२ राजा 4:31 - Sunuwar Bible

³¹ गेहाजी चहिं ङोंइती लशा मेको कोक्‍के मेको आल आ कुलुम वोदा बाक्‍त। तन्‍न मेको मारेइ मदुम्‍माक्‍त। मोपतीके एलीशा कली ग्रुम्‍चा कली गेहाजी लेम्‍माक्‍त। मिनु मेको कली “मेको आल मसेस” देंमाक्‍त।

२ राजा 4:31 ပူးပေါင်းရင်းမြစ်များ

१ राजा 18:26

मोपतीके मेको आन योव़शो ब्‍यफ लांइसीशा, क्‍योरशा चढ़ेशा, बाल आ नें थिशा सुनी रे नाक्‍त सम्‍म “ए बाल! आंइ कली लोव़ लेत्‍तीकी” दे ग्रीमा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मिनु मेकोपुकी मेको आन सेल्‍शो चढ़ेतीक आ एर ओंथ प्रेक्‍ना प्रेक्‍न सिल पामे बाक्‍त।

१ राजा 18:29

मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।

२ राजा 4:32

मिनु एलीशा खिं जाक्‍मेनु, मेको आल कली आ ब्राख्‍येम बेक्‍शो थिदा बाक्‍त।

२ राजा 5:20

परमप्रभु आ मुर एलीशा आ गेय पाइब गेहाजी आ थुंमी “एको आं होव़पमी दा एको अरामी नामान आ चाक्‍शो मारेइ मब्रथु लेश्‍शा कका सोइक्‍ताक्‍व। मुल गो परमप्रभु यावे ब्रोंइशा बाक्‍शो खोदेंशो पा, गो मेको आ नोले लशा मारेइ थोव़क ताक्‍नुङ” दे मिम्‍ता बाक्‍त।

२ राजा 8:1

तेको मीश मुर आ तौ कली एलीशाम बेक्‍शो रे सेंशो बाक्‍मे, मेको मीश मुर कली एलीशाम “इ खिं ङा मुर नेल्‍ल मेकेर रे गाक्‍कीन। मिनु इच्‍का नाक्‍ती कली ते दुम्‍बा, मेक लशा बाक्‍कीन। मारदे हना परमप्रभु यावेम एको रागीम ७ बर्स सम्‍म अन्‍काल दुम्‍पाइक्‍ब” दे माइश्‍शो बाक्‍माक्‍त। २राजा ४:३५

अय्‍युब 14:12

मोपा बेक्‍शा लाइब मुर गोल्‍ब। मिनु मेको लेंशा गेनायो मबोक्‍ब। सरीङ मक्‍याम्‍से सम्‍म, बेक्‍शो मुर लेंशा मबोक्‍नीम। मेको आन निन्‍द्रा रे मसेंसीनीम। अय्‍युब ७:१०

इजीकीएल 14:3

मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

मर्कूस 5:39

मिनु खिं ओव़शा, ङाक्‍ब आन कली “मारदे रोंका पा ङाक्‍नीनी? मेको आल बेक्‍शो ममाइ, इप्‍शा बाक्‍शो बाक्‍ब” देंमाक्‍त। यूहन्‍ना ११:११

यूहन्‍ना 11:11

मो देंशा आ शेंसीब आन कली “इं वारच लाजरस इप्‍त। गो चहिं मेको कली सेंनुङ” देंत। मत्ती ९:२४

एफिसी 5:14

मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२

१ सामुएल 14:37

मिनु सावलमी परमप्रभु कली “मार गो पलिस्‍ती आन कली खेदा पका? गे मेको आन कली इस्राएली आन गुइमी गेनीनी?” दे हिल्‍लो पवा बाक्‍त। तन्‍न परमप्रभुमी मेको कली मारेइ लोव़ मलेत्‍ता बाक्‍त। १सामुएल १४:१८; १सामुएल २३:९-१२

१ सामुएल 28:6

मिनु सावलम परमप्रभु यावे कली हिल्‍लो पवा बाक्‍त। तन्‍न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्‍ता बाक्‍त। १सामुएल १४:४१; प्रस्‍थान २८:३०