२ राजा 21:7 - Sunuwar Bible

⁷ मेकोम आ मुशा सेल्‍शो अशेराह देवी आ मूर्ति परमप्रभु यावे आ खिंम वोदा बाक्‍त। परमप्रभु यावेमी मेको खिं आ पर्बम दाऊद नु आ तौ सोलोमन आस कली “गो एको इस्राएल आ थर नेल्‍ल आन रे आं योव़शो यरूसलेम सहर ङा एको खिंम आं नें गेना हना यो वोइक्‍नुङ। १राजा ८:२९; १राजा ९:३

२ राजा 21:7 ပူးပေါင်းရင်းမြစ်များ

२ सामुएल 7:13

मिनु मेकोमी आं नेंमी खिं का सेल्‍ब। गो मेको आ राज्‍य गेना हना यो बाक्‍ब सेल्‍नुङ। १राजा ५:१९; १राजा ६:१२; भजन संग्रह ८९:४-५; यसैया ९:६

१ राजा 8:29

मिनु नाक्‍दो नाक्‍ती एको खिं कली कोव़ङीन। गे ‘गो एको खिंम बाक्‍नुङ’ देंशो बाक्‍तीनी। मोपतीके इन गेय पाइब आं लोव़ नेनीन। जकरिया १२:४; प्रस्‍थान २:२४

१ राजा 8:44

मिनु इन मुर आन जोरी सत्रु नु लडाइ पथ लाम्‍तेक्‍म हना, गे मेको आन कली तेइ सोइक्‍ताक्‍नी हना, मेकोपुकीम एको इन योव़शो सहर नु गोम इन कली सेल्‍शो एको खिं गे कोव़शा, पुंइतेक्‍म हना,

१ राजा 9:3

मिनु परमप्रभु यावेमी मेको कली “गो इ आं ङोंइती पशो प्रार्थना नु इ पुंइशो लोव़ नेंता। गो एको इ सेल्‍शो खिं कली आं के सेल्‍ता। मिनु गो गेना हना यो एकेर बाक्‍नुङ। आं थुं एकेर बाक्‍शा, गो एको खिं कली गेना हना यो कोव़नुङ। १राजा ८:२९

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

२ राजा 16:11

मिनु चढ़ेब उरीयाहम दमस्‍कस रे पिप आहाजम सोइश्‍शो ब्रेक्‍स खोदेंशो पा, चढ़ेतीक का सेला बाक्‍त। मिनु मेकोमी मेको चढ़ेतीक पिप आहाज दमस्‍कस रे जाक्‍चा क्‍येङा ङोंइतीन सेल्‍ने थुमा बाक्‍त।

२ राजा 21:4

मेकोमी परमप्रभु यावे आ खिंमी मेको देवी देवता आन कली चढ़ेतीकपुकी सेला बाक्‍त। परमप्रभु यावेमी मेको खिं आ पर्बम “यरूसलेमम गो आं नें वोइक्‍नुङ” देंशो बाक्‍माक्‍त।

२ राजा 23:27

मिनु परमप्रभु यावेमी “गो दोपा इस्राएल कली ग्रुंइदु, मोपा यहूदा कली यो आं ङोंइती रे ग्रुंइनुङ। मिनु गो आं योव़शो यरूसलेम सहर नु आं नें बाक्‍ब देंशो आं खिं प्रोंइनुङ” देंशो बाक्‍माक्‍त। २राजा १७:१८; १राजा ८:२९

२ राजा 23:4

मेको नोले पिपमी नेल्‍ल क्‍येङा ठेयब चढ़ेब हिल्‍कीयाह, मेको आ नोले ङा अरु चढ़ेबपुकी नु लाप्‍चो खाल पाइब आन कली “परमप्रभु यावे आ खिं रे बाल देवता, अशेराह देवी, नां तास्‍ला नु सोरुल आन कली सेल्‍शो मारेइ मारेइ बोसपुकी ग्रुंइदीन” दे अरेवा बाक्‍त। मिनु मेकोपुकीमी मेको नेल्‍ल यरूसलेम ङा किद्रोन खोल्‍साम चोव़मे बाक्‍त। मिनु पुलु चहिं बेथेलम लदमे बाक्‍त। २राजा २१:३

२ राजा 23:6

मेकोमी अशेराह देवी आ मूर्ति पाइश्‍शो थाम परमप्रभु यावे आ खिं यरूसलेम रे ग्रुंइशा, किद्रोन खोल्‍साम लाइश्‍शा चोपाइक्‍मी बाक्‍त। मिनु मुरपुकीम मेको कली फुरक सेल्‍मे बाक्‍त। मिनु मेको आइक्‍च मुर आन तुरसुम फ्रामे बाक्‍त। २राजा २१:७

