२ राजा 20:8 - Sunuwar Bible

⁸ मिनु हिज्‍कीयाहमी यसैया कली “गो सानुङ, मिनु नाक्‍त सां नोले परमप्रभु यावे आ खिं लाइनुङ, दे परमप्रभु यावेमी आं कली दोपा तुइक्‍पाइक्‍बा?” दे हिल्‍लो पवा बाक्‍‍त।

२ राजा 20:8 ပူးပေါင်းရင်းမြစ်များ

उत्पत्ती 15:8

मिनु अब्राममी “परमप्रभु, परमप्रभु यावे, आं के रागी दुम्ब, दे दोपा तुइक्‍नुङा ङा?” दे हिल्‍लो पवा बाक्‍त।

२ राजा 19:29

मिनु लेंशा “मेको नेल्‍ल थमा दुम्‍ब, दे मार चिन्‍ड दुम्‍ब देंशा हना, गेपुकी एको बर्स आंमा वाशो जाइनीनी। मिनु नोले ङा बर्स मेको रे वाशो जाइनीनी। मिनु बर्स सांमी गेपुकीम शोक्‍शा खुप्‍शा जने, अङगुर ख्रुम्‍शा जने।

२ राजा 20:5

मार लोव़ पवा बाक्‍त देंशा हना “लेश्‍शा लशा, परमप्रभु यावे इ किकी दाऊद आ परमप्रभुमी ‘आं मुर आन कली सासन पाइब हिज्‍कीयाह कली “गो इ पुंइशो लोव़ नेंता। मिनु इ प्रेक्‍कु ताता। गो इ कली सापाइक्‍नुङ। मिनु नाक्‍त सां नोले गे परमप्रभु यावे आ खिं लाइनेवे।

२ राजा 20:7

मिनु यसैयामी “मेको कली सापाइक्‍चा कली आ कानम फोव़शी गेडा शेप्‍शा ख्रेक्‍तीन” देंमाक्‍त। मिनु मुरपुकीम मेको आ कानम फोव़शी गेडा शेप्‍शा ख्रेक्‍तमे बाक्‍त।

२ राजा 20:9

मिनु यसैयामी “परमप्रभु यावेमी आ देंशो थमा पा पाइब, दे इन कली मार कोंइब देंशा हना, नां आ वांकु १० खेयप ङोंइती गे ग्रेल देय नोले गे लेल्‍ल?” दे हिल्‍लो पवा बाक्‍त।

यसैया 38:21

मिनु यसैयामी “सापाइक्‍चा कली फोव़शी रवा आ फल रे सेल्‍शो ओख्‍ती चाक्‍शा, एको गार तार ख्रेक्‍चा माल्‍नीनी” देंत। यसैया ३८:२१-२२, यसैया ३८:६ नु ७ आन दातेमी वोइक्‍चा माल्‍ब। २राजा २०:७-८ मोदेंशो बाक्‍ब।

यसैया 38:22

ङोंइती हिज्‍कीयाहमी “गो परमप्रभु यावे आ खिं लचा ताइनुङ, देंशो चिन्‍ड, मार दुम्‍बा ङा?” दे हिल्‍लो पशो बाक्‍‍त।

यसैया 7:11

“इन परमप्रभु यावे, इन परमप्रभु कली चिन्‍ड का पुंइदीन। उइ बेक्‍शो मुर आन बाक्‍तीक रे हना यो, इर सरीङ रे हना यो चिन्‍ड का पुनीन” दें‍त।

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

लूका 18:10

मोदेंशो ठेयब सुंइ‍सीब आन कली “मुर निक्‍शी परमप्रभु यावे आ खिंमी परमप्रभु यावे कली प्रार्थना पथ लसा बाक्‍त। का फरिसी बाक्‍माक्‍त, का तिरो पोक्‍ब बाक्‍माक्‍त।

लूका 2:12

आं लोव़ थमा बाक्‍ब, दे दोपा तुइक्‍नीनी देंशा हना, गे मेको नक जरमेशो आल कली वाम गिल्‍शा, शुंगुम इप्‍पाइश्‍शो थित्‍नीनी” देंमाक्‍त।

न्‍यायाधीस 6:17

मिनु मेकोमी “गो इन ङोंइती शिशी ताता हना, नु गे थमा पा गो नु लोव़ पाइब बाक्‍तीनी हना, आं कली चिन्‍ड का कोंइदीनी।