२ राजा 4:39 - Sunuwar Bible

³⁹ मेको आन दाते ङा का चहिं गिग खाइ माल्‍थ रू मेर लमाक्‍त। मिनु ब्‍वाकी ङा वोबीस थिदा बाक्‍त। मिनु मेकोम मेको सेक्‍शा पोल्‍टो का पा चाक्‍गा बाक्‍त। मेकोमी मेको मार बाक्‍मे, दे मतुइक्‍थु प्रेक्‍शा खोलेम सुप्‍ता बाक्‍त।

२ राजा 4:39 ပူးပေါင်းရင်းမြစ်များ

उत्पत्ती 25:29

मिनु काबु याकूबमी खोले क्‍येवानु, एसाव ब्‍वाकी रे शोव़लु बेक्‍शा जाक्‍माक्‍त।

१ राजा 6:18

मेको खिं आ आगा गे लेबानोन ङा लाइश्‍शो रवा आ शी के फलेकम चहिं लौका नु बोइश्‍शो फू आ बुटा मुशा आप्‍शो बाक्‍मा बाक्‍त। मेको शी नेल्‍ल मोदेंशो बाक्‍मा बाक्‍त। मेकेर फुल्‍लु का यो मतांइसीशो बाक्‍माक्‍त।

२ राजा 4:38

मिनु एलीशा लेश्‍शा गिल्‍गाल लमाक्‍त। मेना मेको रागीम ठेयब अन्‍काल दुम्‍शो बाक्‍माक्‍त। परमप्रभु यावे आ लोव़ पाइब आन हुल का मेको आ ङोंइती बाक्‍मा बाक्‍त। मिनु मेकोम आ गेय पाइब कली “चुप्‍लुम ठेयब बोस का काशा एको परमप्रभु यावे आ लोव़ पाइब आन हुल आन कली खोले क्‍येवो” दे मदा बाक्‍त।

२ राजा 4:40

मिनु मुरपुकीम जामेक्‍ल, दे मेको तेम्‍शा ख्रेत्‍तीमी बाक्‍त। मिनु मेकोपुकीम जशा, ठेयब सेंदा पा “ए परमप्रभु आ मुर, एको बोसुम दा ओश्‍येर कका बाक्‍त” देंमा बाक्‍त। मिनु मेकोपुकीम मेको जने मचाप्‍‍मे बाक्‍त।

हितोपदेस 19:2

गे मार मार माल्‍नीनी मेको आ पर्बम मतुइक्‍ताक्‍नी हना, मेको शोर गाक्‍शो बाक्‍ब। सु रीब पा गाक्‍बा, मेको आ लां जाम्‍ब।

यसैया 5:4

आं अङगुर रू कली गो नेल्‍ल पाता। गो मार मपङा ङा? गो अङगुर सिप्‍ब, दे आस पा बाक्‍ती। तन्‍न मारदे ब्‍वाकी ङा अङगुर कका सिम्‍मे?

येरमीया 2:21

गो इ कली नेल्‍ल क्‍येङा रिम्‍शो अङगुर बोट ख्रुम्‍ता। गे दोपा मरिम्‍शो दुम्‍शा ब्‍वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४

मत्ती 15:13

मिनु येसुमी “स्‍वर्ग ङा आं आफोमी मख्रुम्‍शोपुकी तुल्‍शा ताइक्‍चा पुंइसीनीम। प्रेरित ५:३८

हिब्रू 12:15

अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७