२ राजा 24:12 - Sunuwar Bible

¹² मिनु यहूदा ङा पिप येहो-याकीन, नेबुकदनेसर कली जिम्‍मा गेसे बाक्‍त। मिनु मेको नु मेको आ ममा, आ गेय पाइबपुकी, आ ठेयब मुरपुकी नु आ लडाइ पाइब आन ठेयब मुर नेल्‍ल बेबीलोन ङा पिप कली जिम्‍मा गेसमा बाक्‍त। मिनु बेबीलोन ङा पिपम सासन पवा आ ८ बर्सम येहो-याकीन कली ग्‍याइश्‍शा चोक्‍गा बाक्‍त।

२ राजा 24:12 ပူးပေါင်းရင်းမြစ်များ

येरमीया 52:28

मिनु नेबुकदरेसरमी सासन पवा आ ७ बर्सम ग्‍याइश्‍शा लाइश्‍शो मुरपुकी हिक्‍शोनु, हजार सां २३ जना यहूदी बाक्‍तेक्‍म।

येरमीया 24:1

बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्‍याह, यहूदा ङा पिप आ गेय पाइब, मार मार सेल्‍स जोक्‍ब नु तुप्‍तील आन कली यरूसलेमम ग्‍याइश्‍शा बेबीलोन लदा बाक्‍त। मेको नोले परमप्रभु यावेमी आं कली आ खिं आ ङोंइती डालो निक्‍शी फोव़शी गेडा कोंइताक्‍यी।येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१६

२ इतिहास 36:10

मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०

२ राजा 25:27

यहूदा ङा पिप येहो-याकीन ग्‍याइश्‍शा लाइश्‍शो ३७ बर्स, १२ महिना ङा २७ नाक्‍त दुम्‍मेनु, प्रोंइचा पुंइसे बाक्‍त। मिनु एवील-मेरोदक बेबीलोन ङा पिप दुम्‍शा सासन पशो आ ङोंइती ङा बर्सम मेको कली प्रोना बाक्‍त। २राजा २४:१५

इजीकीएल 17:12

मार लोव़ पाप्‍तु देंशा हना “एको मटीब खिं ङा मुर आन कली ‘एको लोव़ आ अर्थ मार बाक्‍बा, मेको मतुइक्‍नीनी?’ दे हिल्‍लो पामी। मेको आन कली ‘बेबीलोन ङा पिप यरूसलेमम जाक्‍त। मिनु मेकोमी यरूसलेम ङा पिप नु आ ठेयब गेय पाइब आन कली बेबीलोनम लाइक्‍तीमी। २राजा २४:१०,१५,१६

येरमीया 25:1

मिनु परमप्रभु यावेमी येरमीया कली यहूदा ङा मुर आन पर्बम लोव़ पाप्‍तु। मेना यहूदा ङा पिप योसीयाह आ तौ येहो-याकीमपिप दुम्‍शो ४ बर्स दुम्‍मेनु, बेबीलोन ङा पिप नेबुकदरेसर पिप दुम्‍शो बर्स का दुम्‍शो बाक्‍त। येरमीया ३६:१

येरमीया 52:31

यहूदा ङा पिप येहो-याकीन कली ग्‍याइश्‍शा लाइश्‍शो ३७ बर्समी एवील-मेरोदक बेबीलोन ङा पिप दुम्‍त। मेको आ सासन पशो १२ महिना २५ नाक्‍ती दुम्‍मेनु, मेकोमी यहूदा ङा पिप येहो-याकीन कली चोक्‍तीक रे प्रोंइपाइक्‍तु।

ब्‍यवस्‍था 28:36

मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्‍शो जात ङा मुर आन रागी कोंइब। मिनु गेपुकीमी मेकेर रे शी नु फुल्‍लु के देवी देवता आन कली गेय पाइ‍नीनी। ब्‍यवस्‍था ४:२८

२ राजा 20:18

मेकोपुकीम इन तौ का निक्‍शी यो लाइक्‍नीम। मिनु मेकोपुकी बेबीलोन ङा पिप आ दरवारमी गेय पाइब दुम्‍नीम’ दे परमप्रभु यावे देंत” देंमाक्‍त। दानीएल १:३-४

