२ राजा 18:4 - Sunuwar Bible4 मेकोम डांडा ङा थानपुकी प्रेश्शा, ताइक्तीमी बाक्त। ख्रुक्शो फुल्लु जिक्शा, मूर्ति पाइश्शो थाम क्योरशा ताइक्तीमी बाक्त। मेकोमी मोसा आ सेल्शो कांसा के बुस्स कली टुक्रा टुक्रा पवा बाक्त। मारदे हना मेना सम्म इस्राएलीपुकीम मेको कली धूप चोइबाक्मा बाक्त। मेकोपुकीम मेको कली नहुश्तन देंबाक्मा बाक्त। २राजा १५:३५; गन्ती २१:८-९ အခန်းကိုကြည့်ပါ။ |
२ राजा 18:4
30 ပူးပေါင်းရင်းမြစ်များ
मेको नोले पिप आहाजमी चढ़ेब उरीयाह कली “एको ठेयब नक चढ़ेतीकम सुनी चोशा चढ़ेतीके नु नाक्दो ङा अन्न चढ़ेतीके, पिप आ चोशा चढ़ेतीके, मेको आ अन्न चढ़ेतीके, रागी ङा मुर नेल्ल आन चोशा चढ़ेतीके नु मेको आन अन्न चढ़ेतीके नु तूचा थोव़क चढ़ेतीके चढ़ेवो। चढ़ेतीकेम चोशा चढ़ेतीक नु चढ़ेशो नेल्ल आन हुश ब्रुइक्चा माल्ब। तन्न मेको कांसा के चढ़ेतीके चहिं परमप्रभु यावे कली मारेइ लोव़ हिल्लो पची ना गो मेकेर चढ़ेशा हिल्लो पाइनुङ” दे मदा बाक्त।
मेको नोले पिपमी नेल्ल क्येङा ठेयब चढ़ेब हिल्कीयाह, मेको आ नोले ङा अरु चढ़ेबपुकी नु लाप्चो खाल पाइब आन कली “परमप्रभु यावे आ खिं रे बाल देवता, अशेराह देवी, नां तास्ला नु सोरुल आन कली सेल्शो मारेइ मारेइ बोसपुकी ग्रुंइदीन” दे अरेवा बाक्त। मिनु मेकोपुकीमी मेको नेल्ल यरूसलेम ङा किद्रोन खोल्साम चोव़मे बाक्त। मिनु पुलु चहिं बेथेलम लदमे बाक्त। २राजा २१:३
मिनु मेको नेल्ल नुप्शा नोले यरूसलेम जाक्शो इस्राएली नेल्ल यहूदा ङा सहरपुकीम लशा, पूजा पतीक ख्रुक्शो फुल्लु प्रेत्मे बाक्त। मूर्ति पाइश्शो थाम खोल्मे बाक्त। यहूदा, बेन्यामीन, एफ्राइम नु मनस्से रागी नेल्ल ङा डांडा ङा थान बुल बाल उइश्शा ताइक्तमे बाक्त। मिनु नोले इस्राएली आन आन सहर नु आन आन बाक्तीकेम लेम्मा बाक्त। २इतिहास २९:-; ब्यवस्था ७:५; २राजा १८:४
ကြော်ငြာတွေ