२ राजा 2:6 - Sunuwar Bible

⁶ मिनु एलीयामी मेको कली “गे एक उइ बाक्‍को। मारदे हना परमप्रभु यावेम आं कली ‘यर्दन खोला लावो’ दे सोइक्‍ताक्‍यी” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निम्‍फा गाक्‍सा बाक्‍त।

२ राजा 2:6 ပူးပေါင်းရင်းမြစ်များ

उत्पत्ती 22:6

मिनु अब्राहाममी चोशा चढ़ेतीक शी इसहाक कली कुरपदा बाक्‍त। मिनु मी नु चुक्‍ब आंमा कुरा बाक्‍त। मोपा निम्‍फा लसा बाक्‍त।

उत्पत्ती 22:8

मिनु अब्राहाममी “चोशा चढ़ेतीक पाठा परमप्रभुमी गेब” देंमाक्‍त। मोपा निम्‍फा लसा बाक्‍त।

२ राजा 2:2

मिनु एलीयामी एलीशा कली “गे एक उइ बाक्‍को। मारदे हना परमप्रभु यावेमी आं कली बेथेल सोइश्‍शो बाक्‍ब” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी बेथेल ब्रुप्‍सा बाक्‍त।

२ राजा 4:30

तन्‍न मेको आल आ ममामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा गो इन कली मप्रोंइनुङ” देंमाक्‍त। मोपतीके एलीशा बोक्‍शा, मेको मीश मुर आ नोले खोदा बाक्‍त।

यहोसु 3:15

मिनु बाली नाली रुप्‍ची ना, खोला गेना हना यो शुश बारशो बाक्‍ब। मिनु चढ़ेबपुकीमी आन खोइली यर्दन खोला आ सुर ङा ब्‍वाक्‍कुम ख्रुम्‍मेनु,

यहोसु 3:8

गे कबल पशो सन्‍दोस कुरब चढ़ेब आन कली ‘गेपुकी यर्दन खोला आ सुर ङा ब्‍वाक्‍कुम जाक्‍दीश्‍शा, मेक उइ राप्‍शा, बाक्‍चा माल्‍नीनी’ दे अरेचा माल्‍नेवे” देंत।

रूथ 1:16

मिनु रूथमी “इन कली प्रोंइपाइश्‍शा, आं कली लेश्‍शा, सोइक्‍चा कली ढिपी मपाइय्‍यीनी। गे ते लाइनीनी, गो यो मेकेन लाइनुङ। गे ते बाक्‍नीनी, गो यो मेकेन बाक्‍नुङ। इन मुरपुकी आं मुर दुम्‍नीम। इन परमप्रभु आं परमप्रभु दुम्‍ब।

१ सामुएल 1:26

मिनु हान्‍नाहमी मेको कली “आं प्रभु, गे ब्रोंइशा बाक्‍शो खोदेंशो पा, गो थमा लोव़ पाइनुङ। गो परमप्रभु यावे कली पुंइशा, इन ङोंइती राप्‍शा, बाक्‍ब मीश मुर नङ।

१ सामुएल 20:3

मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।