२ राजा 24:2 - Sunuwar Bible

² मिनु परमप्रभु यावेमी यहूदा नु लडाइ पचा कली कल्‍दी, अरामी, मोआबी नु अम्‍मोनी आन कली सोइक्‍तीमी बाक्‍त। परमप्रभु यावेमी आ गेय पा आ लोव़ पाइब आन देंशो खोदेंशो दुम्‍पाइश्‍शा यहूदा कली खतम पोक्‍पाइक्‍चा कली मेको आन कली सोइक्‍तीमी बाक्‍त।

२ राजा 24:2 ပူးပေါင်းရင်းမြစ်များ

२ राजा 20:17

परमप्रभु यावेमी ‘काबु नाक्‍त इ खिंम बाक्‍शो मारेइ मारेइ थोव़क नु इ किकी पिपी नु इन आंम तेल्‍शो थोव़क नेल्‍ल बेबीलोनम चाक्‍दीत्‍नीम। मारेइ मप्रोंइनीम। २राजा २४:१३-१४

२ राजा 22:16

मेकोमी ‘यहूदा ङा पिपम मेको कागजम पढेशो श्‍येत ङा लोव़, गो मेको श्‍येत यहूदा नु मेकेर बाक्‍ब मुर आन कली थमा पा गेनुङ।

२ राजा 23:27

मिनु परमप्रभु यावेमी “गो दोपा इस्राएल कली ग्रुंइदु, मोपा यहूदा कली यो आं ङोंइती रे ग्रुंइनुङ। मिनु गो आं योव़शो यरूसलेम सहर नु आं नें बाक्‍ब देंशो आं खिं प्रोंइनुङ” देंशो बाक्‍माक्‍त। २राजा १७:१८; १राजा ८:२९

२ राजा 6:23

मिनु पिपमी मेको आन कली ठेयब भोज का सेल्‍शा थुल्‍मी बाक्‍त। मिनु मेकोपुकी जशा तूशा पामे नोले मेको आन कली आन होव़प बाक्‍तीक सोइक्‍तीमी बाक्‍त। मिनु मेको आन होव़प बाक्‍तीक लेम्‍मा बाक्‍त। मेना रे अरामीपुकीमी इस्राएली आन कली लडाइ तोतीक नु मार मार रोइक्‍तीक मपामे बाक्‍त।

२ इतिहास 33:11

मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।

अय्‍युब 1:17

मिनु मेकोम लोव़ पन पना, अर्को लोव़ कुरब मुर का जाक्‍शा “हुल सां कल्‍दी रागी ङा मुर जाक्‍शा, गोठला आन कली तरवारम क्‍योरशा दल‍ओंठ नेल्‍ल योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त। येरमीया ५१:२४

यसैया 13:5

मेकोपुकी ङोन रागी रे जाक्‍नीम। रागी ङा सुर रे पा जाक्‍नीम। मिनु परमप्रभु यावेमी गाइश्‍शा, या शेशा रागी नेल्‍ल खतम सेल्‍पाइक्‍ब। योएल १:१५

यसैया 28:19

मेको गिश खेयप जाक्‍त हना यो, इन कली सुम्‍ब। मारदे हना मेको सुनी कुस कुस जाक्‍ब। नाक्‍दो नाक्‍ती यो जाक्‍ब। मेको लोव़ रुप्‍चा चहिं शुश हिंचा ङा बाक्‍ब।

यसैया 7:17

परमप्रभु यावेमी अस्‍सुर ङा पिप आ गुइ रे इन कली, इन मुर आन कली नु इन खिं ङा मुर आन कली हिंचा ङा श्‍येत गेपाइक्‍ब। मोदेंशो श्‍येत एफ्राइम यहूदा रे ब्राम रे गेनायो मदुम्‍शो बाक्‍ब” देंत।

