२ राजा 5:26 - Sunuwar Bible

²⁶ तन्‍न एलीशाम मेको कली “मार, मेको मुर आ बग्‍गी रे तोइश्‍शा इ कली ग्रुम्‍थ पिमेनु, आं सोक्‍त गे नु मबाक्‍म ङा? मुल क्‍येट, वा, तेल रवा, अङगुर रू, भेडा, ब्‍यफ नु वाइलीम वाइलपुकी आंम के सेल्‍तीक ना बाक्‍बा ङा?

२ राजा 5:26 ပူးပေါင်းရင်းမြစ်များ

उत्पत्ती 14:23

गो इन के मारेइ मलाइक्‍नुङ। श्‍येले का, जुत्ता आ डोरी का यो मलाइक्‍नुङ। मिनु गेमी ‘गो अब्राम कली शुश शोंप पाइश्‍शो सेल्‍ता’ दे गेनायो देंने मचाप्‍नीनी।

२ राजा 5:16

मिनु परमप्रभु यावे आ लोव़ पाइबमी “गो आ गेय पशो, परमप्रभु यावे ब्रोंइशा बाक्‍शो खोदेंशो पा, गो मारेइ मब्राइनुङ” देंमाक्‍त। नामानम मेको कली ताक्‍कीन कि ताक्‍कीन देंमाक्‍त। मो हना यो मेको मबिस्‍से बाक्‍त।

२ राजा 6:12

मिनु मेको लडाइ पाइब आन ठेयब मुर आन दाते ङा काम “आं प्रभु पिप, आं प्रभु, गो सुइम मो मपक। तन्‍न इस्राएल ङा परमप्रभु यावे आ लोव़ पाइब एलीशाम गे इन इप्‍तीक कोठाम ब्‍वाक्‍शो यो शेंब” देंमाक्‍त।

भजन संग्रह 63:11

तन्‍न पिप चहिं परमप्रभु नु थुं नाइश्‍शा ग्‍येरशा बाक्‍ब। परमप्रभु आ नेंम कसम जाइबपुकीमी मेको कली ठेयब सेल्‍नीम। तन्‍न जोल पाइबपुकी ब्‍वाक्‍चा मताइनीम।

हितोपदेस 12:19

थमा लोव़ पाइब मुर गेना हना यो लीनीम। तन्‍न जोल पाइब मुर याम का ला लीनीम।

हितोपदेस 12:22

परमप्रभु यावेम जोल पाइब आन कली तशा ग्रांग्रा दी‍ब। जोल मपथु, आ अरेशो टीब आन कली तशा ग्‍येरसीब।

येरमीया 45:5

मिनु गे आंम इ कली मारेइ मारेइ ठेयब थोव़क माल्‍नेवे? गे मेको ममालो। मारदे हना गो मुर नेल्‍ल आन कली ठेयब श्‍येत जपाइक्‍नुङमी। तन्‍न गे ते लाइनेवे, मेके गो इ कली लडाइ रे ब्रोंइचा गेनुङ’ ” दे परमप्रभु यावेमी बारुक आ पर्बम देंत। येरमीया ३९:१८; येरमीया ४३:४-६

हाग्‍गै 1:4

‘आं खिं ब्रेश्‍शा खतम दुम्‍शो बाक्‍ब। गे चहिं दारशो शी क्‍येप्‍शो खिंम बाक्‍चा रिम्‍शो दुम्‍बा ङा?’ देंशो बाक्‍ब” देंत। २सामुएल ७:२

मत्ती 10:8

रोइ पाइब आन कली सापतीन। बेक्‍शो मुर आन कली सेंपतीन। कोर पाइब आन कली सापतीन। वोल आन कली ग्रुंइशा खेरीन। मेको नेल्‍ल मोशा ताइतीनी। मिनु मोशा गेने। मर्कूस १६:१७

प्रेरित 20:33

गेपुकी नु बाक्‍ङानु, इन बाक्‍शो सुन चांदी वा नेल्‍ल तशा मवाल्‍ङ। मारेइ मताक्‍गु।

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

प्रेरित 5:9

मिनु पत्रुसमी “गे निक्‍शी गारशा, मोदेंशो पा परमप्रभु यावे आ सोक्‍त कली जोल पचा दुम्‍बा? इ वोंइश कली थिम्‍थ लाइबपुकी लेश्‍शा जाक्‍चाम्‍तेक्‍म। इच्‍ची ना इ कली यो लाइश्‍शा थिम्‍नीम” देंमेनु, मीश मुर यो दिङ गोल्‍शा बेक्‍माक्‍त।

१ कोरिन्‍थी 5:3

इन दातेम मबाक्‍ती हना यो, आं थुं गेपुकी नु काथा बाक्‍शो खोदेंशो पा, मेको मुर कली येसु ख्रीस्‍त आ नेंमी निसाफ पने थुम्‍ता। कलस्‍सी २:५

कलस्‍सी 2:5

गो इन नेक्‍था मबाक्‍ती हना यो, आं थुंमी गेपुकी नु बाक्‍नुङ। इन रिम्‍शो पशो नु ख्रीस्‍त कली बोल्‍यो पा थमा सुइश्‍शो तशा ग्‍येरसाक्‍यी। १कोरिन्‍थी १४:४०