२ राजा 2:7 - Sunuwar Bible

⁷ मिनु ५० जना परमप्रभु यावे आ लोव़ पाइबपुकीम एलीया नु एलीशा आस नोले खोदमे बाक्‍त। मिनु मेको निक्‍शी यर्दन खोला आ नेक्‍था राप्‍शा बाक्‍सानु, मेकोपुकी ङोन रे कोव़शो बाक्‍मा बाक्‍त।

२ राजा 2:7 ပူးပေါင်းရင်းမြစ်များ

१ राजा 18:13

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

१ राजा 20:35

मिनु परमप्रभु यावे आ लोव़ पा, मेको आ लोव़ पाइब आन दाते ङा काम आ वारच का कली “आं कली तुब्‍यी” देंमाक्‍त। तन्‍न मेकोमी तुप्‍ने मबिस्‍से बाक्‍त।

२ राजा 2:15

मिनु मेको कोव़शा बाक्‍ब यरीको ङा परमप्रभु यावे आ लोव़ पाइब हुलमी “एलीया आ सोक्‍त एलीशा तार जाक्‍माक्‍त” देंमा बाक्‍त। मिनु मेकोपुकी एलीशा कली ग्रुम्‍थ जाक्‍मा बाक्‍त। मिनु मेको आ ङोंइती खप सम्‍मन बाम्‍मा बाक्‍त।

२ राजा 2:16

मिनु मेकोपुकीम एलीशा कली “कोव़ङीन, गो इन गेय पाइबपुकी नु बोल्‍यो ५० जना मुर बाक्‍नीम। मेकोपुकी लशा, इन होव़प कली माल्‍चा गेने। परमप्रभु यावे आ सोक्‍तीम क्‍युक्‍शा लाइश्‍शा, मेको कली तेकोइ पहाड, बेंसीम वोइश्‍शो बाक्‍म माइ” देंमा बाक्‍त। तन्‍न एलीशाम “ममाइ, मेको आन कली मसोइक्‍तीन” देंमाक्‍त।

२ राजा 2:17

तन्‍न मेकोपुकीम एलीशा कली सोइक्‍तीन कि सोइक्‍तीन देंमा बाक्‍त। मिनु एलीशाम मेको आन कली “लो, मो हना सोइक्‍तीन” देंमाक्‍त। मिनु मेकोपुकीम मेको ५० जना मुर आन कली सोइक्‍तमे बाक्‍त। मिनु मेकोपुकीम नाक्‍त सां सम्‍म माल्‍शा मथिदमे बाक्‍त।

२ राजा 4:1

मिनु परमप्रभु यावे आ लोव़ पाइब का आ मीश जाक्‍शा ठेयब सेंदा पा एलीशा कली “इन गेय पाइब आं वोंइश बेक्‍त। मेको परमप्रभु यावे कली मान पा हिंब बाक्‍त, दे तुइक्‍नीनी। तन्‍न मुल मेको आ जेर जशो मुर जाक्‍शा आं आल निक्‍शी आस कली वाइल सेल्‍चा कली लाइक्‍चशो बाक्‍ब” देंमाक्‍त।

२ राजा 5:22

मिनु गेहाजीम “मारेइ मदुम। तन्‍न आं होव़पमी आं कली एफ्राइम पहाड ङा परमप्रभु यावे आ लोव़ पाइब आन हुल रे ठिटा निक्‍शी जाक्‍ताक्‍स। मिनु शिशी पा मेको आस कली ‘टलेन्‍ट का चांदी नु जोर निक्‍शी वा गेने’ देंथ सोइक्‍ताक्‍यी” देंमाक्‍त। टलेन्‍ट का ३४ किलो बाक्‍ब।

२ राजा 6:1

परमप्रभु यावे आ लोव़ पाइब आन हुल काम एलीशा कली “एको इं बाक्‍शो खिं इं कली थम आइक्‍च बाक्‍ब।

२ राजा 9:1

परमप्रभु यावे आ लोव़ पाइब एलीशामी परमप्रभु यावे आ लोव़ पाइब आन हुल ङा का कली ब्रेश्‍शा “इ किप्‍शुर किप्‍शा, एको तेल कुरशा रामोथ-गिलादम लावो।

आमोस 7:14

मिनु आमोसमी अमस्‍याह कली “गो परमप्रभु यावे आ लोव़ पाइब मनङ। मिनु परमप्रभु यावे आ लोव़ पाइब आ तौ यो मनङ। गो दा गोठला का नु फोव़शी रवा कोव़ब मुर नङ।

१ सामुएल 10:5

मिनु नोले गे परमप्रभु आ डांडा गिबेआथ-एलोहीम जाक्‍नीसी। मेकेर लडाइ पचा कली बाक्‍शो पलिस्‍ती बाक्‍नीमी। मिनु गे मेको सहर ओव़तीसी हना, डांडा रे यिन यिन पशो परमप्रभु यावे आ लोव़ पाइब आन हुल का ग्रुम्‍नीसी। मेको आन ङोंइती मार मार ताप्‍तीके ताप्‍बपुकी गाक्‍शो बाक्‍नीम। मिनु मेकोमी परमप्रभु यावे आ लोव़ पाइनीम।