२ राजा 24:11

मिनु आ लडाइ पाइबपुकीम मेको सहर पुम्‍दमेनु, बेबीलोन ङा पिप नेबुकदनेसर जाक्‍माक्‍त।

येरमीया 13:18

पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६

येरमीया 27:20

मेको बेबीलोन ङा पिप नेबुकदनेसरमी यहूदा ङा पिप येहो-याकीम आ तौ येकोन्‍याह माइश्‍शो येकोन्‍याह नु यहूदा नु यरूसलेम ङा ठेयब मुर नेल्‍ल आन कली यरूसलेम रे ग्‍याइश्‍शा लदमेनु, मेको बोस मलद। येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम।

येरमीया 36:30

मोपतीके परमप्रभु यावेमी यहूदा ङा पिप येहो-याकीम आ पर्बम “मुल रे दाऊद आ नित्‍तीकेम मेको आ चच युइ तेकोइ मनित्‍नीम। मेको पिप आ बेक्‍शो रां नाक्‍त नांम नु नाक्‍दो फुरशेम जिप्‍पाइक्‍चा ङा पा तांइसीब। येरमीया २२:३०; येरमीया २२:१९

येरमीया 37:1

बेबीलोन ङा पिप नेबुकदरेसरमी योसीयाह आ तौ सिदकीयाह कली यहूदा ङा पिप सेल्‍शो बाक्‍त। मिनु येहो-याकीम आ तौ कोन्‍याह आ पा ङा मेकोमी सासन पचा गोप्‍तु। येहो-याकीम आ अर्को नें कोन्‍याह बाक्‍ब। २राजा २४:१७

येरमीया 52:12

बेबीलोन ङा पिप नेबुकदरेसरमी सासन पवा आ १९ बर्स ५ महिना १० नाक्‍ती पिप कली खाल पाइब आन कप्‍तान नेबुजरादान यरूसलेममी जाक्‍त।

इजीकीएल 1:2

मेको महिना ङा ५ नाक्‍ती पिप येहो-याकीन ग्‍याइश्‍शा लाइक्‍चा पुंइसीशो ५ बर्स दुम्‍शो बाक्‍त। २राजा २४:१५

इजीकीएल 19:1

गे इस्राएल ङा पिप आ खिं ङा मुर आन पर्बम रोंका पने।

इजीकीएल 19:13

मिनु मुल मेको सोव़शो ब्‍वाक्‍कु मबाक्‍शो गोरशो रागीम ख्रुम्‍चा पुंइसाक्‍व।

२ राजा 25:8

बेबीलोन ङा पिप नेबुकदनेसरमी सासन पशो १९ बर्स ५ महिना ङा ७ नाक्‍त, नेबुकदनेसर कली खाल पाइब आन ठेयब मुर नेबुजरादान यरूसलेम जाक्‍माक्‍त।

एस्‍तर 2:5

मिनु सुसा दरवारमी मोरदेकै माइश्‍शो यहूदी मुर का बाक्‍माक्‍त। मेको बेन्‍यामीन थर ङा याइर आ तौ, शिमेइ आ चच, कीश आ युइ बाक्‍माक्‍त। १सामुएल ९:१

एस्‍तर 2:6

बेबीलोन ङा पिप नेबुकदनेसरमी यरूसलेम रे यहूदा रागी ङा पिप येकोन्‍याह नु ग्‍याइश्‍शा लाइक्‍चा पुंइसीशो आन दातेमी मोरदेकै आ किकी पिपी कीश यो बाक्‍माक्‍त। २राजा २४:१५

यसैया 24:6

मोपतीके सरापमी रागी कली खतम सेल्‍शो बाक्‍ब। मिनु मेकेर बाक्‍ब आन पापम पतीके श्‍येत जाइ‍नीम। का निक्‍शी ला लीनीम।

इजीकीएल 17:4

मेकोमी मेको रवा आ ङर लाइश्‍शा, ग्‍याप्‍तीक लेयतीक रागीम चाक्‍दीत्‍तु। मिनु मेको ग्‍याप्‍ब लेयब आन सहर काम ख्रुम्‍तु। इजीकीएल १६:२९