२ इतिहास 33:15

मेकोमी अर्को रागी ङा देवतापुकी नु मुशा सेल्‍शो मूर्ति परमप्रभु यावे आ खिं रे ग्रुंइदा बाक्‍त। मिनु आ परमप्रभु यावे आ खिं बाक्‍शो डांडाम नु यरूसलेमम सेल्‍शो चढ़ेतीक नेल्‍ल ताइक्‍ता बाक्‍त। मिनु मेको नेल्‍ल आन कली सहर रे ग्रुंइशा ताइक्‍ता बाक्‍त।

२ इतिहास 33:7

मेकोमी मुपाइश्‍शो मूर्ति परमप्रभु आ खिंम वोइक्‍पदा बाक्‍त। मेको खिं आ पर्बम परमप्रभुम दाऊद नु आ तौ सोलोमन आस कली “गो इस्राएल ङा थर नेल्‍ल आन दाते रे यरूसलेम कली योव़ता। मिनु यरूसलेमम बाक्‍शो एको खिंम गेना हना यो आं नें वोइक्‍नुङ।

२ इतिहास 6:6

तन्‍न गो आं नें कली मान पचा, दे यरूसलेम कली योव़ता। मिनु दाऊद कली आं मुर इस्राएली आन पिप दुम्‍चा कली योव़ता’ देंशो बाक्‍तीनी।

२ इतिहास 7:12

मिनु नोले परमप्रभु यावे नाक्‍दो सोलोमन आ ङोंइती तपांइसीशा, मेको कली “गो इ पुंइशो लोव़ नेंता। मिनु गो मेको खिं मुरपुकीमी आं कली मेकेर चढ़ेचा कली योव़ता। ब्‍यवस्‍था १२:५-६; यसैया ५६:७; मर्कूस ११:१७; यूहन्‍ना २:१६

२ इतिहास 7:16

मारदे हना गो आं नें गेना हना यो बाक्‍चा कली एको खिं कली योव़ता। एको आं के ला बाक्‍ब। गो मेको कली कोव़नुङ। आं थुं गेना हना यो मेकेर बाक्‍ब।

२ इतिहास 7:20

गो इन कली गेशो रागी रे ग्रुंइनुङ। मिनु गो आं नें बाक्‍शो खिं प्रोंइनुङ, काइ मकोव़नुङ। मिनु गो एको कली जात जात ङा मुर आन दातेमी खि‍सी नु शुक्‍शी पाइक्‍तीक सेल्‍नुङ। ब्‍यवस्‍था २८:६३; १राजा १४:१५

नेहेम्‍याह 1:9

तन्‍न ‘आं गे लेत्‍तीनी, आं शेंतीक लोव़ नेंशा टीतीनी हना, गो इन कली ङोन ङोन रागी मेर फ्राइतन्‍नी हना यो, खुप्‍नन्‍नी। इन कली खुप्‍शा, आं नें ठेयब सेल्‍चा कली आं योव़शो रागीमी चाक्‍नन्‍नी’ दे इन ङोंइती पशो लोव़ मिम्‍तीन। ब्‍यवस्‍था ३०:४-९

भजन संग्रह 74:2

साइ इन ग्‍याप्‍शो मुर आन कली मिम्‍तीन। इन के सेल्‍चा कली श्‍येत रे प्रोंइशो मुर आन कली मिम्‍तीन। गे इन बाक्‍तीक सियोन डांडा कली मिम्‍तीन। भजन संग्रह ७६:३

भजन संग्रह 78:58

मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१

येरमीया 32:34

मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।

येरमीया 7:30

परमप्रभु यावेम “यहूदा ङा मुरपुकीम आं ङोंइती मरिम्‍शो पशो बाक्‍नीम। मेकोपुकीमी आं नेंम सेल्‍शो खिंम आन ग्रांग्रा दिशो थोव़क वोइक्‍तेक्‍म। मोपा आं खिं ग्रांग्रा दिशो दुम्‍त। येरमीया ३४:३२; २राजा २१:४-५

इजीकीएल 23:38

मेको निक्‍शीम आं कली मार पाम्‍ताक्‍स देंशा हना, आं बाक्‍तीक ग्रांग्रा दिशो सेल्‍ताक्‍स। मिनु आं नाइक्‍तीक नाक्‍त कली अर्को नाक्‍त खोदेंशो पा सेल्‍ताक्‍स। इजीकीएल ८:५-१८

ब्‍यवस्‍था 16:21

गेपुकीमी अशेराह देवी आ लाइश्‍शो मूर्ति परमप्रभु यावे, इन परमप्रभु कली चढ़ेतीक आ नेक्‍था ख्रुक्‍चा मदुम्‍ब। ब्‍यवस्‍था ७:५; २राजा २३:४