२ राजा 6:9 - Sunuwar Bible

⁹ मिनु परमप्रभु आ मुरुम इस्राएल ङा पिप कली “मेकेर रे गाक्‍ची ना होस पा गाक्‍कीन। मारदे हना अरामी मेकेर लशो बाक्‍नीम” देंमाक्‍त।

२ राजा 6:9 ပူးပေါင်းရင်းမြစ်များ

१ राजा 20:13

मेना परमप्रभु यावे आ लोव़ पाइब का इस्राएल ङा पिप आहाब आ बाक्‍तीक जाक्‍शा, मेको कली “परमप्रभु यावेमी ‘मार, गे एको ठेयब हुल लडाइ पाइब आन कली तवी? कोव़ङो, गो मुलाक्‍तीन मेको आन कली इ गुइमी गेनुङ। मिनु गोन परमप्रभु यावे नङ, दे तुइक्‍नेवे’ देंत” दें‍माक्‍त।

१ राजा 20:28

मिनु परमप्रभु आ मुर का इस्राएल ङा पिप आ बाक्‍तीकेम जाक्‍शा, मेको कली “परमप्रभु यावेम ‘अरामीपुकीम परमप्रभु यावे, इस्राएली आन परमप्रभु पहाड ङा देवता ला बाक्‍ब। बेंसी ङा देवता ममाइ, दे मिम्‍शो बाक्‍नीम। मोपतीके गो एको ठेयब हुल लडाइ पाइब आन कली इ गुइमी गेनुङ। मिनु गे गोन परमप्रभु यावे नङ, दे तुइक्‍नेवे’ देंत” देंमाक्‍त। प्रस्‍थान ७:५

२ राजा 4:1

मिनु परमप्रभु यावे आ लोव़ पाइब का आ मीश जाक्‍शा ठेयब सेंदा पा एलीशा कली “इन गेय पाइब आं वोंइश बेक्‍त। मेको परमप्रभु यावे कली मान पा हिंब बाक्‍त, दे तुइक्‍नीनी। तन्‍न मुल मेको आ जेर जशो मुर जाक्‍शा आं आल निक्‍शी आस कली वाइल सेल्‍चा कली लाइक्‍चशो बाक्‍ब” देंमाक्‍त।

२ राजा 4:27

मिनु मेको परमप्रभु आ मुर बाक्‍तीक डांडाम जाक्‍शा, एलीशा आ खोइल मुबा बाक्‍त। मिनु गेहाजी मेको कली फ्राचा कली जाक्‍मेनु, परमप्रभु आ मुरुम एको कली “मपावो, एको कली ठेयब श्‍येत दुम्‍शो बाक्‍ब। तन्‍न परमप्रभु यावेमी मेको लोव़ ख्रुइश्‍शा, आं कली मशेंदी” देंमाक्‍त।

२ राजा 4:7

मिनु मेको लशा, मेको परमप्रभु आ मुर कली शेंदा बाक्‍त। मिनु मेकोमी “लशा मेको तेल लेयङो। मिनु इ जेर थाप्‍तो। मिनु लीशो क्‍येट चहिं इन खिं ङा मुर आन कली थुल्‍चा कली दुम्‍ल” दे मदा बाक्‍त।

२ राजा 6:10

मोपतीके इस्राएल ङा पिपमी आ मुर आन कली मेकेर गाक्‍नीनु “होस पा गाक्‍कीन” दे का निक्‍शी खेयप हिंच कोंइदा बाक्‍त। मिनु मेकोपुकी होस पा बाक्‍मा बाक्‍त।

२ राजा 6:12

मिनु मेको लडाइ पाइब आन ठेयब मुर आन दाते ङा काम “आं प्रभु पिप, आं प्रभु, गो सुइम मो मपक। तन्‍न इस्राएल ङा परमप्रभु यावे आ लोव़ पाइब एलीशाम गे इन इप्‍तीक कोठाम ब्‍वाक्‍शो यो शेंब” देंमाक्‍त।

२ राजा 6:8

काले अराम ङा पिप इस्राएल नु लडाइ पना पन बाक्‍माक्‍त। मिनु मेकोम आ गेय पाइब लडाइ पाइब आन ठेयब मुरपुकी नु सल्‍ला पा “गो आं बाक्‍तीक मेकेर सेल्‍नुङ” देंमाक्‍त।

अय्‍युब 5:12

मेकोम मरिम्‍शो मिम्‍शा पाइब आन कली आन मिम्‍शो मदुम्‍पाइक्‍ब। मिनु मेकोपुकीम आन मिम्‍शो पने मचाप्‍नीम।

भजन संग्रह 33:10

परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।

हितोपदेस 22:12

परमप्रभु यावेमी तुइक्‍‍ब मुर आन कली कोव़ब। तन्‍न हेंथे पाइब आन थमा सुइक्‍चा मपुंइसीब लोव़ थुम्‍पाइक्‍ब।

येरमीया 11:18

परमप्रभु यावेम आं कली मेको मुरपुकीम मार पचा माल्‍शो बाक्‍मा, मेको कोंइशा तुइक्‍पाइक्‍ती। गे आं कली, आन मरिम्‍शो पचशो कोंइताक्‍यीनी।

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।