२ राजा 4:13 - Sunuwar Bible

¹³ मिनु एलीशाम आ गेय पाइब कली “मेको कली ‘गे आं पर्बम इश्‍का श्‍येत पाप्‍तीवी। मुल गो इ कली मार पने चाप्‍नुङा? मार, गो इ पर्बम पिप नु लडाइ पाइब आन ठेयब मुर नु मारेइ लोव़ पशा गेना?’ दे मेको कली हिल्‍लो पावो” दे मदा बाक्‍त। मिनु मेको मीश मुरुमी “गो एक आं मुर आन दातेमीन बाक्‍नुङ” देंमाक्‍त।

२ राजा 4:13 ပူးပေါင်းရင်းမြစ်များ

उत्पत्ती 14:24

आं गेय पाइब आन जशो चहिं लाइक्‍नुङ। गो नु गाक्‍ब आनेर, एश्‍कोल नु माम्रे आन भाग चहिं लाइक्‍चा गेन” देंमाक्‍त।

२ सामुएल 19:13

मिनु आमासा कली ‘गे आं मुर नु आं हुश मनवे? गे योआब आ पा ङा गो बाक्‍ङा सम्‍म कप्‍तान दुम्‍नेवे। मो मपाता हना, परमप्रभुमी सजाइ गेवल’ देंत मतीस” देंमाक्‍त। २सामुएल १:२५

१ राजा 2:32

मिनु परमप्रभु यावेमी मेको आ हुश ख्राक्‍श पोक्‍शो मेको आ पियामीन मोइक्‍ब। मारदे हना मेकोमी आं आफ दाऊद आ मतुइक्‍थु आ क्‍येङा ठीक पाइब इस्राएल ङा लडाइ पाइब आन ठेयब मुर निक्‍शी नेर आ तौ आब्‍नेर नु येथेर आ तौ यहूदा ङा ठेयब मुर आमासा आस कली साइश्‍शो बाक्‍त। १राजा २:५

२ राजा 4:12

मिनु मेकोम आ गेय पाइब गेहाजी कली “मेको शुनेम सहर ङा मीश मुर कली ब्रेश्‍शा कुतो” दे मदा बाक्‍त। मिनु मेकोम, मेको कली ब्रेत्‍ता बाक्‍त। मिनु मेको एलीशा आ ङोंइती जाक्‍माक्‍त।

२ राजा 4:14

मिनु एलीशाम गेहाजी कली “मो हना मुल गो मेको कली मार पने चाप्‍नुङा?” देंमाक्‍त। मिनु गेहाजीम “मेको के तौ मबाक्‍ब। आ वोंइश खूशो दुम्‍शो बाक्‍ब” देंमाक्‍त।

२ राजा 8:1

तेको मीश मुर आ तौ कली एलीशाम बेक्‍शो रे सेंशो बाक्‍मे, मेको मीश मुर कली एलीशाम “इ खिं ङा मुर नेल्‍ल मेकेर रे गाक्‍कीन। मिनु इच्‍का नाक्‍ती कली ते दुम्‍बा, मेक लशा बाक्‍कीन। मारदे हना परमप्रभु यावेम एको रागीम ७ बर्स सम्‍म अन्‍काल दुम्‍पाइक्‍ब” दे माइश्‍शो बाक्‍माक्‍त। २राजा ४:३५

२ राजा 9:5

मिनु मेको मेक जाक्‍दीम्‍मेनु, येहू लडाइ पाइब आन ठेयब मुरपुकी नु ग्रुम्‍शा काथा बाक्‍शो थिम्‍मी बाक्‍त। मिनु मेकोम येहू कली “लडाइ पाइब आन ठेयब मुरपुकी, गो इन नु लोव़ का पचा माल्‍‍नुङ” देंमाक्‍त। मिनु येहूम “गो आंइ दाते ङा सु नु लोव़ पचा माल्‍नेवे?” देंमाक्‍त। मिनु मेकोम “इन नु” देंमाक्‍त।

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

रोमी 16:2

फिबी दिदीमी थमा सुइक्‍ब शुश आन कली वारच पाप्‍तु। आं कली यो शुश वारच पाइक्‍ती। मोपतीके फिबी दिदी कली प्रभु आ नेंमी मान पतीने। मार मार माल्‍दा, मेको गेशा वारच पतीने।

रोमी 16:6

इन कली शुश वारच पाइब मरीयम कली यो “रिम्‍शो बाक्‍को” दे माइक्‍चा।

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४