२ राजा 6:18 - Sunuwar Bible

¹⁸ मिनु अरामीपुकी तोइश्‍शा मेको आ बाक्‍तीक पिमानु, एलीशाम परमप्रभु यावे कली “एको मुर आन कली मिक्‍च मताइब सेलीन” दे पुना बाक्‍त। मिनु एलीशाम पुंइशो खोदेंशो पा, परमप्रभु यावेम मेको आन कली मिक्‍च मताइब सेल्‍मी बाक्‍त। उत्‍पत्ती १९:११

२ राजा 6:18 ပူးပေါင်းရင်းမြစ်များ

उत्पत्ती 19:11

मिनु मेको निक्‍शीमी लाङगाम बाक्‍शो मुर आन कली मिक्‍च मताइब सेल्‍से बाक्‍त। मिनु मेकोपुकीमी लाप्‍चो मथित्‍थु, माल्‍चा प्रोन्‍मे बाक्‍त। २राजा ६:१८

२ राजा 6:19

मिनु एलीशाम मेको आन कली “एको लां ममाइ। एको सहर यो ममाइ। गे आं नोले खोइय्‍यीनी। मिनु गो इन माल्‍शो मुर आ बाक्‍तीक चाक्‍दीत्‍नन्‍नी” दे माइक्‍मी बाक्‍त। मिनु एलीशाम मेको आन कली सामरीयाम चाक्‍दीम्‍मी बाक्‍त।

अय्‍युब 5:14

मेको आन कली नाक्‍तीन छिङछिङ दुम्‍ब। मिनु नाक्‍ती उइक्‍थ दुम्‍मेनु, मेकोपुकी नाक्‍दो खोदेंशो पा सुल्‍शा गाक्‍नीम। यसैया ५९:९-१०

होसे 1:7

मिनु गो यहूदा आ खिं कली शिशी कोंइनुङ। मिनु मेको आन कली जोरी सत्रु आन गुइ रे पा प्रोंइनुङ। लिब्रा, तरवार नु लडाइ पाइब शारा नु शारा ङोइक्‍बपुकी रे ममाइ, तन्‍न गो मेको आन कली आंमान प्रोंइनुङमी” दे परमप्रभु यावे, आन परमप्रभुमी देंत। लो-रूहामा आ अर्थ “मदाक्‍नुङ” देंशो बाक्‍ब।

जकरिया 12:4

मेको नाक्‍ती गो शारा नेल्‍ल आन कली शुश हिंपाइक्‍नुङ। मिनु शारा ङोइक्‍ब आन कली निप्‍स ग्‍यशो सेल्‍नुङ। गो यहूदा आ खिं ङा मुर आन कली कोव़नुङ। मिनु आन जोरी सत्रु आन शारा मिक्‍च मताइब सेल्‍नुङ।

यूहन्‍ना 12:40

मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५

यूहन्‍ना 9:39

येसुमी “गो निसाफ पचा कली रागीमी जाक्‍ती। मिक्‍च मताइबपुकीमी तामेक्‍ल। मिक्‍च ताइब चहिं मताइब दुम्‍मल” देंत। मत्ती १३:११-१५

प्रेरित 13:11

गे मिक्‍च मताइब दुम्‍शा, शुश नाक्‍त सम्‍म छेङछेङ मताइनेवे” दे हुइक्‍ता बाक्‍त। मो देंम चोटीन मेको चटक कोंइब मिक्‍च मताइब दुम्‍शा, आ गुइ कीशा लां कोंइब मुर माल्‍दा बाक्‍त।

रोमी 11:7

मिनु मार देंचा ङा? इस्राएलम माल्‍शा यो आ माल्‍शो मथित्‍थु, परमप्रभु यावे आ योव़शो का निक्‍शी ला ठीक दुम्‍तेक्‍म। अरु नेल्‍ल परमप्रभु यावे आ लोव़ मटीब दुम्‍तेक्‍म। रोमी ९:३१

ब्‍यवस्‍था 28:28

मिनु परमप्रभु यावेमी इन थुं ग्‍यपाइक्‍ब, मिक्‍च मतपाइक्‍ब नु निप्‍स ग्‍यशो दुम्‍पाइक्‍ब।