२ राजा 19:4 - Sunuwar Bible

⁴ परमप्रभु यावे, इन परमप्रभुमी अस्‍सुर ङा पिपमी सोइश्‍शो मेको राब्‍शाके आ लोव़ नेल्‍ल नेंना माइ। आ होव़प, अस्‍सुर ङा पिपमी ब्रोंइशा बाक्‍शो परमप्रभु कली शुक्‍शी पथ सोइश्‍शो बाक्‍ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्‍बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्‍त। १सामुएल १७:१०; २राजा १८:३५

२ राजा 19:4 ပူးပေါင်းရင်းမြစ်များ

उत्पत्ती 22:14

मिनु अब्राहाममी मेको डांडा कली परमप्रभु यावे यीरेह, दे नें वोदा बाक्‍त। मोपतीके मुल सम्‍म मुरपुकीम “परमप्रभु यावे आ डांडाम परमप्रभु यावेमी माल्‍शो गेब” देंनीम। “परमप्रभु यावे यीरेह” आ अर्थ “परमप्रभु यावेमी आं माल्‍शो गेब” देंशो बाक्‍ब। उत्‍पत्ती १६:१३

२ सामुएल 16:12

परमप्रभु यावेम मेरे मुलाक्‍त ङा सराप आ पा ङा आं श्‍येत तशा आं कली रिम्‍शो पाइबा कों” देंमाक्‍त।

२ राजा 18:13

पिप हिज्‍कीयाहमी सासन पशो १४ बर्स दुम्‍मेनु, अस्‍सुर ङा पिप सन्‍हेरीबमी यहूदा ङा गारो हिरशो सहर नेल्‍ल कली लडाइ तोशा ग्रामाक्‍त।

२ राजा 19:16

परमप्रभु यावे आं लोव़ नेनीन। परमप्रभु यावे कोव़ङीन, सन्‍हेरीबम ब्रोंइशा बाक्‍शो परमप्रभु, इन कली शुक्‍शी पा सोइश्‍शो लोव़ नेनीन।

२ राजा 19:22

गे सु कली शाक्‍शा शुक्‍शी पवी? गे सुका आ पर्बम ठेयब लेश्‍शा लोव़ पवी? मेको इस्राएली आन का ला बाक्‍शो परमप्रभु यावे आ पर्बम बाक्‍ब।

२ राजा 19:23

गे इ लोव़ कुरबपुकी सोइश्‍शा, परमप्रभु यावे कली शुक्‍शी पाप्‍‍तीवी’। मिनु गे ‘गो आं शुश बग्‍गीम ठेयब पहाड ङोंइसाक्‍यी। गो लेबानोन ङा नेल्‍ल क्‍येङा ङोन ङोंइसाक्‍यी। गो मेकेर ङा नेल्‍ल क्‍येङा लाइश्‍शो रवा नु मेकेर ङा नेल्‍ल क्‍येङा रिम्‍शो अरु रवा तिम्‍तामी। गो मेको आ सुर सम्‍म ङा नेल्‍ल क्‍येङा ठेयब ब्‍वाकीम जाक्‍दीत्‍ती।

२ राजा 19:3

मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीक, हुइक्‍चा पुंइसीतीक नु मुने दोक्‍तीक नाक्‍त बाक्‍ब। दोपा आल थिचा चिक्‍शो मीश मुर कली आल थिचा कली बोल मबाक्‍बा, मोदेंशो दुम्‍शो बाक्‍ब।

२ राजा 19:30

मिनु यहूदा आ खिं ङा ब्रोंइशा लीशोपुकीम रागीम शाक्‍श थोक्‍नीम। मिनु रागी तार फल सित्‍नीम।

२ राजा 19:31

मारदे हना यरूसलेम रे लीशो मुरपुकी लाइनीम। सियोन डांडा रे हुल का ब्रोंइशो मुर ग्रूशा जाक्‍नीम। मुर नेल्‍ल आन परमप्रभु यावेमी आ जोंब बोक्‍शा मेको पाइब” देंमाक्‍त। यसैया ९:६

