२ राजा 7:10 - Sunuwar Bible

¹⁰ मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।

२ राजा 7:10 ပူးပေါင်းရင်းမြစ်များ

२ सामुएल 18:26

मिनु मेको खाल पाइबमी अर्को मुर का यो दोरशा पिशो तवा बाक्‍त। मिनु लाप्‍चो खाल पाइब कली “कोव़ङीन, दे अर्को मुर का यो आ कान दोरशा पिन पिन बाक्‍ब” देंमाक्‍त। मिनु पिपमी “मेकोम यो लोव़ चाक्‍गा माइ” देंमाक्‍त।

२ राजा 7:11

मिनु लाप्‍चो खाल पाइबपुकीम ठेयब सेंदा पा मेको लोव़ पिप आ खिंम नेंपदमे बाक्‍त।

२ राजा 7:9

मिनु मेकोपुकी आंम आंमा “गो मरिम्‍शो गेय पाइतय। मुलाक्‍ती रिम्‍शो लोव़ नेंपाइक्‍तीक नाक्‍त बाक्‍ब। गोपुकी चहिं सिक्‍सी पा बाक्‍शो बाक्‍नय। दीसा सम्‍म गो ओं पा बाक्‍तय हना, दोस ताइनय। मुल गो रीब पा लशा, पिप आ दरवारम एको लोव़ नेंपाइ‍य्‍य” देंमुमा बाक्‍त।

१ इतिहास 15:18

मिनु मेको आन नोले जकरिया, याजीएल, शेमीरामोथ, येहीएल, उन्‍नी, एलीआब, बेनायाह, मासेयाह, मत्तीथ्‍याह, एली-फेलेहु, मीक्‍नैयाह नु लाप्‍चो खाल पाइब ओबेद-एदोम नु यिएल आन कली योव़ेङमे बाक्‍त।

१ इतिहास 16:38

ओबेद-एदोम नु आ खिं ङा मुर मेको आन कली वारच पाइब बाक्‍मा बाक्‍त। येदुथून आ तौ ओबेद-एदोम नु होसाह लाप्‍चो कोव़ब आन ठेयब मुर बाक्‍सा बाक्‍त।

२ इतिहास 23:19

येहो-यादाम मारेइ पा ग्रांग्रा दिशो दुम्‍शो मुर आन कली ओव़चा मगेचा कली परमप्रभु यावे आ खिं ङा लाप्‍चोम खाल पाइबपुकी वोइक्‍पदा बाक्‍त।

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।