२ राजा 3:10 - Sunuwar Bible

¹⁰ मिनु इस्राएल ङा पिपमी “आबी, परमप्रभु यावेमी गो पिप सां इं कली मोआबी आन गुइमी जिम्‍मा गेचा कली एक चाक्‍शो बाक्‍त” देंमाक्‍त।

२ राजा 3:10 ပူးပေါင်းရင်းမြစ်များ

उत्पत्ती 4:13

मिनु काइनम परमप्रभु यावे कली “इन गेशो सजाइ ठेयब बाक्‍ब। मोमो श्‍येत गेतीनी हना, फाल्‍ने मचाप्‍नुङ।

२ राजा 3:11

तन्‍न येहो-शाफातमी “मार एकेर परमप्रभु यावे आ लोव़ पाइब सुइ मबाक्‍नीमी? मेको रे पा गो परमप्रभु यावे कली हिल्‍लो पने चाप्‍नीक” देंमाक्‍त। मिनु इस्राएल ङा पिप आ गेय पाइब आन दाते ङा काम “एलीया आ गुइम ब्‍वाक्‍कु लुक्‍ब शाफात आ तौ एलीशा एक बाक्‍ब” देंमाक्‍त। १राजा २२:५,७; १राजा १९:१९-२१

२ राजा 3:9

मोपतीके इस्राएल ङा पिप, यहूदा ङा पिप नु एदोम ङा पिप गारशा, लडाइ पथ लमा बाक्‍त। मिनु मेकोपुकी ७ नाक्‍त सम्‍म गाक्‍मानु, लडाइ पाइब नु आन लाइश्‍शो बी ब्‍यफ आन कली तूतीक ब्‍वाक्‍कु मबाक्‍माक्‍त।

२ राजा 6:33

मिनु एलीशाम मेकोपुकी नु लोव़ पना पन बाक्‍मेनु मेको लोव़ कुरब मुर जाक्‍माक्‍त। मिनु पिपमी “एको खतम दुम्‍तीक परमप्रभु यावे रे जाक्‍शो बाक्‍ब। मुल गो मारदे परमप्रभु यावे कली आस पा बाक्‍नुङा?” देंमाक्‍त। आमोस ३:६

हितोपदेस 19:3

मुर आन मूर्ख पतीकेमी खतम दुम्‍नीम। मो हना यो मेकोपुकीमी परमप्रभु यावे कली दोस गेनीम। बिलाप ३:३९

यसैया 51:20

इ आलपुकी थाम्‍तेक्‍म। मेको लांम गोल्‍शो बाक्‍नीम। मेको ब्‍वारदम रेश्‍शो रोकोश खोदेंशो दुम्‍शो बाक्‍नीम। परमप्रभु यावे आ गाइक्‍तीके नु हुइक्‍तीके मोदेंशो दुम्‍शो बाक्‍नीम। बिलाप २:११,१९

यसैया 8:21

मेकोपुकी एको रागीम श्‍येत जशा, शोव़लु बेक्‍शा हिरनीम। मिनु शोव़लुमी गाइश्‍शा, ग्‍येत्‍थ गे कोव़शा, आन पिप नु परमप्रभु कली सराप पाइनीम।