माक्‍त। २राजा ९:१४-१६

२ राजा 9:2

मिनु मेक जाक्‍दीश्‍शा, निम्‍शी आ चच, येहो-शाफात आ तौ येहू कली मालो। मिनु मेको कली आ वारचपुकी रे फ्राशा, आगा ङा कोठाम लतो।

२ राजा 9:31

मिनु येहू ठेयब लाप्‍चो रे ओव़माक्‍त। मिनु इजेबेलम “ए आंम होव़प कली साइक्‍ब जिम्री, मार, गे रिम्‍शो पथ जाक्‍ङे” दे मदा बाक्‍त। १राजा १६:९-१०