२ राजा 5:11 - Sunuwar Bible

¹¹ तन्‍न नामान गाइश्‍शा “गो मेको ग्रूशा राप्‍शा, थमा पा, परमप्रभु यावे, आ परमप्रभु आ नें थिशा पुंइशा, आं गार तार आ गुइ वोइश्‍शा, आं कोव़र सापाइक्‍ब, दे मिम्‍शो नङ।

२ राजा 5:11 ပူးပေါင်းရင်းမြစ်များ

उत्पत्ती 20:7

मुल मेको मुर आ मीश लेत्‍तो। मारदे हना मेको आं लोव़ पाइब का बाक्‍ब। मेकोमी इ पर्बम पुंइब। मिनु गे ब्रोंइनेवे। गे आ मीश कली मलेत्‍ताक्‍वी हना, गे थमा पा बेक्‍चा माल्‍नेवे। इ मुर नेल्‍ल यो बेक्‍चा माल्‍नीमी, दे तुइक्‍तो” देंमाक्‍त। १राजा १३:६

२ राजा 4:5

मिनु मेको मीश मुर एलीशा आ बाक्‍तीक रे गाक्‍माक्‍त। मिनु आ खिं जाक्‍दीश्‍शा, आ आल आस कली खिंङगा ओंइशा लाप्‍चो चोक्‍गा बाक्‍त। मिनु आ चाक्‍शो श्‍येत्‍थ गर शुशेमी तेल प्रिंदा बाक्‍त।

२ राजा 5:10

मिनु एलीशाम मेको कली “गे लशा, यर्दन खोलाम ७ खेयप चिक्‍सीचा माल्‍नेवे। मिनु इन श्‍ये ङोंइती ङा खोदेंशो दुम्‍ब। मिनु गे ग्रांग्रा मदिशो दुम्‍नीनी” देंथ मुर का कली सोइक्‍ता बाक्‍त।

२ राजा 5:12

मार, आबाना, फारपार नु दमस्‍कस ङा खोला मेर ङा ब्‍वाक्‍कु इस्राएल ङा ब्‍वाक्‍कु नेल्‍ल क्‍येङा रिम्‍शो ममाइ ङा? मार, गो मेकेर ङा ब्‍वाक्‍कुम चिक्‍शा साने मचाप्‍नुङा ङा?” दे गाइश्‍शा गाक्‍माक्‍त।

हितोपदेस 1:32

मारदे हना मारेइ मजोक्‍ब आन मटितीके साइक्‍चा पुंइसीनीम। मूर्ख आन मारेइ ममिम्‍तीके खतम दुम्‍नीम।

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

हितोपदेस 3:7

गे “गो जोक्‍ब तुइक्‍ब मुर नङ” दे ममिम्‍तो। तन्‍न परमप्रभु यावे कली मान पा हिनो। मरिम्‍शो पतीके रे ङोन बाक्‍को। यसैया ५:२१

मत्ती 15:27

“प्रभु, मेको थमा बाक्‍त हना, होव़पमी हेंशा ताइश्‍शो थोव़क कुचुममी जचा ताइनीम” देंत।

मत्ती 19:22

मिनु मेको ठिटामी एको लोव़ नेंशा, आ कुल राव कीपाइश्‍शा गाक्‍त। मारदे हना शुश शोंप पाइश्‍शो मुर बाक्‍माक्‍त। भजन संग्रह ६२:११

मत्ती 8:8

“प्रभु, श्‍येत मपने, गो इन कली आं खिं ओंइचा मशिरनुङ। लोव़ ला देनीने। मिनु आं गेय पाइब साब।

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

यूहन्‍ना 13:20

नोफा दाइश्‍शा नेनीन। सुमी आं सोइश्‍शो कली ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब” देंत। मत्ती १०:४०

यूहन्‍ना 4:48

मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९