२ राजा 4:20 - Sunuwar Bible

²⁰ मिनु मेको गेय पाइब मुरुम मेको आल कली आ ममा आ बाक्‍तीक चाक्‍दीदा बाक्‍त। मिनु मेको आल आ ममा आ थुकुम नाक्‍ती उइक्‍थ दुम सम्‍म बाक्‍शा बेक्‍माक्‍त।

२ राजा 4:20 ပူးပေါင်းရင်းမြစ်များ

उत्पत्ती 22:2

मिनु मेकोमी “इ तौ लतो। का ला बाक्‍शो दाक्‍शो इ तौ इसहाक लतो। मिनु मोरीयाह रागी लावो। मेकेर लशा, इ तौ कली चोशा चढ़ेयी। तेको डांडाम चढ़ेचा माल्‍नेवे, गो इ कली कोंइन‍न” देंमाक्‍त।

उत्पत्ती 37:3

इस्राएलमी नेल्‍ल क्‍येङा योसेफ कली दाक्‍शो बाक्‍माक्‍त। मारदे हना मेकोमी खाल्‍पा दुम्‍शा थि‍माक्‍त। मिनु योसेफ कली दारशो फेक्‍तीके का फेरपदा बाक्‍त।

उत्पत्ती 37:5

काबु नाक्‍दो योसेफमी ङोमु का तवा बाक्‍त। मिनु योसेफमी आ लोक्‍ब आन कली शेंदीमी बाक्‍त। मिनु मेकोपुकीमी ङोंइती क्‍येङा मदाक्‍तमे बाक्‍त।

१ राजा 17:17

इच्‍का नाक्‍त नोले मेको मीश मुर, मेको खिं ङा होव़पोक्‍म आ तौ रोइ पवा बाक्‍त। मिनु मेको नाक्‍त किंत किंत मरिम्‍शो दुम्‍ना दुम्‍न लमाक्‍त। मिनु नोले बेक्‍माक्‍त।

२ राजा 4:19

मिनु मेकोमी आ आफ कली ठेयब सेंदा पा “आं पिया ब्‍वती, आं पिया ब्‍वती” देंमाक्‍त। मिनु आ आफोम आ गेय पाइब का कली “एको कली आ ममा आ बाक्‍तीक लतो” दे मदा बाक्‍त। लूका १०:४

२ राजा 4:21

मिनु मेको मीश मुरुमी मेको आल कली इर परमप्रभु आ मुर आ ब्राख्‍येम लाइश्‍शा खोल्‍शा वोइश्‍शा लाप्‍चो चोक्‍शा ग्रूशा गाक्‍माक्‍त।

यसैया 49:15

मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्‍तु हना यो, गो इ कली मप्रेंनुङ। उत्‍पत्ती २१:१६; १राजा ३:२६; येरमीया ३१:२०

यसैया 66:13

दोपा आल आ ममामी आल आ थुं बारपाइक्‍बा, मोपा गो इन कली इन थुं बारपाइक्‍नन्‍नी। गे यरूसलेम सहरमी इन थुं बारपाइक्‍चा पुंइसीनीनी। बजन संग्रह १३१:२

लूका 2:35

मोपा मुर आन थुंम मिम्‍शो तुंइसीब। मिनु तरवार कामी इ थुं थोक्‍ब” देंमाक्‍त। यूहन्‍ना १९:२५

लूका 7:12

मिनु सहर ङा ठेयब लाप्‍चो आ नेक्‍था जाक्‍दीम्‍मानु, मुरपुकीमी बेक्‍शो मुर का कुरशा पि‍शो तामे बाक्‍त। मेको वोंइश बेक्‍शो मीश मुर आ कांइचीक तौ बाक्‍माक्‍त। मेको मीश मुर नु सहर ङा शुश मुर मलामी लशो बाक्‍मा बाक्‍त।

यूहन्‍ना 11:14

मिनु येसुमी लोव़ महिरथु “लाजरस बेक्‍ने थुम्‍तु।

यूहन्‍ना 11:3

मिनु मेको समी निक्‍शीमी मुर का कली येसु आ बाक्‍तीक सोइश्‍शा “प्रभु, इन दाक्‍शो वारच रोइ पाप्‍तु” दे येसु कली ब्रेप्‍पत्‍से बाक्‍त।

यूहन्‍ना 11:5

येसुमी मारथा नु मरीयम वोबु नु आस लोक्‍ब लाजरस आन कली दाक्‍शो बाक्‍माक्‍त।