२ राजा 3:19 - Sunuwar Bible

¹⁹ गेपुकीम गारो हिरशो सहर नेल्‍ल नु ठेयब दारशो सहर नेल्‍ल ग्रानीनी। गेपुकीम रिम्‍शो रवा नेल्‍ल तिम्‍नीनी। मिनु ब्‍वाक्‍कु यितीक नेल्‍ल तेक्‍नीनी। मिनु रू नेल्‍लेम फुल्‍लु तेल्‍नीनी, देंशो बाक्‍ब” देंमाक्‍त।

२ राजा 3:19 ပူးပေါင်းရင်းမြစ်များ

उत्पत्ती 21:19

मिनु परमप्रभुमी हागार आ मिक्‍च तपदानु, ब्‍वाक्‍कु बुक्‍तीके का तवा बाक्‍त। मिनु आ ब्‍वाक्‍कु कुरतीके प्रिंशा, आ तौ कली तूपदा बाक्‍त। २राजा ६:१७,२०

२ राजा 13:17

मिनु एलीशामी “पूर्ब गे ङा झेल रोक्‍को” दे मदा बाक्‍त। मिनु रोक्‍गा बाक्‍त। मिनु एलीशाम मेको कली “ब्रा आ‍पो” दे मदा बाक्‍त। मिनु मेकोमी आबा बाक्‍त। मिनु एलीशाम “परमप्रभु यावे आ अराम रागी कली ग्रातीक ब्रा बाक्‍त। गे अफेक सहरमी अरामी आन कली लडाइ पा ग्रानीनी” दे मदा बाक्‍त।

२ राजा 3:25

मिनु मेकोपुकीम मेको आन सहर प्रेश्‍शा श्‍येत्‍थ पोक्‍गमे बाक्‍त। मिनु मुर नेल्‍लेमी मेको आन रूम फुल्‍लु का का ताइश्‍शा, तेइ तेइ फुल्‍लुम प्रिंदमे बाक्‍त। मेकोपुकीम ब्‍वाक्‍कु यितीक नेल्‍ल तेक्‍गमे बाक्‍त। मिनु रिम्‍शो रवा नेल्‍ल तिम्‍मे बाक्‍त। मेकोपुकीम किर-हारेसेथ सहर ङा गारो ला हेंदमे बाक्‍त। तन्‍न मेको सहर कली हुरद आप्‍बपुकीम तेक्‍शा लडाइ तोव़मे बाक्‍त।

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२

न्‍यायाधीस 6:16

मिनु परमप्रभु यावेमी मेको कली “गो गे नु बाक्‍नुङ। मिनु गे मिदयानी नेल्‍ल आन कली साइक्‍नेवे” देंमाक्‍त। प्रस्‍थान ३:१२

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।

१ सामुएल 23:2

मिनु दाऊदम परमप्रभु यावे कली “गो लशा पलिस्‍तीपुकी नु लडाइ पङ देय मपङ” दे हिल्‍लो पवा बाक्‍त। मिनु परमप्रभु यावेम “लशा, मेको आन कली लडाइ तोव़मी कैलाह कली प्रोनो” देंमाक्‍त।