२ राजा 5:22 - Sunuwar Bible

²² मिनु गेहाजीम “मारेइ मदुम। तन्‍न आं होव़पमी आं कली एफ्राइम पहाड ङा परमप्रभु यावे आ लोव़ पाइब आन हुल रे ठिटा निक्‍शी जाक्‍ताक्‍स। मिनु शिशी पा मेको आस कली ‘टलेन्‍ट का चांदी नु जोर निक्‍शी वा गेने’ देंथ सोइक्‍ताक्‍यी” देंमाक्‍त। टलेन्‍ट का ३४ किलो बाक्‍ब।

२ राजा 5:22 ပူးပေါင်းရင်းမြစ်များ

१ राजा 13:18

मिनु मेको परमप्रभु यावे आ लोव़ पाइब खूशोमी मेको कली “गो यो इन खोदेंशो परमप्रभु यावे आ लोव़ पाइब नङ। मिनु परमप्रभु यावे आ स्‍वर्ग ङा गेय पाइब काम गो नु जचा तूचा कली इन कली आं खिंम चाक्‍चा माल्‍नेवे दें‍त” देंमाक्‍त। तन्‍न मेकोमी मेको कली जोल पाइश्‍शो बाक्‍माक्‍त।

१ राजा 20:35

मिनु परमप्रभु यावे आ लोव़ पा, मेको आ लोव़ पाइब आन दाते ङा काम आ वारच का कली “आं कली तुब्‍यी” देंमाक्‍त। तन्‍न मेकोमी तुप्‍ने मबिस्‍से बाक्‍त।

१ राजा 20:39

मिनु पिप मेको आ नेक्‍था रे लमेनु, मेकोमी पिप कली ब्रेश्‍शा “गो इन वाइल लडाइ पतीकेम जाक्‍दीश्‍शो नङ। मिनु मेकेर लडाइ पाइब मुर काम फ्रेंशो मुर का चाक्‍शा आं बाक्‍तीक जाक्‍त। मिनु मेकोमी आं कली ‘एको मुर जिम्‍मा ब्रावो। एको मुर दोकका पा प्रोक्‍त हना, एको आ पा ङा गे बेक्‍चा माल्‍नेवे कि टलेन्‍ट का चांदी थाप्‍चा माल्‍नेवे’ दें‍त। टलेन्‍ट का ३४ किलो बाक्‍ब। २राजा १०:२४

२ राजा 2:15

मिनु मेको कोव़शा बाक्‍ब यरीको ङा परमप्रभु यावे आ लोव़ पाइब हुलमी “एलीया आ सोक्‍त एलीशा तार जाक्‍माक्‍त” देंमा बाक्‍त। मिनु मेकोपुकी एलीशा कली ग्रुम्‍थ जाक्‍मा बाक्‍त। मिनु मेको आ ङोंइती खप सम्‍मन बाम्‍मा बाक्‍त।

२ राजा 2:3

मिनु मेकेर परमप्रभु यावे आ लोव़ पाइब आन हुल का जाक्‍शा, एलीशा कली “परमप्रभु यावेमी मुलाक्‍ती इन होव़प कली लाइक्‍ब, दे तुइक्‍नीनी?” दे हिल्‍लो पामे बाक्‍त। मिनु एलीशामी “गो तुइक्‍नुङ। गे सिक्‍सी पने” देंमाक्‍त।

२ राजा 2:5

मिनु यरीकोम परमप्रभु यावे आ लोव़ पाइब आन हुल का जाक्‍शा, एलीशा कली “परमप्रभु यावेमी मुलाक्‍ती इन होव़प कली लाइक्‍ब, दे तुइक्‍नीनी?” दे हिल्‍लो पामे बाक्‍त। मिनु मेकोमी “गो तुइक्‍नुङ। गे सिक्‍सी पने” देंमाक्‍त।

२ राजा 2:7

मिनु ५० जना परमप्रभु यावे आ लोव़ पाइबपुकीम एलीया नु एलीशा आस नोले खोदमे बाक्‍त। मिनु मेको निक्‍शी यर्दन खोला आ नेक्‍था राप्‍शा बाक्‍सानु, मेकोपुकी ङोन रे कोव़शो बाक्‍मा बाक्‍त।

२ राजा 4:26

गे दोरशा लशा मेरे कली ‘मार नेल्‍ल रिम्‍शोन बाक्‍बा? मार, इ वोंइश रिम्‍शोन बाक्‍मे? इ आल रिम्‍शोन बाक्‍मे?’ दे हिल्‍लो पावो” दे मदा बाक्‍त। मिनु मेकोम हिल्‍लो पवानु “नेल्‍ल रिम्‍शोन बाक्‍नीम” देंमाक्‍त।

२ राजा 5:21

मोपतीके गेहाजी नामान आ नोले दोरशा लमाक्‍त। मिनु नामानम मेको कली आ नोनोले दोरशा पिशो तवा बाक्‍त। मिनु मेको कली ग्रुम्‍चा कली नामान आ बग्‍गी रे तोइश्‍शा “मार नेल्‍ल ठीक बाक्‍बा?” दे हिल्‍लो पवा बाक्‍त।

२ राजा 5:25

मिनु मेको आगा लशा, आ होव़प एलीशा आ ङोंइती राम्‍माक्‍त। मिनु एलीशामी “गेहाजी गे ते लवे” दे हिल्‍लो पवा बाक्‍त। मिनु गेहाजीम “इन गेय पाइब, गो तेइ मलशो बाक्‍नुङ” देंमाक्‍त।

२ राजा 5:5

मिनु अराम ङा पिपमी “दुम्‍ब, गे लावो। गो इस्राएल ङा पिप कली चिठी का ब्रेक्‍नुङ” देंमाक्‍त। मोपतीके नामान १० टलेन्‍ट चांदी, ६ हजार शेकेल सुन नु १० जोर फेक्‍तीक वा कुरशा लमाक्‍त। टलेन्‍ट का ३४ किलो बाक्‍ब। शेकेल का ११.५ ग्राम बाक्‍ब।

यसैया 59:3

इन गुइ हुश लुम्‍सीशो बाक्‍नीम। गे नेल्‍ल मरिम्‍शो पाइब बाक्‍नीनी। गे जोल पना पन बाक्‍तीनी। गे ओल ओल लोव़ पाइनीनी। यसैया १:१५

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

यहोसु 24:33

मिनु हारून आ तौ एलाजर यो बेक्‍त। मेको कली गिबा सहरमी थिम्‍तेक्‍म। मेको एफ्राइम ङा पहाड रागीमी बाक्‍शो सहर, मेको आ तौ फिनेहास कली गेम्‍तेक्‍म। ब्‍यवस्‍था १०:६

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

न्‍यायाधीस 14:12

मिनु सिम्‍सोनमी मेको आन कली “इन कली लोव़ का हिल्‍लो पाइनन्‍नी। एको ७ नाक्‍त ङा भोजमी मेको लोव़ लेन्‍ने चाप्‍तीनी हना, गो इन कली ३० ओटा बुश फेक्‍तीक वा नु ३० ओटा शुश क्‍येट लाइब फेक्‍तीक वा गेनन्‍नी।