२ राजा 5:17 - Sunuwar Bible

¹⁷ मिनु नामानमी “गे एको मताक्‍नीनी हना, इन गेय पाइब, आं कली भारी निक्‍शी गधाम कुरतीक खप लाइक्‍चा गेयीनी। मारदे हना मुल गो इन गेय पाइबम, परमप्रभु यावे कली ङा लाक्‍शा अरु तेकोइ देवी देवता आन कली चोशा चढ़ेतीक नु अरु चढ़ेतीक मचढ़ेनुङ।

२ राजा 5:17 ပူးပေါင်းရင်းမြစ်များ

२ राजा 5:12

मार, आबाना, फारपार नु दमस्‍कस ङा खोला मेर ङा ब्‍वाक्‍कु इस्राएल ङा ब्‍वाक्‍कु नेल्‍ल क्‍येङा रिम्‍शो ममाइ ङा? मार, गो मेकेर ङा ब्‍वाक्‍कुम चिक्‍शा साने मचाप्‍नुङा ङा?” दे गाइश्‍शा गाक्‍माक्‍त।

२ राजा 5:18

तन्‍न एको गेय काम ला परमप्रभु यावेम इन गेय पाइब कली माफ गेवल। मेको आं होव़प रिम्‍मोन कली पूजा पथ लमेनु, आं गुइमी ग्‍याइक्‍पाइश्‍शा आगा ओव़ब। मिनु मेकोमी मेकेर पूजा पवानु, गो यो बाप्‍चा माल्‍नुङ। मोपतीके मेको आ पर्बम परमप्रभु यावेमी आ गेय पाइब, आं कली माफ गेयील” देंमाक्‍त।

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 14:1

मिनु का निक्‍शी आन थमा सुइक्‍तीके बोल्‍यो मदुम्‍शो बाक्‍त हना यो, इन ग्रुम्‍तीकेमी जाक्‍चा गेन। तन्‍न मेको नु आन मिम्‍तीक आ पर्बम लोव़ मपने। रोमी १५:१; १कोरिन्‍थी ८:९

१ थिस्‍सलोनिकी 1:9

मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। प्रेरित १४:१५; १कोरिन्‍थी १२:२

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३