Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




२ राजा 8:12 - Sunuwar Bible

12 मिनु हजाएलम “ए आं प्रभु, गे मारदे ङाक्‍नी?” दे हिल्‍लो पवा बाक्‍त। मिनु मेकोमी हजाएल कली “गेम इस्राएल ङा मुर आन कली काइ मरिम्‍शो पशो तुइक्‍नुङ। गे मेको आन दरवारम मी सुइक्‍नेवे। मिनु मेको आन ठिटा मुर आन कली तरवारम क्‍योरनेवे। मेको आन आइक्‍च आल आन कली खपीम राप्‍शा साइक्‍नेवे। मेको आन कोव़ज कुरशो मीश मुर आन कोव़ज पाक्‍नेवे” दे मदा बाक्‍त। २राजा १०:३२

အခန်းကိုကြည့်ပါ။ ကော်ပီ




२ राजा 8:12
19 ပူးပေါင်းရင်းမြစ်များ  

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।


मिनु हजाएल आ तरवार रे ब्रोंइशो आन कली येहूमी साइक्‍ब। मिनु येहू आ तरवार रे ब्रोंइशो आन कली एलीशामी साइक्‍ब।


मेना अराम ङा पिप हजाएल इर कुशा, गाथ कली लडाइ तोशा मेको आ के सेला बाक्‍त। मेको नोले हजाएल यरूसलेम नु लडाइ पचा कली मेक गे लमाक्‍त।


तन्‍न यहूदा ङा पिप योआशमी मेको आ किकी पिपी, यहूदा ङा पिप येहो-शाफात, येहोराम नु अहाज्‍याहम चढ़ेशो परमप्रभु यावे आ खिं ङा क्‍येट नु आंम आ चढ़ेशो थोव़क, परमप्रभु यावे आ खिंम बाक्‍शो थोव़क नु आ दरवारम बाक्‍शो सुन नेल्‍ल अराम ङा पिप हजाएल कली सोइक्‍ता बाक्‍त। मिनु हजाएल यरूसलेम रे लेम्‍माक्‍त। २राजा १०:३२


मिनु अराम ङा पिप हजाएलमी इस्राएल कली श्‍येत गेस ङा गेस बाक्‍माक्‍त। मेना येहो-अहाजम इस्राएलम सासन पशो बाक्‍माक्‍त।


मोपतीके परमप्रभु यावेमी इस्राएली आन कली तशा गाइक्‍ता बाक्‍त। मिनु मेकोमी मेको आन कली शुश खेयप अराम ङा पिप हजाएल नु मेको आ तौ बेन-हादाद आस गुइमी गेमी बाक्‍त। २राजा १०:३२


येहो-अहाज के ५० जना शारा ङोइक्‍ब, १० ओटा बग्‍गी नु १० हजार खोइलीम गाक्‍ब लडाइ पाइब ङा लाक्‍शा अर्को मारेइ मलीशो बाक्‍माक्‍त। मारदे हना अरु आन कली अराम ङा पिपम साइश्‍शा, खप ङा फुरक खोदेंशो सेल्‍शो बाक्‍माक्‍त।


मेना मेनाहेममी तिरचा सहर रे लाइश्‍शा, तिफ्‍साह नु मेको आ एर ओंथ बाक्‍शो रागी नेल्‍ल आन कली लडाइ तोव़मी बाक्‍त। मारदे हना मेकोपुकीम मेको कली ठेयब लाप्‍चो रोक्‍शा मगेमे बाक्‍त। मेकोम तिफ्‍साह कली खतम सेला बाक्‍त। मिनु आल कुरशो मीश मुर नेल्‍ल आन कोव़ज पाक्‍मी बाक्‍त। तिफसाह ताप्‍पुआह सहर आ हिब्रू नें बाक्ब। यहोसु १२:२४; २राजा ८:१२


मिनु मेको मीश मुरुमी “ए आं प्रभु, मार गो तौ पुंइशो नङा ङा? आं कली आस कोंइशा मोशा मसेल्‍यीनी देंशा पुंइशो मनङा ङा?” देंमाक्‍त।


आन आल आन कली आन ङोंइती खपीम राप्‍शा साइश्‍शो ताइनीम। मेको आन खिं ङा मारेइ मारेइ योल्‍नीम। मेको आन मीश बिथोलो पाइनीम। भजन संग्रह १३७:८-९


वोंइश आल आन कली लिब्राम साइक्‍नीम। आइक्‍च आल नु ठेयब आल नेल्‍ल आन कली शिशी मपथु साइक्‍नीम।


मोपतीके इन मुर आन कली लडाइ तोइनीम। मिनु शाल्‍मनमी बेथ-आरबेल कली खतम पोक्‍शो खोदेंशो पा इन दरवार नेल्‍ल खतम पोक्‍शा गेनीम। मेना आल नु आ ममा कली यो साइक्‍नीम।


सामरीया ङा मुरपुकीमी आन पाप पशो ङा श्‍येत जचा माल्‍नीम। मारदे हना मेकोपुकीम आंम परमप्रभु कली मटीम। मेकोपुकी तरवारमी साइक्‍चा पुंइसीनीम। मेको आन आलपुकी खपीमी ताइश्‍शा साइक्‍चा पुंइसीनीम। मेको आन कोव़ज कुरशो मीश मुर आन कोव़ज चेत्‍चा पुंइसीनीम” देंत। २राजा १५:१६


गे इस्राएली, परमप्रभु यावे, इन परमप्रभु गे लेश्‍शा जाक्‍कीन। मारदे हना गे इन मरिम्‍शो पतीके रे खतम दुम्‍तीनी।


मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६


मो हना यो मेको ग्‍याइश्‍शा ग्रुंइचा पुंइसाक्‍व। मेको आ आलपुकी लांम ताइश्‍‍शा साइक्‍चा पुंइसाक्‍म। आ ठेयब मुर आन कली बाजी आप्‍शा लाइक्‍तेक्‍म। मिनु मेको आन नेल्‍ल क्‍येङा ठेयब मुर नेल्‍ल साङलोमी फ्रेंचा पुंइसाक्‍म। योएल ४:३


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