२ राजा 2:19 - Sunuwar Bible

¹⁹ मिनु मेको सहर ङा मुरपुकीम एलीशा कली “एको आंइ सहर रिम्‍शो बाक्‍ब। तन्‍न एकेर ङा ब्‍वाक्‍कु मरिम्‍शो बाक्‍ब। मिनु एको ब्‍वाक्‍कुमी आल शाम्‍पाइक्‍ब” देंमा बाक्‍त।

२ राजा 2:19 ပူးပေါင်းရင်းမြစ်များ

१ राजा 16:34

आहाबम सासन पवा ना बेथेल ङा हीएलमी यरीको सहर लेंशा सेला बाक्‍त। मेको आ जग वोदमेनु, मेको आ ङोंइती जरमेशो तौ अबीराम बेक्‍माक्‍त। मिनु मेको आ ठेयब लाप्‍चो वोदमेनु, मेको आ कान्‍छा तौ सेगुब बेक्‍माक्‍त। मोपा परमप्रभु यावेमी नून आ तौ यहोसु रे पा देंशो लोव़ खबा बाक्‍त। यहोसु ६:२६

१ राजा 18:13

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।

१ राजा 18:7

मिनु ओबदिया लांम गाक्‍ना गाक्‍न बाक्‍मेनु, एलीयाम मेको कली ग्रुमा बाक्‍त। मिनु ओबदियामी मेको कली तुइश्‍शा खप सम्‍मन बाप्‍शा सेउ पा “आं प्रभु, गे थमा पा एलीयान ननी?” देंमाक्‍त।

२ राजा 2:18

मिनु एलीशा यरीकोम बाक्‍मेनु, मेकोपुकी लेश्‍शा, मेको आ बाक्‍तीक जाक्‍मा बाक्‍त। मिनु एलीशाम मेको आन कली “मार, गो इन कली मलन मदेंङा ङा?” दे माइक्‍मी बाक्‍त।

२ राजा 2:20

मिनु मेकोमी “आं कली नक बोस का गेयीनी। मिनु मेकेर हिक्‍सी कुर पने” देंमाक्‍त। मिनु मेकोपुकीम मोपा चाक्‍गमे बाक्‍त।

प्रस्‍थान 15:23

माराह माइश्‍शोमी जाक्‍दीश्‍शा, मेक ङा ब्‍वाक्‍कु तूने मचबेम। मारदे हना मेको ब्‍वाक्‍कु कशो बाक्‍त। मोपतीके मेको कली माराह नें वोइक्‍तेक्‍म। हिब्रू लोव़मी मारा देंशो कशो रुम्‍सीब।

प्रस्‍थान 23:26

इन रागीमी मीश मुरपुकी आल शाम्‍ब नु आल मथीब मदुम्‍नीम। मिनु गेपुकी खाल्‍पी खाल्‍पा दुम्‍चा सम्‍म ब्रोंइनीनी।

प्रस्‍थान 7:19

मिनु परमप्रभु यावेमी मोसा कली “गेमी हारून कली ‘इ कोक्‍के इजीप्‍त रागी ङा ब्‍वाक्‍कु हुश दुम्‍पाइक्‍चा कली ब्‍वाक्‍कु तारी दिंदो। नादी, खोला, कुवा नु इनार आन तारी दिंदो। मुर आन चाक्‍शो ठेका नु गरम बाक्‍शो ब्‍वाक्‍कु यो हुश दुम्‍ब’ दे हारून कली देनो” देंत। प्रकाश ११:६

होसे 9:14

परमप्रभु यावे, गे मेको आन कली मार गेनीनी? मेको आन आल शाम्‍सेक्‍ल। मिनु मेको आन दूध सोव़ल।

गन्‍ती 12:11

मिनु हारूनमी मोसा कली “आं प्रभु, गो मूर्ख दुम्‍शा, पाप पशो आ पर्बम आंस कली सजाइ मगेने।

ब्‍यवस्‍था 28:11

मिनु परमप्रभु यावेमी इन किकी पिपी आन कली गेनुङमी देंशो रागीमी गेपुकी शुश आल थीब दुम्‍नीनी। इन बी ब्‍यफ, क्‍यारश भेडा आन चाइक्‍ब शुश दुम्‍नीम, इन बाली नाली नेल्‍ल सोशा बोशा लाइनीनी। इन रागी रिम्‍शो दुम्‍ब।

१ तिमोथी 5:17

ग्रुम्‍तीके खिंमी श्‍येत पा लोव़ पाइब नु शेंब खाल्‍पा आन कली निक्‍शी खेयप मान पा क्‍येट गेचा माल्‍नीम। प्रेरित १४:२३; रोमी १२:८

यहोसु 6:17

एको सहर नु एको आगा बाक्‍शो मारेइ मारेइ खतम सेल्‍तीक परमप्रभु यावे केन बाक्‍ब। राहाब तेल्‍लेम नु आ खिंमी बाक्‍ब मुर ला ब्रोंइचा ताइनीम। मारदे हना मेकोमी आंइ सोइश्‍शो क्‍यारी पाइब मुर आस कली ख्रुइश्‍शा प्रोंइशो बाक्‍त। ब्‍यवस्‍था २०:१६-१७; यहोसु २:१२-१३; हिब्रू ११:३१

यहोसु 6:26

मेना यहोसुमी “सुमी यरीको सहर लेंशा सेल्‍बा, मेको परमप्रभु यावे आ ङोंइती सराप राइब। मेकोमी जग फुल्‍लु वोदानु, आ ङोंइती जरमेशो तौ बेक्‍ब। मिनु आ गारो ङा ठेयब लाप्‍चो वोदानु, आ कान्‍छा तौ बेक्‍ब” दे कसम जाप्‍तु। १राजा १६:३४