२ राजा 7:8 - Sunuwar Bible

⁸ मिनु मेको कोव़र पशो मुर अरामी आन बाक्‍तीक जाक्‍दीम्‍मा बाक्‍त। मिनु मेकोपुकी ताम्‍बु काम ओव़शा जशा तूशा बाक्‍मा बाक्‍त। मिनु सुन चांदी वापुकी एर ओंथ लाइश्‍शा ख्रुइश्‍शा वोदमे बाक्‍त। मेको नोले मेकोपुकी लेंशा अर्को बाक्‍तीकेम ओव़मा बाक्‍त। मिनु मार मार लाइश्‍शा ख्रुइश्‍शा वोदमे बाक्‍त।

२ राजा 7:8 ပူးပေါင်းရင်းမြစ်များ

२ राजा 5:24

मिनु मेको गेहाजी डांडाम जाक्‍शा, मेको गेय पाइब आस गुइ रे ताक्‍शो थोव़क आ खिंम वोदा बाक्‍त। मिनु मेको आस कली चहिं सोइक्‍तीम्‍सी बाक्‍त। मिनु मेको गाक्‍सा बाक्‍त।

२ राजा 7:9

मिनु मेकोपुकी आंम आंमा “गो मरिम्‍शो गेय पाइतय। मुलाक्‍ती रिम्‍शो लोव़ नेंपाइक्‍तीक नाक्‍त बाक्‍ब। गोपुकी चहिं सिक्‍सी पा बाक्‍शो बाक्‍नय। दीसा सम्‍म गो ओं पा बाक्‍तय हना, दोस ताइनय। मुल गो रीब पा लशा, पिप आ दरवारम एको लोव़ नेंपाइ‍य्‍य” देंमुमा बाक्‍त।

यसैया 33:23

गे इन जहाज ङा डोरी शुंइसीशो बाक्‍नीम। मुरपुकीम मेको डोंगा आ दातेम बाक्‍शो थाम बोल्‍यो पा राप्‍पाइश्‍शा सेल्‍ने मचबेम। मेकोपुकीम मेको आ वा क्‍युक्‍ने मचबेम। मेना रोइश्‍शो मार मार शुश योक्‍सीनीम। खोइल मदुक्‍बपुकीम यो रोइश्‍शो मार मार रे आन भाग ताक्‍नीम।

येरमीया 41:8

तन्‍न मेको आन दाते ङा १० जना मुरपुकीम इश्‍माएल कली “आंइ कली मसाइक्‍की। गोपुकी नु रू कामी ख्रुइश्‍शा, वोइश्‍शो चेरब क्‍योव़जी तेल नु खुदो बाक्‍नीम” देंतेक्‍म। मोपतीके मेकोमी मेको आन कली प्रोंइतीमी। मेको आन कली अरु नु मसद।

मत्ती 13:44

स्‍वर्ग ङा राज्‍य ओदेंशो यो बाक्‍ब, रू कामी शोंप थिम्‍शा वोइश्‍शो बाक्‍माक्‍त। मिनु काबु मुर कामी मेको शोंप थिदा बाक्‍त। मिनु थम ग्‍येरसीशा, लेंशा थिम्‍शा वोइश्‍शा, आइक्‍के बाक्‍शो नेल्‍ल लेश्‍शा, मेको रू ग्‍यबा बाक्‍त। मत्ती १९:२९; लूका १४:३३; फिलिप्‍पी ३:७

मत्ती 25:18

टलेन्‍ट का ताक्‍बमी चहिं आ होव़प आ शोंप लाइश्‍शा थिम्‍शा ख्रुइश्‍शा वोइक्‍ब।टलेन्‍ट का नेल्‍ल क्‍येङा ठेयब क्‍येट बाक्‍ब।

यहोसु 7:21

गो खतम सेल्‍चा माल्‍शो थोव़क रे पा शिनार रागी ङा रिम्‍शो फेक्‍तीक वा, सहे निक्‍शी शेकेल चांदी नु ५० शेकेल हेल्‍शो सुन के कोक्‍के का ताता। गो मेको साप्‍पा दाक्‍ताक्‍ङ ङा मिन लांइसाक्‍यी। मिनु मेको आं ताम्‍बु आगाम थिम्‍शा वोइक्‍ता। मेको चांदी नेल्‍ल क्‍येङा आगाम बाक्‍ब” देंत। शेकेल का ११.५ ग्राम बाक्‍ब।