२ राजा 3:11 - Sunuwar Bible

¹¹ तन्‍न येहो-शाफातमी “मार एकेर परमप्रभु यावे आ लोव़ पाइब सुइ मबाक्‍नीमी? मेको रे पा गो परमप्रभु यावे कली हिल्‍लो पने चाप्‍नीक” देंमाक्‍त। मिनु इस्राएल ङा पिप आ गेय पाइब आन दाते ङा काम “एलीया आ गुइम ब्‍वाक्‍कु लुक्‍ब शाफात आ तौ एलीशा एक बाक्‍ब” देंमाक्‍त। १राजा २२:५,७; १राजा १९:१९-२१

२ राजा 3:11 ပူးပေါင်းရင်းမြစ်များ

उत्पत्ती 18:4

इन खोइल चिक्‍चा कली ब्‍वाक्‍कु गेनन्‍नी। मिनु चिक्‍शा, रवा आगाम नांइ‍सीन।

१ राजा 19:21

मिनु एलीशाम एलीया कली प्रोंइशा लमाक्‍त। मिनु मेकोमी आ हाल ब्‍यफ लाइश्‍शा क्‍योरा बाक्‍त। मिनु मेकोम हलो चोशा श्‍ये क्‍येवा बाक्‍त। मिनु मुर आन कली ब्‍वचा गेमी बाक्‍त। मिनु मुरपुकीम ब्‍वामे बाक्‍त। मिनु मेको नोले एलीया आ नोले खोदा बाक्‍त। मिनु मेको आ गेय पाइब दुम्‍माक्‍त।

१ राजा 22:7

मिनु येहो-शाफातम “हिल्‍लो पचा कली परमप्रभु यावे आ लोव़ पाइब अर्को सुइ मबाक्‍नीमी” देंमाक्‍त। २राजा ३:११

२ राजा 2:25

मिनु मेको मेकेर रे कारमेल डांडा लमाक्‍त। मिनु नोले सामरीया लेम्‍माक्‍त।

२ राजा 3:10

मिनु इस्राएल ङा पिपमी “आबी, परमप्रभु यावेमी गो पिप सां इं कली मोआबी आन गुइमी जिम्‍मा गेचा कली एक चाक्‍शो बाक्‍त” देंमाक्‍त।

२ राजा 3:12

मिनु येहो-शाफातमी “परमप्रभु यावे आ लोव़ मेको नु बाक्‍ब” देंमाक्‍त। मोपतीके इस्राएल ङा पिप, येहो-शाफात नु एदोम ङा पिप एलीशा आ बाक्‍तीक ब्रुम्‍मा बाक्‍त।

२ राजा 3:3

मो हना यो मेकोमी नेबात आ तौ येरोबामम इस्राएली आन कली पपाइश्‍शो पाप मप्रोंइथु, पवा बाक्‍त।

१ इतिहास 10:13

मोपा सावल आ परमप्रभु यावे प्रोंइतीके आ पर्बम बेक्‍चा माल्‍दा बाक्‍त। मेकोमी परमप्रभु यावे आ शेंशो मटिथु, बेक्‍शो मुर नु लोव़ पाइब आ लोव़ नेना बाक्‍त। १सामुएल १५:२३; १सामुएल २८:८

१ इतिहास 14:10

मोपतीके दाऊदमी परमप्रभु कली “गो लशा, पलिस्‍ती आन कली लडाइ तोङमी? गे मेको आन कली आं गुइमी गेनीनी?” दे हिल्‍लो पवा बाक्‍त। मिनु परमप्रभु यावेमी “इर ङोइश्‍शा लावो, गो मेको आन कली इ गुइमी गेनन” देंमाक्‍त।

१ इतिहास 14:14

मिनु दाऊदमी लेंशा परमप्रभु कली हिल्‍लो पवा बाक्‍त। मिनु परमप्रभुम मेको कली “मुल गे इर ङोइश्‍शा मलने। गे नोले रे हिरशा, लचा माल्‍नेवे। शुश रवा बाक्‍तीके रे मेको आन नेक्‍था लशा लडाइ तोव़मी।

१ इतिहास 15:13

ङोंइती गे मेको कली मकुरतीके परमप्रभु यावे, इं परमप्रभु गोपुकी नु गाइक्‍ताक्‍व। मारदे हना गो मेको सन्‍दोस कली ठीक पा मचाक्‍क” देंमाक्‍त। १इतिहास १३:९-११

२ इतिहास 18:6

तन्‍न येहो-शाफातमी “परमप्रभु यावे कली हिल्‍लो पचा कली थमा पा परमप्रभु यावे आ लोव़ पाइब एकेर सुइ मबाक्‍नीमी?” दे हिल्‍लो पवा बाक्‍त।

भजन संग्रह 74:9

गोपुकीमी मारेइ छक लाक्‍चा ङा गेय मतक। मुल परमप्रभु आ लोव़ पाइब सुइ मलीम। गेना सम्‍म एको ओदेंशो दुम्‍बा, गो सुइम मतुइक्‍नीकी।

येरमीया 37:17

मिनु पिप सिदकीयाहम मेको कली ग्रुंइथ सोइक्‍ताक्‍व। मिनु मेको कली दरवारम चाक्‍शा सुइम मतुइक्‍चा ङा पा “मार, परमप्रभु यावे रे पा मारेइ लोव़ बाक्‍मे?” दे हिल्‍लो पाप्‍तु। मिनु येरमीयामी “ओं, बाक्‍ब। गे बेबीलोन ङा पिप आ गुइम गेचा पुंइसीनीनी, देंशो बाक्‍ब” देंत।

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

यहोसु 1:1

परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।

यहोसु 9:14

मिनु इस्राएलीपुकीमी आन चाक्‍शो कोसेली ताक्‍तेक्‍म, तन्‍न परमप्रभु यावे कली हिल्‍लो मपथु, जाम्‍तेक्‍म। गन्‍ती २७:२१

न्‍यायाधीस 20:18

मिनु इस्राएलीपुकी रीब पा बेथेल लशा, परमप्रभु कली “आंइ इस्राएली आन दातेमी तेको थरमी नेल्‍ल क्‍येङा ङोंइती बेन्‍यामीन आ थर ङा मुर नु लडाइ पचा?” दे हिल्‍लो पामे बाक्‍त। मिनु परमप्रभु यावेमी “यहूदा आ थर ङा मुरपुकीमी ङोंइती लडाइ पचा माल्‍नीम” देंमाक्‍त। न्‍यायाधीस १:१-२; गन्‍ती २७:२१

न्‍यायाधीस 20:23

मिनु इस्राएलीपुकी लशा, नाक्‍दो सम्‍म परमप्रभु यावे आ ङोंइती ङाक्‍मा बाक्‍त। मिनु मेकोपुकीमी परमप्रभु यावे कली “आंम लोक्‍ब बेन्‍यामीन आ थर ङा मुर नु लेंशा लडाइ तोचा देय मतोचा” दे हिल्‍लो पामे बाक्‍त। मिनु परमप्रभु यावेमी “मेकोपुकी नु लडाइ पचा कली लन” देंमाक्‍त।