२ राजा 4:23 - Sunuwar Bible

²³ मिनु आ वोंइशेमी “मुलाक्‍त मारदे लचा माल्‍दे? औंसी यो ममाइ, नाइक्‍तीक नाक्‍त यो ममाइ” दे मदा बाक्‍त। मिनु मेकोमी “लचा माल्‍नुङ” देंमाक्‍त।

२ राजा 4:23 ပူးပေါင်းရင်းမြစ်များ

२ राजा 4:22

मिनु मेकोमी आ वोंइश कली ब्रेश्‍शा “आं कली गेय पाइब का नु गधा का सोइक्‍तीनी। मिनु गो रीब पा परमप्रभु आ मुर बाक्‍तीक लशा लेत्‍नुङ” देंमाक्‍त।

२ राजा 4:24

मिनु मेकोमी गधाम लगम पाइश्‍शा, आ गेय पाइब कली “गो नाइक्‍तो मदेंङा सम्‍म खुलो देश मपावो” दे मदा बाक्‍त।

१ इतिहास 23:31

नाइक्‍तीक नाक्‍त परमप्रभु यावे कली चोशो चढ़ेतीक चढ़ेचा कली, औंसी नाक्‍त नु नेल्‍ल पचा ङा चाड ङा चढ़ेतीके गेय परमप्रभु यावे आ ङोंइती वारच पचा माल्‍बाक्‍मा बाक्‍त।

आमोस 8:5

गेपुकीमी ‘औंसी गेना लाक्‍बा ङा? गो अन्‍न लेयचा ताइनीकी। नाइक्‍तीक नाक्‍त गेना लाक्‍बा ङा? गो चेरब लेयचा ताइनीकी। गो एफाह आइक्‍च सेल्‍शा, शेकेल कली हेल्‍शो सेल्‍शा नु दूली पा नाक्‍शा, शुश क्‍येट चेम्‍नीकी’ देंनीनी। एफाह का २२ लिटर लाइब पुक्‍तीक बाक्‍ब। शेकेल का ११.५ ग्राम ङा क्‍येट बाक्‍ब। नेहेम्‍याह १३:१५

गन्‍ती 10:10

मिनु गेपुकी ग्‍येरशा बाक्‍नीनु, गे इन पचा माल्‍शो चाड मानेनीनु, औंसी ङा चाड मानेनीनु, इन चोशा चढ़ेतीके नु इन दुशा बाक्‍चा आ पर्बम चढ़ेतीके चढ़ेनीनु, गेपुकीमी तुराही ताप्‍चा माल्‍नीनी। मिनु मेको ताप्‍नीनु, इन परमप्रभुमी इन कली मिम्‍ब। गो परमप्रभु यावे, इन परमप्रभु नङ” देंत। लेवी २३:२४; २राजा ११:१४; २इतिहास ७:६

गन्‍ती 28:11

मिनु गे नेल्‍ल महिना ङा ङोंइती ङा नाक्‍त परमप्रभु यावे कली चोशा चढ़ेतीके चढ़ेचा माल्‍नीनी। मेको ब्‍यफ निक्‍शी, सांड का नु ७ ओटा मारेइ मदुम्‍शो थम रिम्‍शो बर्स का का गाप्‍शो पाठा चढ़ेचा माल्‍नीनी। गन्‍ती १०:१०; इजीकीएल ४६:१,३,६; यसैया १:१३

गन्‍ती 28:9

मिनु नाइक्‍तीक नाक्‍तीम मारेइ मदुम्‍शो थम रिम्‍शो बर्स का गाप्‍शो पाठा निक्‍शी चढ़ेचा माल्‍नीनी। मेको नु अन्‍न चढ़ेतीके तेल ब्‍वाइश्‍शो रिम्‍शो फस एफाह का ङा १० भाग ङा भाग निक्‍शी चढ़ेचा माल्‍नीनी। मिनु मेको नु तूचा थोव़क चढ़ेतीके यो चढ़ेचा माल्‍नीनी। एफाह का २२ लिटर पुक्‍तीक बाक्‍ब। मत्ती १२:५

१ सामुएल 20:5

मिनु दाऊदमी योनाथन कली “दीसा औंसी बाक्‍ब। गो पिप नु बाक्‍शा, जचा माल्‍नुङ। गो नाक्‍त सां सम्‍म रू मेर लशा ख्रुइश्‍शा बाक्‍नुङ।