२ राजा 20:1 - Sunuwar Bible

¹ मेना हिज्‍कीयाह रोइ पा बेक्‍चा चिक्‍ता बाक्‍त। मिनु आमोज आ तौ परमप्रभु यावे आ लोव़ पाइब यसैया हिज्‍कीयाह आ बाक्‍तीक जाक्‍शा, “परमप्रभु यावेमी इन कली मार देंत देंशा हना ‘इन खिं ङा मुर आन कली इन अरेचा माल्‍शो लोव़ अरेने। मारदे हना गे बेक्‍नीनी। मसानीनी’ देंत” देंमाक्‍त।

२ राजा 20:1 ပူးပေါင်းရင်းမြစ်များ

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

२ राजा 1:16

मिनु मेकोमी पिप कली “परमप्रभु यावेमी इन कली ‘मार, इस्राएलम परमप्रभु मबाक्‍बा ङा? मिनु गे मुर आन कली एक्रोन ङा देवता बाल-जेबुब आ बाक्‍तीके हिल्‍लो पथ सोइक्‍तीनी? मोपतीके गे इन गोल्‍तीके रे मबोक्‍नीनी। गे थमा पा बेक्‍नीनी’ देंशो बाक्‍ब” देंमाक्‍त।

२ राजा 1:4

मोपतीके परमप्रभु यावेमी अहाज्‍याह कली ‘गे इ रोइ पा गोल्‍तीक रे मबोक्‍नेवे। गे थमा पा बेक्‍नेवे’ देंशो बाक्‍ब, देनीन” देंमाक्‍त। मिनु एलीया गाक्‍माक्‍त।

२ राजा 19:2

मेकोमी दरवार कोव़ब एल्‍याकीम, ब्रेक्‍ब शेब्‍ना नु ठेयब चढ़ेब आन कली अरन्‍डी फेक्‍पाइश्‍शा, परमप्रभु यावे आ लोव़ पाइब आमोज आ तौ यसैया आ बाक्‍तीकेम सोइक्‍तीमी बाक्‍त।

२ राजा 19:20

मिनु आमोज आ तौ यसैयाम हिज्‍कीयाह कली “परमप्रभु यावे, इस्राएली आन परमप्रभुमी मार देंत देंशा हना ‘गो अस्‍सुर ङा पिप सन्‍हेरीब आ पर्बम इ पुंइशो लोव़ नेंता’ देंत।

२ राजा 20:2

मिनु हिज्‍कीयाह गारो गे हिरशा, परमप्रभु यावे कली पुना बाक्‍त।

ब्‍यवस्‍था 31:14

मिनु परमप्रभु यावेमी मोसा कली “मुल इ बेक्‍ची नाक्‍ती जाक्‍शो बाक्‍ब। मोपतीके यहोसु कली ब्रेश्‍शा, मेको कली इ गेय जिम्‍मा गेनुङ। मोपतीके ग्रुम्‍तीक ताम्‍बुम जाक्‍शा, राप्‍शा बाक्‍कीस” देंत। मिनु मोसा नु यहोसु लशा ग्रुम्‍तीक ताम्‍बुम राप्‍शा बाक्‍ताक्‍स।

ब्‍यवस्‍था 31:16

मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।

फिलिप्‍पी 2:27

इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।

फिलिप्‍पी 2:30

मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।