२ राजा 8:4 - Sunuwar Bible

⁴ मेना पिप चहिं परमप्रभु आ मुर आ गेय पाइब गेहाजी कली “एलीशाम पशो ठेयब ठेयब गेय नेल्‍ल आं कली शेंदी” दे मेको नु लोव़ पना पन बाक्‍शो बाक्‍माक्‍त।

२ राजा 8:4 ပူးပေါင်းရင်းမြစ်များ

२ राजा 2:14

मिनु मेकोमी एलीया आ फेक्‍शो वामी ब्‍वाक्‍कु तुप्‍शा “परमप्रभु यावे, एलीया आ परमप्रभु ते बाक्‍म?” देंमाक्‍त। मिनु ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्रामेनु, मेको ओंथ हांबु शोक्‍से बाक्‍त।

२ राजा 2:24

मिनु मेकोम लेश्‍शा कोव़शा, मेको आन कली परमप्रभु यावे आ नेंमी सराप पाइक्‍मी बाक्‍त। मिनु ब्‍वाकी रे छाउरी वां निक्‍शी ग्रूशा, मेको आन दाते ङा ४२ जना आन कली क्राइ‍श्‍शा साइक्‍मी बाक्‍त।

२ राजा 4:12

मिनु मेकोम आ गेय पाइब गेहाजी कली “मेको शुनेम सहर ङा मीश मुर कली ब्रेश्‍शा कुतो” दे मदा बाक्‍त। मिनु मेकोम, मेको कली ब्रेत्‍ता बाक्‍त। मिनु मेको एलीशा आ ङोंइती जाक्‍माक्‍त।

२ राजा 4:25

मोपा मेको गाक्‍शा, परमप्रभु आ मुर बाक्‍तीके कारमेल डांडाम जाक्‍माक्‍त। मिनु परमप्रभु आ मुरुम मेको कली ङोन रेन तशा आ गेय पाइब गेहाजी कली “कोव़ङ, दे मेरे जाक्‍ब शुनेम सहर ङा मीश मुर बाक्‍ब।

२ राजा 5:14

मोपतीके मेको उइ ब्रुम्‍माक्‍त। मिनु परमप्रभु आ मुरुम देंशो खोदेंशो पा, यर्दन खोलाम ७ खेयप चिक्‍से बाक्‍त। मिनु मेको आ श्‍ये नु कुशुल ङोंइती ङा खोदेंशो पा ठिटा आन के खोदेंशो दुम्‍माक्‍त। मिनु मेको ग्रांग्रा मदिशो दुम्‍माक्‍त। लेवी १४:७-९; लूका ४:२७

२ राजा 6:32

मिनु पिपम आ लोव़ कुरब मुर का कली एलीशा आ बाक्‍तीक सोइक्‍ता बाक्‍त। मेना एलीशा खाल्‍पापुकी नु आ खिंम बाक्‍शो बाक्‍माक्‍त। तन्‍न मेको लोव़ कुरब मुर जाक्‍चा क्‍येङा ङोंइती एलीशाम मेको खाल्‍पा आन कली “मेको मुर साइक्‍बम आं पिया ख्रोइक्‍पाइक्‍चा कली मुर सोइश्‍शो गे मतनी? कोव़ङीन, मेको आ लोव़ कुरब जाक्‍मेनु, लाप्‍चो चोक्‍कीन। मिनु थम बोल्‍यो पा नेप्‍शा बाक्‍कीन। मार मेको आ होव़प मेको आ नो‍नोले मपिशो बाक्‍बा ङा?” देंमाक्‍त।

२ राजा 6:6

मिनु मेको परमप्रभु आ मुरुम “मेको ते दोक्‍म” दे हिल्‍लो पवा बाक्‍त। मिनु मेकोम एकेर दोक्‍त, दे कोंइदा बाक्‍त। मिनु एलीशाम मेकेर शी का ख्रोइश्‍शा ब्‍वारदा बाक्‍त। मिनु मेको खा ब्‍वाक्‍कु तार ग्रूमाक्‍त।

२ राजा 7:1

एलीशाम “परमप्रभु यावे आ लोव़ नेनीन। परमप्रभु यावेमी ‘दीसा सामरीया ङा ठेयब लाप्‍चो आ ङोंइती शेकेल का चांदीमी सेआह माइश्‍शो पुक्‍तीक का रिम्‍शो फस नु शेकेल का चांदीम पुक्‍तीक निक्‍शी क्‍योव़ज लेयसीब’ देंशो बाक्‍ब” देंमाक्‍त। शेकेल का ११.५ ग्राम खोदेंशो बाक्‍ब। सेआह का आगा ७,३ लिटर रिक्‍शो ठेयब पाथी खोदेंशो पुक्‍तीके बाक्‍ब। २राजा ७:१६-१९

२ राजा 7:10

मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।

२ राजा 7:3

मिनु मेको सहर ङा लाप्‍चो आ ङोंइती ४ जना कोव़र पशो मुर बाक्‍मा बाक्‍त। मिनु मेकोपुकीम “गो मबेक्‍या सम्‍म मारदे एकेर बाक्‍नया? लेवी १३:४६

२ राजा 8:3

मिनु ७ बर्स नोले मेको पलिस्‍ती आन रागी रे लेश्‍शा जाक्‍माक्‍त। मिनु मेको आ रू नु खिं लेश्‍शा तचा कली पिप आ बाक्‍तीक लमाक्‍त।

मत्ती 2:8

मिनु “लो, मुल बेथलेहेम सहर लने। मेकेर जाक्‍दीश्‍शा, मेको आल मालीन। मिनु थिश्‍शा आं कली यो शेंदीन। गो यो लशा ठेयब सेल्‍नुङ” दे सोइक्‍तीमी बाक्‍त।

लूका 23:8

मिनु हेरोदमी येसु कली तशा, ग्‍येरसे बाक्‍त। मारदे हना शुश नाक्‍त रे ग्रुम ग्रुम दाक्‍शो बाक्‍माक्‍त। मुर आन कली सापाइश्‍शो, चिन्‍ड कोंइशो शुश लोव़ नेंशा “मारेइ छक लाक्‍चा ङा गेय कोंइबा कों” दे मिम्‍शो बाक्‍माक्‍त। लूका ९:९

लूका 9:9

मिनु हेरोदमी “गो यूहन्‍ना आ पिया क्‍योर‍पाइक्‍ता। तन्‍न एको सु का आ पर्बम लोव़ नेंनु?” दे मेको कली ग्रुम्‍चा दाक्‍ता बाक्‍त। लूका २१:८

यूहन्‍ना 9:27

“गो ना कना माइक्‍तन्‍नी। गेपुकी चहिं मनेंनीनी। मारदे लेंशा नेंचा दाक्‍नीनी? गेपुकी यो मेको आ शेंसीब दुम्‍चा दाक्‍नीनी?” दे माइक्‍तीमी।

प्रेरित 24:24

इच्‍का नाक्‍त नोले हुकुम पाइब फेलीक्‍स नु आ मीश द्रुसील्‍ला जाक्‍सा बाक्‍त। आ मीश यहूदी तमी बाक्‍माक्‍त। मिनु पावल कली चाक्‍पाइश्‍शा, ख्रीस्‍त कली थमा सुइक्‍चा आ पर्बम लोव़ पपदसे बाक्‍त।