येरमीया 12:9

मार, मेको सिवार आं थेरशो रू तशा गेहे पाइबा ङा? आं ङोंइती छिर छिर पाइश्‍शो सिखारी चिक्‍ब खोदेंशो मदुम ङा? मेको कली अर्को सिखारी चिक्‍बपुकीम पुम्‍शा राम्‍शी तोव़मेक्‍ल। लावो, लशा ब्‍वाकी ङा जन्‍तु नेल्‍ल आन कली पुक्‍मी। मिनु मेको कली ब्‍वपाइक्‍चा कली चाक्‍मी। यसैया ५६:९

येरमीया 25:1

मिनु परमप्रभु यावेमी येरमीया कली यहूदा ङा मुर आन पर्बम लोव़ पाप्‍तु। मेना यहूदा ङा पिप योसीयाह आ तौ येहो-याकीमपिप दुम्‍शो ४ बर्स दुम्‍मेनु, बेबीलोन ङा पिप नेबुकदरेसर पिप दुम्‍शो बर्स का दुम्‍शो बाक्‍त। येरमीया ३६:१

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 26:20

मेकोपुकी नु अर्को मुर का यो बाक्‍त। मेकोमी परमप्रभु यावे आ नेंमी लोव़ पाप्‍तु। मेको किरयथ-यारीमम बाक्‍ब शेमायाह आ तौ उरीयाह बाक्‍त। मेकोमी यो मेको रागी नु मेको सहर आस पर्बम येरमीयामी खोदेंशो पा परमप्रभु यावेम मरिम्‍शो पचशो आ पर्बम लोव़ पाप्‍तु। यहोसु १:५९

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

येरमीया 32:28

मोपतीके परमप्रभु यावेमी “गो एको सहर कल्‍दी आन गुइ नु बेबीलोन ङा पिप नेबुकदरेसर आ गुइम गेचा चिक्‍ताक्‍ङ। मिनु मेकोमी एको सहर ग्राब।

येरमीया 35:11

तन्‍न बेबीलोन ङा पिप नेबुकदरेसरमी एको रागी कली लडाइ तोप्‍तु। मिनु गोपुकीम ‘कल्‍दी नु अरामी आन लडाइ पाइबपुकी रे प्रोक्‍चा कली यरूसलेम लय’ देंतक। मोपतीके गो यरूसलेममी बाक्‍शो बाक्‍नीकी” देंतेक्‍म।

येरमीया 52:28

मिनु नेबुकदरेसरमी सासन पवा आ ७ बर्सम ग्‍याइश्‍शा लाइश्‍शो मुरपुकी हिक्‍शोनु, हजार सां २३ जना यहूदी बाक्‍तेक्‍म।

बिलाप 1:17

सियोनमी पुंइचा कली आ गुइ दिंताक्‍व। तन्‍न आ थुं बारपाइक्‍ब सुइ मबाक्‍म। परमप्रभु यावेमी “याकूब आ नेक्‍था ङा मुर आ जोरी सत्रु दुम्‍चा माल्‍नीम” दे अरेप्‍तु। मिनु मेको आन दातेम यरूसलेम ग्रांग्रा दि‍चा ङा दुम्‍त। येरमीया १:८

इजीकीएल 19:8

मिनु आ एर ओंथ ङा रागी रागी रे मुरपुकी जाक्‍तेक्‍म। मिनु मेको कली ब्‍वारद दाइक्‍ताक्‍म। मेको कली बिक्‍तीकेम पिक्‍शा ग्‍याइक्‍ताक्‍म।

इजीकीएल 23:23

मेको बेबीलोन ङा मुर नु कल्‍दी ङा मुर नेल्‍ले, पेकोद, शोआ नु कोआ ङा मुर, अस्‍सुर ङा मुर नेल्‍ल, मेको नु बाक्‍शो दारशो ठिटा, हुकुम पाइब, कप्‍तान नु लडाइ पाइब, मेको नेल्‍ल नु शारा ङोइक्‍ब नेल्‍ल आन कली इ पर्बम पोक्‍नुङमी।

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

हबकुक 1:6

गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।