२ राजा 2:24 - Sunuwar Bible

²⁴ मिनु मेकोम लेश्‍शा कोव़शा, मेको आन कली परमप्रभु यावे आ नेंमी सराप पाइक्‍मी बाक्‍त। मिनु ब्‍वाकी रे छाउरी वां निक्‍शी ग्रूशा, मेको आन दाते ङा ४२ जना आन कली क्राइ‍श्‍शा साइक्‍मी बाक्‍त।

२ राजा 2:24 ပူးပေါင်းရင်းမြစ်များ

उत्पत्ती 9:25

मिनु नोआहमी “कनान सराप रल। आ लोक्‍ब आस नेल्‍ल क्‍येङा आइक्‍च वाइल दुम्‍ल” दे सराप पवा बाक्‍त।

२ सामुएल 17:8

मिनु हुशाइमी लेंशा “गे इन आफ नु मेको नु बाक्‍ब मुरपुकी थम जोक्‍ब लडाइ पाइबपुकी बाक्‍नीम, दे तुइक्‍नीनी। मेकोपुकी चाइक्‍ब रोइक्‍चा पुंइसीशो वां खोदेंशो दुम्‍शो बाक्‍नीम। इन आफ लडाइ पतीकेम जोक्‍ब तुइक्‍ब बाक्‍ब। मेको नाक्‍दो आ लडाइ पाइ‍ब नु काथा मबाक्‍ब।

१ राजा 13:24

मिनु मेको लना लन बाक्‍मेनु लांम गुप्‍स का ग्रूशा मेको कली सदा बाक्‍त। मिनु मेको आ बेक्‍शो रां लांम गोल्‍शा लीमाक्‍त। गधा मेको आ नेक्‍थान राप्‍शा बाक्‍शो बाक्‍माक्‍त। मिनु गुप्‍स यो मेको आ नेक्‍था राप्‍शा बाक्‍शो बाक्‍माक्‍त। १राजा २०:३६

१ राजा 19:17

मिनु हजाएल आ तरवार रे ब्रोंइशो आन कली येहूमी साइक्‍ब। मिनु येहू आ तरवार रे ब्रोंइशो आन कली एलीशामी साइक्‍ब।

१ राजा 20:36

मिनु मेको परमप्रभु यावे आ लोव़ पाइबमी “गे परमप्रभु यावे आ अरेशो लोव़ मटितीके आं कली प्रोंइशा लवे चोटीन इ कली गुप्‍स काम साइक्‍ब” देंमाक्‍त। मिनु मेको लम नोले गुप्‍स काम थिश्‍शा, मेको कली सदा बाक्‍त। १राजा १३:२४

२ राजा 2:25

मिनु मेको मेकेर रे कारमेल डांडा लमाक्‍त। मिनु नोले सामरीया लेम्‍माक्‍त।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

हितोपदेस 17:12

मूर्ख मुरुमी मूर्ख पवा ना ग्रुम्‍चा क्‍येङा आ चाइक्‍ब रोंइसीशो वां कली ग्रुम्‍चा रिम्‍शो बाक्‍ब।

हितोपदेस 19:29

सजाइ शुक्‍शी पाइब आन कली बाक्‍ब। तुप्‍तीके मूर्ख आन ची कली माल्‍ब। हितोपदेस २६:३

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

येरमीया 28:16

मोपतीके परमप्रभु यावेम ‘गो इ कली एको रागी रे तिल्‍चा चिक्‍शो बाक्‍नुङ। गे एको बर्सम बेक्‍नेवे। मारदे हना गे परमप्रभु यावे कली काइ मटिथु जोल लोव़ पाप्‍तीवी’ देंत” देंत।

बिलाप 3:65

मेको आन थुं सुम्‍शा गेन। इन सराप मेको आन कली रल।

होसे 13:8

चाइक्‍ब रोंइसीशो वां खोदेंशो पा मेको आन कली ग्‍याइश्‍शा आन रां चेत्‍नुङ। मिनु गुप्‍सुमी खोदेंशो पा मेको आन कली ब्‍वाइनुङ। मिनु ब्‍वाकी ङा जन्‍तुमी साइश्‍शो खोदेंशो पा साइक्‍नुङ।

लेवी 26:22

गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७

आमोस 7:17

मोपतीके परमप्रभु यावेमी इ कली ‘इ मीश सहरम तेल्‍लेम का दुम्‍ब। इ तमी तौ नेल्‍ल तरवारमी क्‍योरचा पुंइसीनीम। मिनु इ रागी पुक्‍शा योक्‍सीनीम। गे चहिं ग्रांग्रा दिशो रागी काम बेक्‍नेवे। मिनु इस्राएल थमा पा आ रागी रे ग्‍याइश्‍शा लाइक्‍चा पुंइसीब’ ” दे आमोसमी अमस्‍याह कली देंत।

मर्कूस 11:14

मिनु “मुल ङा मेरे सुइमी इ फल जचा मतामेक्‍ल” दे मदा बाक्‍त। आ शेंसीबपुकीमी मो दें‍शो नेन्‍मे बाक्‍त।

मर्कूस 11:21

मिनु पत्रुसमी ति फ्रुक्‍शा, येसु कली “ए शेंब, कोव़ङीन, इन सराप पशो फोव़शी रवा सोव़माक्‍त” देंमाक्‍त।

प्रेरित 5:5

मिनु हनानीयामी पत्रुस आ देंशो नेंशा, दिङ गोल्‍शा बेक्‍माक्‍त। मिनु मुरपुकीमी मेको लोव़ नेंशा, शुश हिंमा बाक्‍त।

प्रेरित 5:9

मिनु पत्रुसमी “गे निक्‍शी गारशा, मोदेंशो पा परमप्रभु यावे आ सोक्‍त कली जोल पचा दुम्‍बा? इ वोंइश कली थिम्‍थ लाइबपुकी लेश्‍शा जाक्‍चाम्‍तेक्‍म। इच्‍ची ना इ कली यो लाइश्‍शा थिम्‍नीम” देंमेनु, मीश मुर यो दिङ गोल्‍शा बेक्‍माक्‍त।

प्रेरित 8:20

मिनु पत्रुसमी “इ क्‍येट गे नुन जाम्‍शा लल। मारदे हना गे परमप्रभु यावे आ गेशो सक्ति क्‍येट थाप्‍शा, ग्‍याप्‍चा तांइसीब, दे मिम्‍ताक्‍‍वी।

२ कोरिन्‍थी 10:6

मिनु इन ख्रीस्‍त कली टिशो रिम्‍शो दुम्‍त हना, सु सुमी मटीमे, गो मेको आन कली सजाइ गेनीकी।

न्‍यायाधीस 9:20

तन्‍न मोदेंशो मदुम्‍त हना, अबीमेलेक रे मी ग्रूशा, शेकेम नु बेथ-मिल्‍लो ङा मुर आन कली खतम पोक्‍गल। मिनु शेकेम नु बेथ-मिल्‍लो ङा मुर रे मी ग्रूशा अबीमेलेक कली खतम पोक्‍गल” देंमाक्‍त। न्‍यायाधीस ९:५७

न्‍यायाधीस 9:57

मिनु परमप्रभुमी शेकेम ङा मुर आन मरिम्‍शो पशो आ पर्बम क्‍येक्‍क लेत्‍ता बाक्‍त। मेकोपुकीमी येरूब-बाल आ तौ योथाम आ सराप रमा बाक्‍त। न्‍यायाधीस ९:२०