२ राजा 22:11 - Sunuwar Bible

¹¹ मिनु पिपमी मेको कागज ङा लोव़ नेंशा, आ वा खाक्‍गा बाक्‍त।

२ राजा 22:11 ပူးပေါင်းရင်းမြစ်များ

उत्पत्ती 37:34

मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।

२ राजा 22:10

मिनु नोले मेको ब्रेक्‍ब शाफानमी पिप कली “चढ़ेब हिल्‍कीयाहम आं कली कागज का गेती” दे शेंदा बाक्‍त। मिनु नोले शाफानम मेको ठेयब सेंदा पा पढेशा पिप कली नेंपदा बाक्‍त।

२ राजा 22:19

गे आं कली टिचा दाक्‍शा, इ थुं आं ङोंइती ब्रेम्‍शो दुम्‍शा, गे सुर्ता पा इ वा खाक्‍शो ताता। मारदे हना गो यहूदा रागी नु मेकेर ङा मुर आन पर्बम सराप रशा, मुर मबाक्‍तीक दुम्‍ब, देंती। गे मेको आ पर्बम आं ङोंइती ङाक्‍शो नेंता।

२ इतिहास 34:19

मिनु पिपम मेको अरेशो लोव़ ब्रेक्‍शो किताबम ब्रेक्‍शो लोव़ नेना नोले थुं खाइश्‍शा, आ वा खाक्‍गा बाक्‍त।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

येरमीया 36:16

मिनु मेकोपुकीमी मेको पढेशो नेल्‍ल नेंशा हिंशा आन कुल कोव़मुम्‍तेक्‍म। मिनु मेकोपुकीमी बारुक कली “गोपुकीम एको लोव़ नेल्‍ल पिप कली नेंपाइक्‍चा माल्‍नीकी” देंतेक्‍म।

येरमीया 36:24

पिप नु मेको आ गेय पाइबपुकी मेको लोव़ नेंशा महिंम। मेकोपुकीमी आन वा यो मखाक्‍गेम।

योएल 2:13

गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

यहोसु 7:6

मिनु यहोसु नु इस्राएल ङा खाल्‍पापुकीम सुर्ता पा आंम वा खाक्‍शा, पियामी फुरक फुइश्‍शा, परमप्रभु यावे आ कबल पशो सन्‍दोस आ नेक्‍था पोक्‍च थेक्‍शा, मेकेर नाक्‍दो सम्‍म बाक्‍तेक्‍म।