२ राजा 19:2 - Sunuwar Bible

² मेकोमी दरवार कोव़ब एल्‍याकीम, ब्रेक्‍ब शेब्‍ना नु ठेयब चढ़ेब आन कली अरन्‍डी फेक्‍पाइश्‍शा, परमप्रभु यावे आ लोव़ पाइब आमोज आ तौ यसैया आ बाक्‍तीकेम सोइक्‍तीमी बाक्‍त।

२ राजा 19:2 ပူးပေါင်းရင်းမြစ်များ

२ सामुएल 3:31

मिनु दाऊदमी योआब नु आ नु बाक्‍ब नेल्‍ल आन कली “इन वा खाक्‍कीन। मिनु भाङग्रा फेक्‍सीन। मिनु आब्‍नेर आ पर्बम रोंका पने” देंमाक्‍त। मिनु पिप दाऊद बेक्‍शो आब्‍नेर कुरब आन नोले गाक्‍माक्‍त।

२ राजा 12:10

मिनु मेकोपुकीमी मेको सन्‍दोस “शुश क्‍येट बाक्‍ब” दे तुइक्‍तमेनु, पिप आ ब्रेक्‍ब नु नेल्‍ल क्‍येङा ठेयब चढ़ेब जाक्‍शा, मेको परमप्रभु यावे आ खिं ङा क्‍येट हिक्‍शा थैलोम कुर पा फ्रेंशा वोइक्‍बाक्‍मा बाक्‍त।

२ राजा 18:18

मिनु मेकोपुकीम पिप कली ब्रेत्‍मे बाक्‍त। मिनु पिप आ खिं ङा ठेयब मुर हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआह मेको आन कली ग्रुम्‍थ जाक्‍मा बाक्‍त।

२ राजा 19:3

मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीक, हुइक्‍चा पुंइसीतीक नु मुने दोक्‍तीक नाक्‍त बाक्‍ब। दोपा आल थिचा चिक्‍शो मीश मुर कली आल थिचा कली बोल मबाक्‍बा, मोदेंशो दुम्‍शो बाक्‍ब।

२ इतिहास 26:22

उज्‍जीयाह आ पशो नेल्‍ल ङोंइती रे नोले सम्‍म ङा गेय नेल्‍ल आमोज आ तौ परमप्रभु यावे आ लोव़ पाइब यसैयाम ब्रेक्‍शो बाक्‍ब। यसैया ६:१; यसैया १:१

यसैया 1:1

परमप्रभुमी आमोज आ तौ यसैया कली कोंइशो लोव़ एको बाक्‍ब। मार लोव़ कोंइशो बाक्‍त देंशा हना, यहूदा नु यरूसलेम आस पर्बम तशो कोंइताक्‍व। मेना पिप उज्‍जीयाह, योथाम, आहाज नु हिज्‍कीयाहमी सासन पशो बाक्‍तेक्‍म। २इतिहास २६:२२

यसैया 2:1

आमोज आ तौ यसैयामी यहूदा नेल्‍ल नु यरूसलेम आ पर्बम कोंइशो नु तशो लोव़ एको बाक्‍ब।

येरमीया 19:1

परमप्रभु यावेमी “लशा खप के ग्‍योंब सेल्‍ब रे ब्‍वाक्‍कु कुर पतीक ग्‍योंब का ग्यापो। मिनु का निक्‍शी मुर आन दाते ङा खाल्‍पा नु का निक्‍शी चढ़ेब आन कली लाइक्‍मी।

येरमीया 36:24

पिप नु मेको आ गेय पाइबपुकी मेको लोव़ नेंशा महिंम। मेकोपुकीमी आन वा यो मखाक्‍गेम।

मत्ती 4:14

मोदेंशो पा साइ नेसी परमप्रभु यावे आ लोव़ पाइब यसैया आ लोव़ थमा दुम्‍माक्‍त। यसैयामी

लूका 3:4

साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा का नेंसीब। मेकोमी मार देंब देंशा हना, प्रभु आ लां सेलीने। आ गाक्‍तीकेम फुल्‍लु ग्रोक्‍शा थेलीने। यसैया ४०:३-५