२ राजा 5:27 - Sunuwar Bible

²⁷ मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

२ राजा 5:27 ပူးပေါင်းရင်းမြစ်များ

२ सामुएल 3:29

मेको दोस योआब नु आ आफ आ खिं ङा मुर आन पियाम दुम्‍ल। योआब आ खिंम ग्रांग्रा यितीके रोइ पाइब कि कोव़र मुशो रोइ पाइब कि कोक्‍के तिक्‍शा गाक्‍ब कि तरवारम साइक्‍चा पुंइसीब कि जचा मताइब मुर का गेना हना यो बाक्‍ल” देंमाक्‍त।

२ राजा 15:5

मिनु परमप्रभु यावेमी पिप कली कोव़र मुपदा बाक्‍त। मिनु मेको मबेक्म सम्‍म आ कान खिं काम बाक्‍चा माल्‍दा बाक्‍त। मिनु पिप आ तौ योथाममी पिप आ दरवार ङा मारेइ मारेइ गेय पशा, राज्‍य ङा मुर आन कली सासन पवा बाक्‍त। लेवी १३:४६

२ राजा 5:1

नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

प्रस्‍थान 4:6

मिनु परमप्रभु यावेमी लेंशा “इ गुइ इ फेक्‍शो वा आगाम वोतो” देंत। मिनु मोसामी मो पाप्‍तु। मिनु नोले आ गुइ ग्रुंइशा कोव़ङानु, कोव़र मुशा बुश दुम्‍‍‍शो ताप्‍तु।

होसे 10:13

तन्‍न गेपुकी परमप्रभु यावेमी अरेशो मटितीकेम ग्रुम्‍शा बाक्‍तीनी। मिनु ठीक मदुम्‍तीके खुप्‍शा बाक्‍तीनी। गेपुकी जोल आ फल जाइब बाक्‍तीनी। मारदे हना गे आंम बोल नु इन लडाइ पाइब आन कली थमा सुइक्‍तीनी। अय्‍युब ४:८

लेवी 13:10

मिनु चढ़ेबमी मेको कली कोव़चा माल्‍ब। मिनु आ कुशुल बुश दुम्‍शा बोरशो बाक्‍त हना, नु मेको आ गार ङा चां बुश दुम्‍शा, बोरशो कुशुल ङा गारम श्‍ये तांइसाक्‍व हना,

लेवी 13:25

चढ़ेबमी मेको गार रिम्‍शो पा कोव़चा माल्‍ब। मिनु मेको गार ङा चां बुश दुम्‍शा, कुशुल क्‍येङा लुक्‍च लशो बाक्‍त हना, मेको याक्‍सीब रोइ बाक्‍ब। मेको दुप्‍शो गार रे ग्रूशो बाक्‍ब। मिनु चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको कुशुल ङा याक्‍सीब रोइ बाक्‍ब।

गन्‍ती 12:10

मिनु मेको गोस्‍स ताम्‍बु आ तार रे लमेनु, मिरयाम कोव़र मुशा फुं खोदेंशो बुश दुम्‍त। मिनु हारूनमी मिरयाम कली कोव़ङानु, मेको कोव़री दुम्‍ने थुम्‍शो बाक्‍त। ब्‍यवस्‍था २४:९

प्रेरित 5:10

मिनु ठिटापुकी जाक्‍शा कोव़ङमेनु, सफीरा यो बेक्‍शो तामे बाक्‍त। मिनु लाइश्‍शा आ वोंइश थिम्‍तीके आ नेक्‍था थिम्‍मे बाक्‍त।

प्रेरित 5:5

मिनु हनानीयामी पत्रुस आ देंशो नेंशा, दिङ गोल्‍शा बेक्‍माक्‍त। मिनु मुरपुकीमी मेको लोव़ नेंशा, शुश हिंमा बाक्‍त।

प्रेरित 8:20

मिनु पत्रुसमी “इ क्‍येट गे नुन जाम्‍शा लल। मारदे हना गे परमप्रभु यावे आ गेशो सक्ति क्‍येट थाप्‍शा, ग्‍याप्‍चा तांइसीब, दे मिम्‍ताक्‍‍वी।

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९

यहोसु 7:25

मिनु यहोसुमी आकान कली “गे गो आंइ कली शुश श्‍येत गेप्‍तीवी। मुलाक्‍ती परमप्रभु यावेमी इ कली श्‍येत गेब” देंत। मिनु इस्राएली नेल्‍लेमी मेको आन कली फुल्‍लुमी आप्‍शा साइक्‍तेक्‍म। मिनु मेको आन कली साइश्‍शा, मीम हुम्‍ताक्‍म। ब्‍यवस्‍था १३:१६-१७

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।