२ राजा 19:5

मिनु पिप हिज्‍कीयाह आ सोइश्‍शो गेय पाइबपुकी यसैया आ बाक्‍तीकेम बाक्‍मानु,

२ इतिहास 32:20

मेना पिप हिज्‍कीयाह नु आमोज आ तौ परमप्रभु यावे आ लोव़ पाइब यसैयाम परमप्रभु कली ठेयब सेंदा पा पुन्‍से बाक्‍त।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 50:21

गे मेको नेल्‍ल पाइतीनी हना यो, गो सिक्‍सी पा बाक्‍ती। गे आं खोदेंशो मिम्‍साक्‍नी। तन्‍न गो इन कली हुइश्‍‍शा, इन दोस कोंइनन्‍नी।

भजन संग्रह 74:18

परमप्रभु यावे इन जोरी सत्रुमी इन कली दोपा शाक्‍ग्‍मे। मिनु इन कली मटीबपुकीमी दोपा इन नें आ पर्बम शुक्‍‍शी पामे? मेको मिम्‍तीन।

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

येरमीया 23:36

तन्‍न गे लेंशा ‘परमप्रभु यावे आ देंशो श्‍येत लोव़ बाक्‍ब’ मदेनीन। मारदे हना मुर नेल्‍ल आन पशो लोव़ श्‍येत दुम्‍ब। मोपा गेपुकीम ब्रोंइ‍शा बाक्‍ब परमप्रभु, मुर नेल्‍ल आन परमप्रभु यावे, इं परमप्रभु आ लोव़ दूली सेल्‍नीनी।

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

येरमीया 42:9

मिनु येरमीयामी मेको आन कली “गे आं कली परमप्रभु यावे, इस्राएली आन परमप्रभु आ ङोंइती पुंइथ सोइक्‍ताक्‍यीनी।

इजीकीएल 36:37

मिनु परमप्रभु, परमप्रभु यावेमी “गो इस्राएल आ खिं ङा मुर आन पुंइशो नेंशा, मेको आन मुर आन कली क्‍यारश भेडा खोदेंशो पा शुश सेल्‍नुङमी। मीका २:१२

रोमी 11:5

मुल यो परमप्रभु यावेमी शिशी पा योव़शो का निक्‍शी लीशो बाक्‍नीम। रोमी ९:२७

रोमी 9:27

यसैयामी इस्राएली आन पर्बम “इस्राएल ङा मुरपुकी समुन्‍द्र ङा बाल्‍वा खोदेंशो पा शुश दुम्‍तेक्‍म हना यो, मेको आन लीशो का निक्‍शी ला ब्रोंइचा ताइनीम। रोमी ११:५

ब्‍यवस्‍था 32:36

परमप्रभु यावेमी आ मुर आन कली थमा पा वारच पाइब। आ मुर आन कली शिशी पाइब। मेको आन सक्ति लत हना, मुर नु वाइलीम वाइल यो खतम दुम्‍नीम।

यहोसु 14:12

मोपतीके एको डांडा ङा रागी आं कली गेने। परमप्रभु यावेमी एको आ पर्बम मेनान देंने थुम्‍तु। मिनु ‘मेकेर अनाकीम ङा मुर बाक्‍नीम। मिनु मेकेर गारो पाइश्‍शो ठेयब सहर बाक्‍नीम’ देंशो गे नेंतीनी। मिनु परमप्रभु यावे गो नु बाक्‍त हना, परमप्रभु यावे आ देंशो खोदेंशो पा गो मेको आन कली खेरने चाप्‍नुङ” देंत। यहोसु ११:२१

यहोसु 3:10

मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

१ सामुएल 17:10

मिनु लेंशा “गो मुलाक्‍ती इस्राएल ङा लडाइ पाइ‍ब आन कली आइक्‍च मिम्‍नुङ। मुर का सोइक्‍तीन। मिनु गो लडाइ पाइक्‍नस्‍कु” देंमाक्‍त। २राजा १९:१६; भजन संग्रह ७४:१८; सेफन्‍याह २:८

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:45

मिनु दाऊदमी पलिस्ती कली “गे, गो नु लडाइ पचा कली तूतीक तरवार कुरशा, पिशो बाक्‍नेवे। तन्‍न गो गे नु लडाइ पचा कली मुर नेल्‍ल आन परमप्रभु यावे, इस्राएल ङा लडाइ पाइब आन परमप्रभु आ नेंमी पिशो बाक्नुङ।