२ राजा 6:16 - Sunuwar Bible

¹⁶ मिनु मेको परमप्रभु यावे आ लोव़ पाइबमी “महिनो। मेकोपुकी नु बाक्‍शो आन क्‍येङा गो नु बाक्‍शो शुश बाक्‍नीम” देंमाक्‍त।

२ राजा 6:16 ပူးပေါင်းရင်းမြစ်များ

उत्पत्ती 32:1

मिनु याकूब लांमी लना लन बाक्‍मेनु, परमप्रभु आ स्‍वर्ग ङा गेय पाइबपुकी याकूब कली ग्रुम्‍थ जाक्‍मा बाक्‍त।

२ राजा 6:15

मिनु परमप्रभु आ मुर आ गेय पाइब सुनी कना बोक्‍शा लाङगा ग्रूमाक्‍त। मिनु मेना शारा नु बग्‍गी पाइश्‍शो लडाइ पाइब आन हुलमी सहर पुम्‍शो तवा बाक्‍त। मिनु मेको गेय पाइब लशा आ होव़प कली “आबी, आं प्रभु, मुल मार पय” देंमाक्‍त।

२ इतिहास 16:9

परमप्रभु यावेमी सु आन थुंम थमा पा मेको नु बाक्‍बा, मेकोमी रागी नेल्‍लेम माल्‍ना माल्‍न मेको कली कोव़शा, मेको आन कली बोल्‍यो सेल्‍ब। गे अराम ङा पिप नु गारशा मरिम्‍शो पाइतीनी। मुल रे गे लडाइ पस ङा पस बाक्‍चा माल्‍नीनी” देंमाक्‍त। हितोपदेस १५:३

भजन संग्रह 11:1

गो परमप्रभु यावे कली जिम्‍मा गेसाक्‍यी। गेपुकीम आं कली “चिक्‍ब खोदेंशो पा पहाडम बेरो” दे दोपा देंने चाप्‍नीनी?

भजन संग्रह 27:3

मिनु ठेयब लडाइ पाइब हुलम पुम्‍ताक्‍यीमी हना यो, गो महिंनुङ। जिचा पोक्‍तेक्‍म हना यो “परमप्रभुमी आं कली प्रोंइब” दे थमा सुइश्‍शा बाक्‍नुङ। भजन संग्रह ३:७

भजन संग्रह 3:6

गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 46:7

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 55:18

मेकोमी आं कली लडाइ रे मारेइ दुम्‍पाइक्‍थु, प्रोंइब। शुश मुरुमी आं कली मदाक्‍ताक्‍यीमी हना यो, प्रोंइब।

प्रस्‍थान 14:13

मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

यसैया 8:10

गे सल्‍ला पा लोव़सी गारपाइक्‍नीनी, तन्‍न मेको शोर गाक्‍शो दुम्‍ब। लोव़ पने, तन्‍न इन लोव़ मगाप्‍ब। मारदे हना परमप्रभु गो नु बाक्‍ब।

येरमीया 39:17

तन्‍न गो इ कली मेको नाक्‍ती प्रोंइनन। मिनु गे तेको मुर आन क्‍येङा हिंनेवे मेको आन गुइम मदुम्‍नेवे’ देंत मतो।

मत्ती 26:53

आं आफ कली ‘आफ, इन स्‍वर्ग ङा गेय पाइब हजार हजार आन कली सोइश्‍शा, आं कली वारच पा प्रोंइपाइय्‍यीनी’ दे पुंइता हना, गिश हना यो सोइश्‍शा, आं कली प्रोंइपाइक्‍ब, दे मतुइक्‍नीनी? १२ खेयप ६ हजार स्‍वर्ग ङा गेय पाइब ब्रेक्‍शो बाक्‍ब। मत्ती ४:११

मर्कूस 16:6

मिनु मेको ठिटामी “मार छक लाक्‍नी? शीमी क्‍येप्‍शा कांटी थोक्‍शा क्‍याइश्‍शो नासरथ ङा येसु कली माल्‍थ जाक्‍नी ममाइ? आ बेक्‍शो रां वोइक्‍तीके कोव़ङीन, मबाक्‍ब। बेक्‍शो रे सेंसाक्‍व।

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

फिलिप्‍पी 1:28

इन कली श्‍येत गेब आन कली तशा काइ महिनीन। मेकोन मेको आन कली ब्रुतीक चिनु बाक्‍ब। इन कली चहिं ब्रोंइतीक चिनु दुम्‍ब। मेको परमप्रभु यावे रे दुम्‍ब। २थिस्‍सलोनिकी १:५

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।

१ यूहन्‍ना 4:4

आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।