२ राजा 2:13 - Sunuwar Bible

¹³ मिनु एलीशाम एलीया आ दोक्‍शो फेक्‍शो वा गुबा बाक्‍त। मिनु लेश्‍शा यर्दन खोला आ नेक्‍था राम्‍माक्‍त।

२ राजा 2:13 ပူးပေါင်းရင်းမြစ်များ

१ राजा 19:19

मिनु एलीया मेकेर रे लमाक्‍त। मिनु शाफात आ तौ एलीशा कली ग्रुमा बाक्‍त। मेको १२ हाल ब्‍यफ वाक्‍ना वाक्‍न बाक्‍माक्‍त। मेको चहिं मेको नेल्‍ल क्‍येङा नोले ङा हाल वाक्‍ना वाक्‍न बाक्‍माक्‍त। मिनु एलीया लशा, आ फेक्‍शो वा मेको आ तार कोप्‍ता बाक्‍त।

१ राजा 9:26

मिनु पिप सोलोमनम लल समुन्‍द्र आ शुंइच एदोम रागी एलोथ आ नेक्‍था एस्‍योन-गेबेर सहरम जहाजपुकी यो सेल्‍पदा बाक्‍त। गन्‍ती ३३:३५; २इतिहास ८:१७-१८

२ राजा 2:12

मिनु एलीशाम मेको तशा, वाइ ब्रेश्‍शा “ए आं आफ! ए आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। मिनु मेना रे एलीशाम एलीया कली लेंशा मतवा बाक्‍त। मिनु नोले मेकोमी आ वा जेर खाक्‍गा बाक्‍त। २राजा ६:२१; २राजा १३:१४

२ राजा 2:14

मिनु मेकोमी एलीया आ फेक्‍शो वामी ब्‍वाक्‍कु तुप्‍शा “परमप्रभु यावे, एलीया आ परमप्रभु ते बाक्‍म?” देंमाक्‍त। मिनु ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्रामेनु, मेको ओंथ हांबु शोक्‍से बाक्‍त।

२ राजा 2:8

मिनु एलीयामी आ फेक्‍शो वा प्रुइश्‍शा ओल्‍शा यर्दन खोला ङा ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्राशा, सोव़शो लां दुम्‍माक्‍त। मेको निक्‍शी आइक्‍ची हांबु मजाक्‍दीस्‍सा सम्‍म मोपा ब्राशा बाक्‍माक्‍‍त। प्रस्‍थान १४:२१-२२; यहोसु ३:१६

हिब्रू 11:37

फुल्‍लु आप्‍शा साइक्‍चा पुंइसमा बाक्‍त, आरामी रिक्‍शा साइक्‍चा पुंइसमा बाक्‍त, तरवारम क्‍योरशा साइक्‍चा पुंइसमा बाक्‍त। २इतिहास २४:२१

१ सामुएल 28:14

मिनु सावलमी “मेको दोदेंशो बाक्‍मे” दे हिल्‍लो पवा बाक्‍त। मिनु मेकोमी “खूशो मुर का ग्रूशा कुत। मेकोमी दारशो वा फेक्‍शो बाक्‍त” देंमाक्‍त। मिनु सावलमी मेको सामुएल बाक्‍ब, दे तुइश्‍शा खुम्‍की पा बाप्‍शा सेउ पवा बाक्‍त।