२ राजा 2:8 - Sunuwar Bible

⁸ मिनु एलीयामी आ फेक्‍शो वा प्रुइश्‍शा ओल्‍शा यर्दन खोला ङा ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्राशा, सोव़शो लां दुम्‍माक्‍त। मेको निक्‍शी आइक्‍ची हांबु मजाक्‍दीस्‍सा सम्‍म मोपा ब्राशा बाक्‍माक्‍‍त। प्रस्‍थान १४:२१-२२; यहोसु ३:१६

२ राजा 2:8 ပူးပေါင်းရင်းမြစ်များ

१ राजा 19:13

मिनु एलीयामी मेको सेंदा नेंशा, आ वामी आ कुल सुम्‍से बाक्‍त। मिनु लाङगा ग्रूशा पुक्‍खी आ ङोंइती राम्‍माक्‍त। मिनु मेको आइक्‍च सेंदाम “एलीया गे एक मार पन पन बाक्‍ङे?” देंमाक्‍त।

१ राजा 19:19

मिनु एलीया मेकेर रे लमाक्‍त। मिनु शाफात आ तौ एलीशा कली ग्रुमा बाक्‍त। मेको १२ हाल ब्‍यफ वाक्‍ना वाक्‍न बाक्‍माक्‍त। मेको चहिं मेको नेल्‍ल क्‍येङा नोले ङा हाल वाक्‍ना वाक्‍न बाक्‍माक्‍त। मिनु एलीया लशा, आ फेक्‍शो वा मेको आ तार कोप्‍ता बाक्‍त।

२ राजा 2:14

मिनु मेकोमी एलीया आ फेक्‍शो वामी ब्‍वाक्‍कु तुप्‍शा “परमप्रभु यावे, एलीया आ परमप्रभु ते बाक्‍म?” देंमाक्‍त। मिनु ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्रामेनु, मेको ओंथ हांबु शोक्‍से बाक्‍त।

प्रस्‍थान 14:29

तन्‍न इस्राएली चहिं सोव़शो लां लशा, समुन्‍द्र शोक्‍साक्‍म। ब्‍वाक्‍कु गारो खोदेंशो पा, आन ग्‍युरा नु पेरा गे बाक्‍त।

यसैया 11:15

मिनु परमप्रभु यावेमी इजीप्‍त ङा समुन्‍द्र ङा ब्‍वाक्‍कु नेल्‍ल सोव़पाइक्‍ब। मेकोमी युफ्रेटीस तारी यो आ गुइ क्‍युक्‍शा, मेको रे ७ ओटा खोला सेल्‍ब। मिनु मुरपुकी गाक्‍शा शोक्‍शा लाइनीम।

हिब्रू 11:29

मिनु थमा सुइश्‍शोमी लल समुन्‍द्रम सोव़शो लां दुम्‍माक्‍त। मिनु खोइल का यो मजित्‍थु शोक्‍समा बाक्‍त। मेको आन नोले खोइश्‍शा खेदा पाइब इजीप्‍त ङा मुरपुकी चहिं समुन्‍द्रमी ग्रुम्‍शा बेक्‍मा बाक्‍त।

हिब्रू 11:37

फुल्‍लु आप्‍शा साइक्‍चा पुंइसमा बाक्‍त, आरामी रिक्‍शा साइक्‍चा पुंइसमा बाक्‍त, तरवारम क्‍योरशा साइक्‍चा पुंइसमा बाक्‍त। २इतिहास २४:२१

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६

१ सामुएल 28:14

मिनु सावलमी “मेको दोदेंशो बाक्‍मे” दे हिल्‍लो पवा बाक्‍त। मिनु मेकोमी “खूशो मुर का ग्रूशा कुत। मेकोमी दारशो वा फेक्‍शो बाक्‍त” देंमाक्‍त। मिनु सावलमी मेको सामुएल बाक्‍ब, दे तुइश्‍शा खुम्‍की पा बाप्‍शा सेउ पवा बाक्‍त।