२ राजा 21:1 - Sunuwar Bible

¹ मनस्‍से पिप दुम्‍मेनु, १२ बर्स दुम्‍शो बाक्‍माक्‍त। मिनु मेकोम यरूसलेमम ५५ बर्स सासन पवा बाक्‍त। मेको आ ममा आ नें हेफ्‍सीबाह बाक्‍माक्‍त।

२ राजा 21:1 ပူးပေါင်းရင်းမြစ်များ

२ राजा 20:21

मिनु हिज्‍कीयाह बेक्‍माक्‍त। मिनु मेको आ पा ङा आ तौ मनस्‍से पिप दुम्‍माक्‍त।

१ इतिहास 3:13

योथम आ तौ आहाज बाक्‍माक्‍त। आहाज आ तौ हिज्‍कीयाह बाक्‍माक्‍त। हिज्‍कीयाह आ तौ मनस्‍से बाक्‍माक्‍त।

२ इतिहास 32:33

मिनु हिज्‍कीयाह बेक्‍माक्‍त। मिनु मुरपुकीम मेको कली दाऊद आ चच युइ आन कली थिम्‍तीक देम्‍सीलो मेर थि‍म्‍मे बाक्‍त। मिनु मेको बेक्‍मेनु, यहूदा नु यरूसलेम ङा मुर नेल्‍लेमी मान पामे बाक्‍त। मिनु मेको आ नोले आ तौ मनस्‍से पिप दुम्‍माक्‍त। २इतिहास १६:१४

२ इतिहास 33:1

मनस्‍से पिप दुम्‍मेनु, १२ बर्स दुम्‍शो बाक्‍माक्‍त। मेकोमी यरूसलेमम ५५ बर्स सासन पवा बाक्‍त।

हितोपदेस 5:19

मेको दारशो किश्‍श नु रिम्‍शो रोकोश खोदेंशो बाक्‍ब। मेको आ दारस नु दाक्‍तीकेमी गे गेना हना यो ग्‍येरशा बाक्‍को।

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

येरमीया 15:4

यहूदा ङा पिप हिज्‍कीयाह आ तौ मनस्‍सेम यरूसलेममी मार पशो बाक्‍मे, मेको आ पर्बम गो मेको कली खतम पोक्‍नुङ। मिनु मेको तशा रागी ङा राज्‍य नेल्‍लेम ‘आबी, आबी’ दे हिंनीम। २राजा २१:११-१६; २राजा २३:२६

येरमीया 32:34

मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।

मत्ती 1:10

हिज्कीयाहमी मनस्‍से थि‍माक्‍त। मनस्‍सेमी आमोन थि‍माक्‍त। आमोनमी योसीयाह थि‍माक्‍त।