२ राजा 8:18 - Sunuwar Bible

¹⁸ मेको इस्राएल ङा पिप, आहाब आ खिं ङा मुर आन लांम गाक्‍माक्‍त। मारदे हना मेकोम आहाब आ तमी ग्‍युं‍वे पशो बाक्‍माक्‍त। मिनु मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।

२ राजा 8:18 ပူးပေါင်းရင်းမြစ်များ

१ राजा 21:25

आहाबम आ मीश इजेबेल आ लोव़ नेंशा, परमप्रभु यावे आ ङोंइती काइ मरिम्‍शो पवा बाक्‍त। मोदेंशो मुर अर्को सुइ मबाक्‍मा बाक्‍त।

१ राजा 22:44

येहो-शाफात इस्राएल ङा पिप नु यो गारशा बाक्‍माक्‍त। १राजा १५:१४; २राजा १२:४

२ राजा 16:3

मेको इस्राएल ङा पिप आन लांम गाक्‍माक्‍त। मेकोमी आ तौ कली चोशा चढ़ेवा बाक्‍त। मोदेंशो ग्रांग्रा दि‍शो गेय पशो आ पर्बम परमप्रभु यावेमी ङोंइती रागी रागी ङा मुर आन कली इस्राएल रे ग्रुंइशो बाक्‍माक्‍त। लेवी १८:२१

२ राजा 21:13

गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।

२ राजा 21:3

मेकोमी आ आफ हिज्‍कीयाहमी खतम पोक्‍शो डांडा ङा थानपुकी लेंशा सेला बाक्‍त। मेकोम इस्राएल ङा पिप आहाब खोदेंशो पा बाल कली चढ़ेतीक नु मूर्ति पाइश्‍शो थाम सेला बाक्‍त। इस्राएल ङा पिप आहाब खोदेंशो पा मेकोमी नां तास्‍ला नु सोरुल आन कली खुम्‍की पा बाप्‍शा पूजा पवा बाक्‍त। १राजा १६:३३

२ राजा 8:26

अहाज्‍याह पिप दुम्‍मेनु २२ बर्स दुम्‍शो बाक्‍माक्‍त। मिनु मेकोम यरूसलेममी बर्स का सासन पवा बाक्‍त। मेको आ ममा आ नें अथाल्‍याह बाक्‍माक्‍त। मेको इस्राएल ङा पिप ओम्री आ चच बाक्‍माक्‍त। २राजा ११:१

२ राजा 8:27

अहाज्‍याह आहाब आ खिं ङा मुर आन लांम गाक्‍माक्‍त। मिनु आहाब आ खिं ङा मुरपुकीम खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मारदे हना मेको आहाब आ चांइवा दुम्‍शो बाक्‍माक्‍त।

२ इतिहास 17:4

तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।

२ इतिहास 18:1

मिनु पिप येहो-शाफात शुश शोंप पाइश्‍शो, मान ताइब नु थाम्‍पा ठेयब मुर दुम्‍माक्‍त। मिनु मेकोमी आहाब आ खिं ङा मुर नु ग्‍युंबे पा नाता सेला बाक्‍त।

२ इतिहास 19:2

मिनु परमप्रभु यावे आ नोले दुम्‍ब लोव़ पाइब हानानी आ तौ येहू मेको कली ग्रुम्‍थ जाक्‍माक्‍त। मिनु मेकोमी येहो-शाफात कली “मार, मरिम्‍शो पाइब कली वारच पाइश्‍शा, परमप्रभु यावे आ जोरी सत्रु कली दाक्‍चा ठीक बाक्‍बा? इन पशो तशा परमप्रभु यावे इन पर्बम गाइक्‍ताक्‍व।

२ इतिहास 21:13

तन्‍न गे आहाब आ खिं ङा मुर खोदेंशो पा इस्राएल ङा पिप आ लांम गाक्‍शा, आहाबमी इस्राएली आन कली परमप्रभु प्रोंइपाइश्‍शो हेंथे गाक्‍शो खोदेंशो पा, गे यहूदा नु यरूसलेम ङा मुर आन कली मूर्ति पूजा पपाइश्‍शा, परमप्रभु कली प्रोंइपाइक्‍तीवी। मिनु इ आफ आ तौपुकी, इ लोक्‍ब आन कली यो साइक्‍तीवी। मेकोपुकी इं क्‍येङा रिम्‍शो मुर बाक्‍‍तेक्‍म।

२ इतिहास 21:6

मेकोमी आहाब आ खिं ङा मुर खोदेंशो पा इस्राएल ङा पिप आन लांम गाक्‍माक्‍त। मारदे हना मेको आ मीश पिप आहाब आ तमी बाक्‍माक्‍त। मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।

मीका 6:16

गे ओम्री आ अरेशो लोव़ पाप्‍तीवी। मिनु आहाब आ खिं ङा मुर आन पशो नेल्‍ल पाप्‍तीवी। मिनु मेको आन गेशो अर्ती टिप्‍तीवी। मोपतीके गो इ कली खतम पोक्‍नुङ। मिनु इ मुर आन कली शुक्‍शी पतीक सेल्‍नुङ। गे आं मुर आन गाइश्‍शो ताइनेवे” दे ब्रेन्‍न ब्रेन्‍न बाक्‍ब। १राजा १६:२९-३३