२ राजा 3:18 - Sunuwar Bible

¹⁸ एको परमप्रभु यावे आ ङोंइती आइक्‍च गेय का ला बाक्‍ब। मेकोमी मोआबी आन कली यो इन गुइम गेब।

२ राजा 3:18 ပူးပေါင်းရင်းမြစ်များ

२ सामुएल 7:19

आं कली पशो इन ङोंइती आइक्‍च बाक्‍ब। गे इन गेय पाइब आ खिं आ पर्बम नोले दुम्‍ब लोव़ यो पाइतीनी। परमप्रभु यावे, मेको इन मुर आन कली अरेशो लोव़ बाक्‍ब।

१ राजा 16:31

नेबात आ तौ येरोबाम आ पाप ङा लांम गाक्‍चा, मेको कली मारेइ खोदेंशो मदुम्‍माक्‍त। मेकोम सीदोन ङा पिप एथ-बाल आ तमी इजेबेल कली ग्‍युंबे पवा बाक्‍त। मिनु बाल देवता कली पूजा पा ठेयब सेला बाक्‍‍त।

१ राजा 20:13

मेना परमप्रभु यावे आ लोव़ पाइब का इस्राएल ङा पिप आहाब आ बाक्‍तीक जाक्‍शा, मेको कली “परमप्रभु यावेमी ‘मार, गे एको ठेयब हुल लडाइ पाइब आन कली तवी? कोव़ङो, गो मुलाक्‍तीन मेको आन कली इ गुइमी गेनुङ। मिनु गोन परमप्रभु यावे नङ, दे तुइक्‍नेवे’ देंत” दें‍माक्‍त।

१ राजा 20:21

मिनु इस्राएल ङा पिप ङोंइती बारशा, शारा नु बग्‍गी आन कली ग्रामाक्‍त। मिनु अरामी शुश आन कली साइक्मी बाक्‍त।

१ राजा 20:28

मिनु परमप्रभु आ मुर का इस्राएल ङा पिप आ बाक्‍तीकेम जाक्‍शा, मेको कली “परमप्रभु यावेम ‘अरामीपुकीम परमप्रभु यावे, इस्राएली आन परमप्रभु पहाड ङा देवता ला बाक्‍ब। बेंसी ङा देवता ममाइ, दे मिम्‍शो बाक्‍नीम। मोपतीके गो एको ठेयब हुल लडाइ पाइब आन कली इ गुइमी गेनुङ। मिनु गे गोन परमप्रभु यावे नङ, दे तुइक्‍नेवे’ देंत” देंमाक्‍त। प्रस्‍थान ७:५

१ राजा 3:13

मेको प्रोंइशा यो, गो अर्को इ मपुंइशो यो गेनन। गे मबेक्‍ङे सम्‍म इ कली शोंप नु मान ततीके यो गेनन। तेकोइ पिपपुकी गे नु उइक्‍थ मदुम्‍नीम। मत्ती ६:३३

२ राजा 20:10

मिनु हिज्‍कीयाहम “नां आ वांकु १० खेयप ङोंइती ग्रेचा दा आ गेयन बाक्‍ब। मेको १० खेयप नोले गे लेत्‍चा माल्‍ब” देंमाक्‍त।

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

यसैया 7:13

मिनु यसैयामी “दाऊद आ खिं ङा मुर नेनीन। मुर आन कली दपाइश्‍शो खोदेंशो पा, आं परमप्रभु कली यो दपाइक्‍नीनी?

येरमीया 32:17

“परमप्रभु, परमप्रभु यावे, इन ठेयब सक्ति नु दिंशो गुइम गे सरीङ नु रागी सेल्‍तीनी। इन कली मारेइ गेय मचाप्‍चा ङा मबाक्‍ब। येरमीया २७:५; उत्‍पत्ती १८:१४; लूका १:३७

येरमीया 32:27

मार, लोव़ पाप्‍तु देंशा हना “गो परमप्रभु यावे, ब्रोंइशो नेल्‍ल आन परमप्रभु नङ। मार, तेकोइ गेय आं पने मचाप्‍चा ङा बाक्‍बा ङा?” देंत। गन्‍ती १६:२२; येरमीया ३२:१७

इजीकीएल 8:17

मिनु मेकोम आं कली “ए मुर, गे मेको तवी? मार, यहूदा आ खिं ङा मुर आन ग्रांग्रा दिशो गेय एकेर पचा माल्‍नीमी? मार, मेकोपुकीम रागी कली हुश ख्राक्‍श पोक्‍तीकेम प्रिंशा, आं कली मेको क्‍येङा गाइक्‍पाइक्‍चा माल्‍नीमी? कोव़ङो, मेको आन नेंम राशी वोइक्‍नीम। आन नेंम राशी वोइक्‍तीके थम मरिम्‍शो पतीके बाक्‍ब।

मर्कूस 10:27

मिनु येसुमी आन कुल गे कोव़शा “मुरपुकीमी पने मचाप्‍नीम। तन्‍न परमप्रभु यावेमी पने चाप्‍ब, मारदे हना परमप्रभु यावेमी मारेइ मारेइ पने चाप्‍ब” दे माइक्‍मी बाक्‍त।

लूका 1:37

मारदे हना परमप्रभु यावेमी पने मचाप्‍शो मारेइ मबाक्‍ब” देंमाक्‍त। उत्‍पत्ती १८:१४

एफिसी 3:20

गे नेल्‍ल आन क्‍येङा ठेयब सक्ति पाइश्‍शो बाक्‍नीनी। मोपतीके इन सक्ति रे आंइ पुंइशो नु मिम्‍शो क्‍येङा यो शुश गेने चाप्‍नीनी।