२ राजा 5:1 - Sunuwar Bible

¹ नामान अराम ङा पिप आ लडाइ पाइब आन ठेयब मुर बाक्‍माक्‍त। मेको आ होव़पम मेको कली शुश दाक्‍बाक्‍माक्‍त। मेको शुश हिक्‍सीशो मुर का बाक्‍माक्‍त। मारदे हना मेकोम पतीकेन परमप्रभु यावेम अराम कली ग्रापाइश्‍शो बाक्‍माक्‍त। मिनु मेको थम सक्ति पाइश्‍शो लडाइ पाइब मुर यो बाक्‍माक्‍त। तन्‍न मेको कोव़र पशो बाक्‍माक्‍त।

२ राजा 5:1 ပူးပေါင်းရင်းမြစ်များ

२ सामुएल 3:29

मेको दोस योआब नु आ आफ आ खिं ङा मुर आन पियाम दुम्‍ल। योआब आ खिंम ग्रांग्रा यितीके रोइ पाइब कि कोव़र मुशो रोइ पाइब कि कोक्‍के तिक्‍शा गाक्‍ब कि तरवारम साइक्‍चा पुंइसीब कि जचा मताइब मुर का गेना हना यो बाक्‍ल” देंमाक्‍त।

२ राजा 4:8

काबु नाक्‍ती एलीशा शुनेम सहर लमाक्‍त। मेकेर शुश शोंप पाइश्‍शो मीश मुर का बाक्‍माक्‍त। मिनु मेकोम एलीशा कली जथ तूथ ब्रेत्‍ता बाक्‍त। मिनु एलीशा मेको मेर गाक्‍मेनु, जथ तूथ ओव़बाक्‍माक्‍त। यहोसु १९:१८

२ राजा 5:2

मिनु अराम रे लडाइ पाइबपुकी लशा इस्राएल ङा मीश आल का कली ग्‍याइश्‍शा चाक्‍शो बाक्‍मा बाक्‍त। मिनु मेको नामान आ मीश आ गेय पाइब दुम्‍शो बाक्‍माक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

२ राजा 7:3

मिनु मेको सहर ङा लाप्‍चो आ ङोंइती ४ जना कोव़र पशो मुर बाक्‍मा बाक्‍त। मिनु मेकोपुकीम “गो मबेक्‍या सम्‍म मारदे एकेर बाक्‍नया? लेवी १३:४६

एस्‍तर 10:3

मेको यहूदी मोरदेकै पिप अहासूरस आ नोले, मेको आ रागी ङा नेल्‍ल क्‍येङा ठेयब मुर दुम्‍त। मेको यहूदी आन दातेमी यो नेल्‍ल क्‍येङा ठेयब मान तशो मुर बाक्‍त। मिनु आ लोक्‍बपुकीमी मेको कली शुश दाक्‍ताक्‍म। मारदे हना मेकोमी आ मुर आन कली रिम्‍शो नु आन थुं नुचा ङा गेय पाप्‍तु। मिनु मेकोमी नेल्‍ल रिम्‍शो दुम्‍ल, दे आ जात ङा मुर आन पर्बम पिप कली लोव़ पाप्‍तु।

एस्‍तर 9:4

मोरदेकै पिप आ दरवारमी ठेयब मुर दुम्‍त। मिनु रागी नेल्‍लेमी आ नें तुइक्‍ताक्‍म। मोपा मेको आ सक्ति बारना बारन लत।

प्रस्‍थान 11:3

मिनु परमप्रभु यावेमी इजीप्‍त ङा मुर आन कली इस्राएली आन कली दाक्‍ब सेल्‍तु। मिनु मोसा फाराओ आ गेय पाइब नु इजीप्‍त ङा मुर नेल्‍ल आन ङोंइती शुश ठेयब मुर दुम्‍त।

हितोपदेस 21:31

लडाइ पची नाक्‍त कली शारा ठीक पशो बाक्‍त। तन्‍न ग्रातीक परमप्रभु यावे आ गुइमी बाक्‍ब। भजन संग्रह ३३:१७

लूका 4:27

एलीशा आ पालामी यो इस्राएल रागीमी शुश कोव़र पाइब मुर बाक्‍मा बाक्‍त। सुइ मसामा बाक्‍त। सिरीया ङा नामान माइश्‍शो मुर ला सापाइक्‍चा पुंइसे बाक्‍त” दे येसुमी माइक्‍मी बाक्‍त। २राजा ५:१-१४

यूहन्‍ना 19:11

मिनु येसुमी “इन के अधिकार बाक्‍ब। इन कली गेशो अधिकार चहिं इर रे गेशो बाक्‍ब। मोपतीके इन मरिम्‍शो पशो क्‍येङा आं कली साइक्‍चा कली वारच पाइब आ मरिम्‍शो पशो ठेयब बाक्‍ब” देंत।

रोमी 15:18

ख्रीस्‍तमी पपाइश्‍शो गेय आ पर्बम ला लोव़ पाइनुङ। गो आंमा गेय पा अर्को रागी ङा मुर टीब दुम्‍मल, दे मेको आन कली शेंतीक गेय यो पना पन बाक्‍ती। २कोरिन्‍थी ३:५; रोमी १:५

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

ब्‍यवस्‍था 2:37

यब्‍बोक खोल्‍सा आ नेक्‍था बाक्‍ब अम्‍मोनी आन रागी, पहाड ङा सहरपुकी नु परमप्रभु यावे, इं परमप्रभुमी इं कली मलचा देंशो रागी ला मलक।