२ राजा 18:6 - Sunuwar Bible

⁶ मेकोमी परमप्रभु यावे आ नोले खोइक्‍चा गेनायो मप्रोना बाक्‍त। मिनु परमप्रभु यावेमी मोसा कली शेंशो लोव़ नेल्‍ल टिवा बाक्‍त।

२ राजा 18:6 ပူးပေါင်းရင်းမြစ်များ

२ राजा 17:13

मो हना यो परमप्रभु यावेमी आ लोव़ पाइब नु आ कोंइतीक ताइब नेल्‍ल रे पा इस्राएल नु यहूदा ङा मुर आन कली “गे इन मरिम्‍शो लां रे लेतीन। आं शेंशो, आं फुल्‍लुम मुशा ब्रेक्‍शो लोव़ नु इन किकी पिपी आन कली गेशा आं अरेशो नेल्‍ल पने” दे आ गेय पाइबपुकीमी मेको आन कली थाम्‍पा हिंच कोंइपदा बाक्‍त।

२ राजा 17:16

मेकोपुकीम परमप्रभु यावे, आन परमप्रभु आ शेंशो मटिथु, आंम कली यपाइश्‍शा बाछा निक्‍शी नु मूर्ति पाइश्‍शो थाम का सेल्‍समा बाक्‍त। मेकोपुकी नां, तास्‍ला नु सोरुल आन ङोंइती बाम्‍मा बाक्‍त। मिनु बाल देवता कली पूजा पामे बाक्‍त। १राजा १२:२८; १राजा १६:३३

२ राजा 17:19

मिनु यहूदा आ मुरपुकीम यो परमप्रभु यावे, आन परमप्रभु आ शेंशो लोव़ मटीमे बाक्‍त। मेकोपुकीम इस्राएली आन पशो पामे बाक्‍त।

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

यसैया 38:3

“परमप्रभु यावे, गो इन ङोंइती थमा पा थुं निक्‍शी मपथु, बाक्‍ती। मेको मिम्‍तीने। गो इन ङोंइती नेल्‍ल रिम्‍शो पाता” देंत। मिनु हिज्‍कीयाह शुश ङाक्‍त। २राजा १८:२-६

येरमीया 11:4

गो मेको कबल ङा पचा माल्‍शो गेय इन किकी पिपी आन कली श्‍येत जतीक इजीप्‍त रागी रे ग्रुंइची ना अरेशो नङमी। गो मेको आन कली आं अरेशो यो टिने। इन कली अरेशो लोव़ नेल्‍ल पा आं मुर दुम्‍नीनी। मिनु गो इन परमप्रभु दुम्‍नुङ। येरमीया ७:२३

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

ब्‍यवस्‍था 10:12

मिनु गे इस्राएलीपुकी, परमप्रभु यावे, इन परमप्रभुमी इन कली मार पशो दाक्‍ब देंशा हना, गेपुकी परमप्रभु यावे, इन परमप्रभु कली मान पा हिंचा माल्‍नीनी। गेपुकी मेको आ लां गाक्‍शा, मेको कली दाक्‍चा नु इन थुं नु सोक्‍त नेल्‍लेमी परमप्रभु यावे, इन परमप्रभु कली गेय पचा माल्‍नीनी। मीका ६:८

ब्‍यवस्‍था 10:20

गेपुकीमी परमप्रभु यावे, इन परमप्रभु कली मान पा हिंचा माल्‍नीनी। मेको आ गेय पचा माल्‍नीनी। मेको आ नोले खोइश्‍शा, आ नेंमी कसम जचा माल्‍नीनी।

यहोसु 23:8

तन्‍न गेपुकी मुलाक्‍त ङा नाक्‍त सम्‍म पशो खोदेंशो पा परमप्रभु यावे, इन परमप्रभु नु ला बाक्‍कीन।

१ यूहन्‍ना 5:3

गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०