२ राजा 2:12 - Sunuwar Bible

¹² मिनु एलीशाम मेको तशा, वाइ ब्रेश्‍शा “ए आं आफ! ए आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। मिनु मेना रे एलीशाम एलीया कली लेंशा मतवा बाक्‍त। मिनु नोले मेकोमी आ वा जेर खाक्‍गा बाक्‍त। २राजा ६:२१; २राजा १३:१४

२ राजा 2:12 ပူးပေါင်းရင်းမြစ်များ

उत्पत्ती 37:34

मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।

उत्पत्ती 5:24

हनोक परमप्रभु नु गाक्‍बाक्‍माक्‍त। मिनु परमप्रभुमी हनोक कली आ बाक्‍तीक लदा बाक्‍त। मुरपुकीम हनोक कली माल्‍शा, मथिदमे बाक्‍त। २राजा २:११; हिब्रू ११:५

२ राजा 13:14

एलीशा रोइ पवा बाक्‍त। मिनु नोले मेको रोइ रे बेक्‍माक्‍त। मिनु इस्राएल ङा पिप योआश मेको कली कोव़‍थ लमाक्‍त। मिनु मेको आ ङोंइती ङाक्‍शा “ए, आं आफ! ए, आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। २राजा २:१२

२ राजा 2:13

मिनु एलीशाम एलीया आ दोक्‍शो फेक्‍शो वा गुबा बाक्‍त। मिनु लेश्‍शा यर्दन खोला आ नेक्‍था राम्‍माक्‍त।

२ राजा 5:13

तन्‍न नामान आ गेय पाइबपुकी जाक्‍शा मेको कली “ए, आंइ आ‍फ, मार परमप्रभु यावे आ लोव़ पाइबमी इन कली ‘श्‍येत ङा गेय का पने’ देंशो हना, गे मेको मपाइ‍नीनी ङा? मेकोमी इन कली ‘ब्‍वाक्‍कुम चिक्‍शा ग्रांग्रा मदिशो दुमीन’ देंमेनु, मेको मारदे मपाइनीनी?” देंमा बाक्‍त।

२ राजा 6:21

मिनु इस्राएल ङा पिपमी मेको आन कली तशा, एलीशा कली “आं आफ, मार गो एको आन कली सदुमी। एको आन कली सदुमी?” दे हिल्‍लो पवा बाक्‍त।

अय्‍युब 22:30

मेकोमी दोस ताइब आन कली यो प्रोंइब। गे दोस मताइब बाक्‍‍तीके मेको आन कली प्रोंइब” दे एलीफाजमी अय्‍युब कली लोव़ लेत्‍ता बाक्‍त। भजन संग्रह १८:२१,२५; २कोरिन्‍थी ५:२

हितोपदेस 11:11

रिम्‍शो थुं पाइश्‍शो मुर आसीक तामेनु, सहर कली रिम्‍शो दुम्‍ब। तन्‍न परमप्रभु यावे आ अरेशो मटीब आन लोव़मी सहर कली मरिम्‍शो दुम्‍ब। हितोपदेस २८:१२

हितोपदेस 30:4

सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४

उपदेसक 7:19

जोक्‍तीक तुइक्‍तीकेमी जोक्‍ब तुइक्‍ब मुर कली सहर ङा १० जना हुकुम पाइब आन क्‍येङा यो सक्ति पाइश्‍शो सेल्‍ब।

यसैया 37:15

मिनु हिज्‍कीयाहमी परमप्रभु यावे कली

यसैया 37:21

नोले आमोज आ तौ यसैयामी हिज्‍कीयाह कली “परमप्रभु यावे, इस्राएली आन परमप्रभुमी ‘अस्‍सुर ङा पिप सन्‍हेरीब आ पर्बम इ पशो लोव़ गो नेंता’ देंत।

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

मर्कूस 16:19

मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५

लूका 2:15

मिनु परमप्रभु यावे आ स्‍वर्ग ङा गेय पाइब सरीङ गे लेश्‍शा लमा बाक्‍त। मिनु गोठलापुकीमी “बेथलेहेम सहर लय। एको परमप्रभुमी तुइक्‍पाइश्‍शो लोव़ कोव़थ लय” देंमुमा बाक्‍त।

लूका 24:51

आसीक गेना गेन बाक्‍मेनु, सरीङ गे लाइक्‍चा पुंइसे बाक्‍त।

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

प्रेरित 1:9

मिनु मोदेंशो लोव़ पा, मेको आन तना तन ग्‍येत्‍थ ग्‍युक्‍शा, गोस्‍सुमी गिल्‍सीशा सरीङ ग्‍येत्‍थ लमाक्‍त। मिनु नोले मेकोपुकीमी मतामे बाक्‍त। मर्कूस १६:१९; लूका २४:५१

प्रेरित 27:24

मेकोमी ‘पावल, महिनो। गे सिजर पिप आ ङोंइती राप्‍चा माल्‍‍नेवे। ब्‍वाक्‍कुम ग्रुम्‍शा मबेक्‍नेवे। परमप्रभु यावेमी गे नु बाक्‍ब नेल्‍ल यो मबेक्‍थु, इन कली गेप्‍तु’ दे माइक्‍ती। प्रेरित २३:११

प्रेरित 8:2

परमप्रभु यावे कली मान पा हिंबपुकीमी स्‍तीफानस आ बेक्‍शो रां लाइश्‍शा, थिम्‍मे बाक्‍त। स्‍तीफानस कली साइश्‍शो तशा, थमा सुइक्‍ब नेल्‍ल शुश ङाक्‍मा बाक्‍त।

२ कोरिन्‍थी 5:2

गो एकेर बाक्‍शा, रोंका पाइनीकी, आंइ स्‍वर्ग ङा खिंम बाक्‍चा दाक्‍नीकी।

२ कोरिन्‍थी 5:4

मुल सम्‍म रागी ङा रांम बाक्‍नीकी, सुर्ता पना पन बाक्‍नीकी। शिश्रा दुम्‍चा कली ममाइ। तन्‍न नक फेक्‍शो खोदेंशो पा, आंइ जाम्‍शा लाइब रां गेना हना यो ब्रोंइशा बाक्‍ब स्‍वर्ग ङा रां दुम्‍ल। १कोरिन्‍थी १५:५१-५३

एफिसी 4:8

मिनु मार ब्रेक्‍शो बाक्‍त देंशा हना “मेको इर परमप्रभु यावे आ बाक्‍तीक लमेनु, चोक्‍सीशो शुश आन कली लाइक्‍तु। मिनु मुर आन कली गेय पतीक सक्ति गेप्‍तु” दे ब्रेक्‍शो बाक्‍ब। भजन संग्रह ६८:१९; कलस्‍सी २:१५

प्रकाश 11:12

मिनु सरीङ रे ठेयब सेंदामी मेको निक्‍शी आस कली “एक कुस” देंशो नेंताक्‍स। मिनु गोस्‍सुमी गिल्‍सीशा, इर सरीङ लाम्‍ताक्‍से। मेको आस जोरी सत्रुपुकीमी मेको आस कली सरीङ गे लशो ताम्‍तेक्‍म।

न्‍यायाधीस 17:10

मिनु मीकाहमी “गो नु बाक्‍को। मिनु आं आफ नु आं चढ़ेब दुमो। गो इ कली बर्स बर्समी १० ओटा चांदी के शेकेल गेनन। मिनु जचा फेक्‍चा यो गेनन” देंमाक्‍त।