२ राजा 4:10 - Sunuwar Bible

¹⁰ गो तला तार थरपु हिरशा मेको कली आइक्‍च कोठा का सेल्‍शा गेय। मिनु मेको कोठाम मेको कली खाट का, टेबल का, नित्‍तीक का नु बत्ती का वोइश्‍शा गेचा। मिनु मेको एक जाक्‍मेनु, मेकेर बाक्‍तीक पवल” देंमाक्‍त।

२ राजा 4:10 ပူးပေါင်းရင်းမြစ်များ

१ राजा 17:19

मिनु एलीयाम “इ तौ आं कली गेयी” देंमाक्‍त। मिनु मेकोमी मेको आ तौ आ गुइ रे ताक्‍शा आ बाक्‍तीक तला तार लदा बाक्‍त। मिनु मेको कली आ ब्राख्‍येम वोदा बाक्‍त।

२ राजा 4:11

मिनु काबु नाक्‍त एलीशा जाक्‍शा, नाइक्‍चा कली मेको कोठाम लशा गोल्‍माक्‍त।

यसैया 32:8

तन्‍न रिम्‍शो थुं पाइश्‍शो मुरपुकीमी रिम्‍शो गेय ला मिम्‍नीम। मिनु गेना हना यो रिम्‍शो गेय पा बाक्‍नीम।

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मर्कूस 9:41

नोफा दाइश्‍शा नेनीने, सुमी आं नें थिशा, ख्रीस्‍त आ मुर नम देंशा, इन कली लोटा का ब्‍वाक्‍कु तूचा गेबा, मेकोमी दोपा यो आ इनाम ताइब। मत्ती १०:४२

लूका 8:3

का हेरोद आ गेय पाइब कूजा आ मीश योअन्‍ना बाक्‍माक्‍त। का सुसन्‍ना बाक्‍माक्‍त। मिनु अरु मीश मुरपुकी यो बाक्‍मा बाक्‍त। मेको मीश मुरपुकीमी आन बाक्‍शो थोव़क रे येसु नु आ शेंसीब आन कली मार मार माल्‍‍मा, मेको गेशा, वारच पाइक्‍बाक्‍मा बाक्‍त। मर्कूस १५:४०-४१

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

हिब्रू 10:24

दाक्‍मुशा, रिम्‍शो गेय पा वारच पमुशा अरेपमुने।

हिब्रू 13:2

इन खिंम जाक्‍ब सुइ आन कली जचा बाक्‍चा गेचा मप्रोनीन। मोपा गेशोमी का निक्‍शीमी आन मतुइक्‍थु परमप्रभु यावे आ स्‍वर्ग ङा गेय पाइब आन कली मान पचा ताम्‍तेक्‍म। रोमी १२:१३; १पत्रुस ४:९; ३यूहन्‍ना ५-८; उत्‍पत्ती १८:२-३; उत्‍पत्ती १९:२-३